Naveen Chandra: ఒకప్పటితో పోల్చుకుంటే ఇప్పటికాలంలో ప్రేక్షకుడి అభిరుచి పూర్తిగా మారిపోయింది. ఒకప్పుడు సెలబ్రిటీల స్టేటస్ ను బట్టి థియేటర్ కి వెళ్లే వాళ్ళు. కానీ ఇప్పుడు అవతల ఎంత పెద్ద తోపైనా కంటెంట్ ఉంటేనే ఆదరిస్తున్నారు. అందుకే చిన్న సెలబ్రిటీలు కూడా కంటెంట్ ఓరియెంటెడ్ సినిమాతో ప్రేక్షకుల ముందుకు వచ్చారు అంటే కచ్చితంగా వారిని అందలం ఎక్కిస్తున్నారు అనడంలో సందేహం లేదు. ఇకపోతే థియేటర్లలోనే కాదు ఆ థియేటర్లలో విడుదలైన చిత్రాలు ఇటు ఓటిటిలోకి కూడా వచ్చి ప్రేక్షకులకు మంచి వినోదాన్ని పంచుతున్నాయి. అందులో భాగంగానే ఫ్యామిలీ, కామెడీ, హారర్, థ్రిల్లర్, మాస్, యాక్షన్ ఇలా ప్రతి జానర్ కూడా ప్రేక్షకులకు మంచి ఎంటర్టైన్మెంట్ అందివ్వడానికి సిద్ధం అయిపోయింది.
ఇదిలా ఉండగా థియేటర్లలో హారర్ థ్రిల్లర్ కాన్సెప్ట్ తో వచ్చిన నవీన్ చంద్ర (Naveen Chandra) సినిమా 20 రోజుల్లోనే ఓటీటీ స్ట్రీమింగ్ కి రావడంతో అభిమానులు సర్ప్రైజ్ అవుతున్నారు.. అసలు విషయంలోకెళితే.. పలాస , శ్రీదేవి సోడా సెంటర్ , మట్కా వంటి చిత్రాలతో దర్శకుడిగా మంచి గుర్తింపు తెచ్చుకున్న కరుణ కుమార్ దర్శకత్వంలో తెరకెక్కిన సైకలాజికల్ హారర్ థ్రిల్లర్ మూవీ హనీ. ఫిబ్రవరి 6న థియేటర్లలో వచ్చిన ఈ సినిమా ఇప్పుడు నెలలోపే ఓటిటిలోకి రానుంది. ఈ మేరకు అధికారిక ప్రకటన కూడా వచ్చేసింది. నవీన్ చంద్ర, దివ్యా పిళ్ళై ప్రధాన పాత్రలో నటించిన ఈ మూవీని ఓవా ఎంటర్టైన్మెంట్ బ్యానర్ పై రవిపీట్ల, ప్రవీణ్ కుమార్ రెడ్డి నిర్మించారు. ఇందులో దివ్యాపిళ్ళై, రాజా రవీంద్ర , దివి కీలక పాత్రలు పోషించారు.
తాజాగా అందుతున్న సమాచారం ప్రకారం.. ప్రముఖ ఓటీటీ ప్లాట్ ఫామ్ సన్ నెక్స్ట్ లో ఫిబ్రవరి 27న స్ట్రీమింగ్ కానుంది. తెలుగుతో పాటు తమిళ్ వర్షన్ లో కూడా స్ట్రీమింగ్ కానున్నట్లు తాజాగా పోస్టర్ ను విడుదల చేశారు. అమెజాన్ ప్రైమ్ వీడియోలో కూడా ఈ మూవీ విడుదల కానుంది. క్షుద్ర పూజలు, చేతబడులు అనే కాన్సెప్ట్ తో డార్క్ సైకాలజికల్ థ్రిల్లర్ లో ఈ సినిమాను తెరకెక్కించారు.
హీరో నవీన్ చంద్రకి మూఢనమ్మకాల పిచ్చి. ఆ నమ్మకాల కారణంగానే తన ఉద్యోగం కూడా ఊడిపోతుంది. ఆయన భార్య దివ్య, కూతురు జయన్ని భయభ్రాంతులకు గురవుతున్నా.. నవీన్ చంద్ర మాత్రం క్షుద్ర పూజలు చేస్తూనే ఉంటాడు. ఊరికి దూరంగా ఒక బంగ్లాకి తన ఫ్యామిలీని తరలిస్తాడు. అక్కడ క్షుద్ర పూజలు చేస్తే తన కోరిక నెరవేరుతుందని.. అందుకుగాను కూతురు తన మాట వినాలని చెబుతాడు. మొదట భార్య భర్త నిర్ణయాన్ని తిరస్కరించినా కొన్ని కారణాలవల్ల ఆమె ఒప్పుకుంటుంది. కూతురుతో నవీన్ చంద్ర ఏం పని చేశాడు? క్షుద్ర పూజలు నిజంగానే ఫలించాయా? నవీన్ చంద్ర కారణంగా తల్లి కూతుర్లు ఎదుర్కొన్న భయంకర అనుభవాలు ఏంటి ?తదితర విషయాలు తెలియాలి అంటే సినిమా చూడాల్సిందే.
also read: Allu Arjun: తమ్ముడి పెళ్లి.. గ్రాండ్ పార్టీ ఇచ్చిన బన్నీ.. గెస్ట్లుగా ఎవరంటే?
Share
Smartphone Comparison: లావా బోల్డ్ N2 vs గెలాక్సీ F07 vs మోటో G06 పవర్.. రూ.8000 బడ్జెట్లో ఏది బెస్ట్?
Yellampet Municipality: ఎల్లంపేట్ మున్సిపాలిటీలో అధికారుల ఇష్టా రాజ్యం.. సమయమైనా కనిపించని అధికారులు
