OTT Releases This Week : వాలెంటైన్స్ డే వీక్ వచ్చేసింది. ఈ నేపథ్యంలోనే ఓటీటీలు కూడా ప్రేక్షకులను అలరించడానికి రొమాంటిక్ కంటెంట్ ను రెడీ చేసుకుంటున్నాయి. అందులోనూ ఈ వారం ప్రత్యేకంగా తెలుగు సినిమాల సందడి నడుస్తోంది. మరి అందులో భాగంగా ఈ వారం ఓటీటీలోకి వస్తున్న ఆ తెలుగు సినిమాలు, సిరీస్ల లిస్ట్ పై ఒక లుక్కేద్దాం పదండి.
ఈటీవీ విన్ లో కథా సుధ సిరీస్ లో తాజాగా ‘గోల్డ్ & గీత’ అనే అడ్వెంచర్ డ్రామా చేరింది. అజయ్ కతువర్, ఆదిత్య, దక్షి ప్రధాన పాత్రల్లో నటించిన ఈ తెలుగు షార్ట్ ఫిల్మ్కు గంగనమోని శేఖర్ దర్శకత్వం వహించారు. ఇది నిన్నటి నుండే ఓటీటీలో ప్రసారం అవుతోంది. మరి ఈ సిరీస్ కు ప్రేక్షకుల నుంచి ఎలాంటి ఆదరణ వస్తుందో చూడాలి.
మెగాస్టార్ చిరంజీవి తాజా సూపర్ హిట్ సినిమా ‘మన శంకర వర ప్రసాద్ గారు’. సంక్రాంతి కానుకగా థియేటర్లలోకి వచ్చిన ఈ సినిమా బాక్స్ ఆఫీసు వద్ద దుమ్మురేపిన సంగతి తెలిసిందే. ఫిబ్రవరి 11న ఏడు భారతీయ భాషల్లో ఓటీటీలో రిలీజ్ కానుంది. ZEE5 ఓటీటీలో డిజిటల్ అరంగేట్రం చేయబోతోంది. నయనతార కథానాయికగా నటించిన ఈ బ్లాక్ బస్టర్ కు అనిల్ రావిపూడి దర్శకత్వం వహించారు. ఇప్పటికే థియేటర్లలో ఈ మూవీని చూసి ఎంజాయ్ చేసిన ఆడియన్స్, మరికొన్ని గంటల్లో ఎంచక్కా ఇంట్లోనే కూర్చుని ఎంజాయ్ చేయాలని ఆసక్తిగా ఎదురు చూస్తున్నారు. ఫ్యామిలీ ఆడియన్స్ స్పెషల్ గా ఈ సినిమా డిజిటల్ స్ట్రీమింగ్ గురించి వెయిట్ చేస్తున్నారు. ఇక థియేటర్లలో మిస్సైన వారి గురించి ప్రత్యేకంగా చెప్పక్కర్లేదు.
టాలీవుడ్ యంగ్ హీరో నవీన్ పోలిశెట్టి, మీనాక్షి చౌదరి ప్రధాన పాత్రల్లో నటించిన మూవీ ‘అనగనగా ఒక రాజు’. గోదావరి నేపథ్యంతో సాగే ఈ కామెడీ ఎంటర్టైనర్ థియేటర్లలో అలరించి పక్కా పండగ సినిమా అనిపించుకుంది. హీరో నవీన్ పొలిశెట్టి కామెడీ టైమింగ్ ఎప్పటిలాగే ఈ సినిమాలోనూ అదిరిపోయింది. మీనాక్షీ చౌదరి అందం, అభినయం ఇందులో స్పెషల్ అట్రాక్షన్. చమ్మక్ చంద్ర, ‘సంక్రాంతికి వస్తున్నాం’ ఫేమ్ బుల్లిరాజు, రావు రమేశ్ తదితరులు కీలక పాత్రలు పోషించిన ఈ సినిమాను దర్శకుడు మారి తెరకెక్కించారు. ఈ సినిమా జనవరి 14న విడుదల కాగా, 100 కోట్లకు పైగానే కలెక్ట్ చేసి అదరగొట్టింది. ఈ హిట్ చిత్రం ఫిబ్రవరి 11న ఐదు భాషల్లో నెట్ఫ్లిక్స్లో డిజిటల్ గా విడుదల కానుంది.
శివాజీ, లయ జంటగా మరోసారి కలిసి నటించిన మూవీ ‘సంప్రదాయిని సుప్పిని సుద్దపూసని’. ఈ క్రైమ్ డ్రామాకి సుధీర్ శ్రీరామ్ దర్శకత్వం వహించారు. ఈ సినిమా కూడా వాలెంటైన్స్ డే కానుకగా విడుదల కానుంది. ఇప్పటికే ETV Win ఫిబ్రవరి 12న ఈ చిత్రాన్ని స్ట్రీమింగ్ చేయబోతున్నట్టు అధికారికంగా ప్రకటించింది.
Also Read : స్టూడెంట్ ను వేధించే టీచర్… తల్లి ఇచ్చే ట్విస్ట్ కు ఫ్యూజులు అవుట్
Share
ICC On Pak: పాకిస్తాన్ కు మరో ఎదురుదెబ్బ..ఆ 3 డిమాండ్లు రిజెక్ట్ చేసిన ఐసీసీ
GHMC Council: నేటితో ముగియనున్న కౌన్సిల్ పదవీ కాలం.. నెలలోనే జీహెచ్ఎంసీ మూడు కార్పొరేషన్లకు ఎన్నికలు?
