Malayalam Movie OTT : ఓటీటీలో మలయాళ సినిమాలకు ఆదరణ ఇప్పుడు ఎక్కువగా ఉంది. అక్కడ సినిమాలను డబ్ చేసి అన్ని భాషల్లో అందుబాటులోకి తీసుకొస్తున్నారు మేకర్స్. రియలిస్టిక్ గా ఉండే ఈ సినిమాలను చూసేందుకు ప్రేక్షకులు కూడా తెగ ఇంట్రెస్ట్ చూస్తున్నారు. ఇక ఈ మధ్య వస్తున్న సినిమాలు దాదాపు హిట్ టాక్ సొంతం చేసుకుని వచ్చినవే. ఈ నేపథ్యంలో మరో మలయాళ హిట్ మూవీ ఓటీటీలోకి వస్తోంది. బాక్సాఫీస్ వద్ద సూపర్ హిట్గా నిలిచిన ఈ మూవీని, మరికొన్ని గంటల్లో ఎంచక్కా చూసేయచ్చు.
రాజేష్ మాధవన్ దర్శకత్వంలో వచ్చిన ఈ కామెడీ డ్రామా పేరు ‘పెన్నుమ్ పోరాట్టమ్’ (Pennum Porattum). ఈ సినిమా థియేటర్లలో ఫిబ్రవరి 13న విడుదలై విమర్శకులు నుంచి ప్రశంసలు అందుకుంది. IMDbలో 8.2 రేటింగ్ సాధించిన ఈ చిత్రం ఇప్పుడు సైలెంట్గా ఓటీటీలోకి అడుగుపెడుతోంది. ఇది 2026 మార్చి 13 నుంచి నెట్ఫ్లిక్స్ (Netflix)లో తమిళ్, తెలుగు, హిందీ భాషల్లో స్ట్రీమింగ్ అవ్వబోతోంది. ఈ సినిమాలో రైనా రాధాకృష్ణన్, దినేష్ కీలక పాత్రల్లో నటించగా, రాజేష్ మాధవన్ ముఖ్య పాత్రలో కనిపించారు. ఇక రాజేష్ మాధవన్ దర్శకుడిగా, తన మొదటి సినిమాతోనే ఇంత పెద్ద హిట్ కొట్టడం విశేషం. మరో ముఖ్యమైన విషయం ఏమిటంటే, సుట్టు అనే డాల్మేషియన్ కుక్కకు మలయాళ స్టార్ హీరో టొవినో థామస్ వాయిస్ ఓవర్ చెప్పడం. ఈ కాన్సెప్ట్ చాలా ఫ్రెష్గా, యూనిక్గా కూడా ఉంటుంది.
పాలక్కాడ్లోని ఒక గ్రామంలో చారులత అనే అమ్మాయి, తన పెంపుడు కుక్క సుట్టుతో కలిసి ప్రశాంతంగా బతుకుతుంటుంది. అయితే ఒకానొక చిన్న సంఘటన కారణంగా ఆమె మీద, ఆ కుక్క మీద ఊరిలో లేనిపోని పుకార్లు పుట్టుకొస్తాయి. ఆ పుకార్లు ఎంతలా ముదిరిపోతాయంటే, ఊరి జనం అంతా ఏకమై ఆమెపై పడి దాడి చేసేంత గందరగోళం మొదలవుతుంది. చారులత తనను తాను ఎలా కాపాడుకుంది ?, ఈ పిచ్చి జనం నుండి ఆమె ఎలా తప్పించుకుంది ? అసలు ఆ పుకార్లు ఏమిటి ? అనే విషయాలను మాత్రం ఈ మలయాళం సినిమాను చూసి తెలుసుకొనాల్సిందే. ఇక ఆ కుక్కకు హీరో టోవినో థామస్ తన వాయిస్ ఇవ్వడం సినిమాకు పెద్ద హైలైట్. ఆ కుక్క వల్ల వచ్చే సీన్స్ మాత్రం కామెడీతో కడుపుబ్బా నవ్విస్తాయి. ఫ్యామిలీ ఆడియన్స్ ను ఈ సినిమా పక్కా ఎంటర్టైన్ చేస్తుంది.
Read Also : దుర్యోధనుడి అవతారంలో సీరియల్ కిల్లర్… యుగాలు దాటే ప్రతీకారం…కసిగా ఒక్కో హత్య
Share
Lock Down Movie OTT : అనుపమ పరమేశ్వరన్ తమిళ సర్వైవల్ థ్రిల్లర్ నెల రోజుల తర్వాత ఓటీటీలోకి... తెలుగులోనూ చూడచ్చు
Thriller Series OTT : ఆత్మలతో మాట్లాడే డాక్టర్ ... ఓటీటీలోకి రాబోతున్న సౌత్ కొరియన్ మెడికల్ థ్రిల్లర్ సిరీస్
