Ustaad Bhagat Singh:పవర్ స్టార్ పవన్ కళ్యాణ్ (Pawan Kalyan) ఒకవైపు రాజకీయంగా.. మరొకవైపు సినిమా జీవితాన్ని చక్కగా బ్యాలెన్స్ చేసుకుంటూ కెరియర్లో ముందుకు వెళుతున్న విషయం తెలిసిందే. ముఖ్యంగా అటు కుటుంబం విషయంలో కూడా పలు జాగ్రత్తలు తీసుకుంటూ సమయాన్ని చక్కగా సద్వినియోగం చేసుకుంటూ అందరికీ ఆదర్శంగా నిలుస్తున్నారు. ఇకపోతే సినిమాల ద్వారా ప్రేక్షకులను అలరించడానికి హరిహర వీరమల్లు సినిమాతో ప్రేక్షకుల ముందుకు వచ్చారు. ఈ సినిమా పరవాలేదు అనిపించుకుంది. ఆ తర్వాత సాహో డైరెక్టర్ సుజిత్ దర్శకత్వంలో ఓజీ సినిమా చేసి మంచి విజయాన్ని సొంతం చేసుకున్న పవన్ కళ్యాణ్.. మళ్లీ హరీష్ శంకర్ దర్శకత్వంలో ఉస్తాద్ భగత్ సింగ్ సినిమాతో ప్రేక్షకుల ముందుకు వచ్చారు..
వాస్తవానికి పవన్ కళ్యాణ్, హరీష్ శంకర్ కాంబినేషన్లో గతంలో గబ్బర్ సింగ్ సినిమా వచ్చి మంచి విజయాన్ని అందుకుంది. ఈ సినిమా మ్యాజిక్ ను ఉస్తాద్ రిపీట్ చేస్తుందని అభిమానులు కూడా ఆశాభవం వ్యక్తం చేశారు. కానీ ఈ సినిమా సమయంలో అటు బ్లాక్ బస్టర్ ని సొంతం చేసుకున్న ధురంధర్ సినిమా సీక్వెల్ ధురంధర్2: ది రివేంజ్ విడుదల అయ్యి ఉస్తాద్ భగత్ సింగ్ సినిమాకి భారీ నష్టాన్ని మిగిల్చింది. ఈ సినిమా కారణంగానే ఉస్తాద్ సినిమాపై పెద్దగా ప్రేక్షకులు ఆసక్తి కనబరచలేకపోయారు. ఇక దీంతో నిర్మాతకు నష్టం వాటిల్లింది అనే వార్తలు కూడా ఒక వైపు సినీ వర్గాలలో వినిపిస్తున్నాయి.
ఇదిలా ఉండగా తాజాగా ఈ సినిమా డిజిటల్ స్ట్రీమింగ్ కి సంబంధించిన ఒక వార్త సోషల్ మీడియాలో వైరల్ గా మారింది. అసలు విషయంలోకి వెళ్తే.. ఈ సినిమా ఓటీటీ హక్కులను ప్రముఖ ఓటీటీ దిగ్గజం నెట్ ఫ్లిక్స్ భారీ ధరకు సొంతం చేసుకుంది. ఈ నెల 19వ తేదీన ఈ సినిమా ప్రేక్షకుల ముందుకు రాగా.. ఏప్రిల్ 17 లేదా 24వ తేదీన నెట్ ఫ్లిక్స్ లో లో డిజిటల్ స్ట్రీమింగ్ కి వచ్చే అవకాశాలు కనిపిస్తున్నాయి. ఇక త్వరలోనే దీనిపై నెట్ ఫ్లిక్స్ నుంచీ అధికారిక ప్రకటన వెలువడనుంది. థియేటర్లలో పెద్దగా కలెక్షన్లను రాబట్ట లేకపోయిన ఈ సినిమా అటు ఓటీటీలో ఎలాంటి రికార్డ్స్ క్రియేట్ చేస్తుందో చూడాలి.
also read:బిగ్ బాస్ నటితో సిరాజ్ డేటింగ్.. సంచలనం సృష్టిస్తున్న వీడియో!
హరీష్ శంకర్ దర్శకత్వంలో పవన్ కళ్యాణ్ హీరోగా శ్రీ లీల, రాశిఖన్నా హీరోయిన్లుగా ప్రేక్షకుల ముందుకు మార్చి 19వ తేదీన ఈ సినిమా వచ్చింది. దేవి శ్రీ ప్రసాద్ సంగీతం అందించగా మొదటి రోజు మిక్స్డ్ టాక్ సొంతం చేసుకుంది. ఇక ఈ చిత్రానికి 122.4 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కోసం రూ.123 కోట్ల షేర్ ను రాబటాల్సి ఉంటుంది. ఈ సినిమా కేవలం 53.73 కోట్లు మాత్రమే రాబట్టి గ్రాస్ పరంగా రూ.91.5 కోట్లు కొల్లగొట్టింది . మరో 69. 27 కోట్ల షేర్ ఇంకా రాబట్టాల్సి ఉంటుంది. ఇక 10 రోజులైనా వంద కోట్లు కష్టంగా మారిన ఈ సినిమా ఫుల్ రన్ ముగిసే సరికి ఆ కలెక్షన్స్ రాబడుతుందా అనే అనుమానాలు వ్యక్తం అవుతున్నాయి.
Share
Klynk Smart Cooktop: దేశంలోనే తొలి ఇంటెలిజెంట్ ఇండక్షన్ స్టవ్.. వంట రాకున్నా.. మిమ్మల్ని గైడ్ చేసి మరి వండేస్తది!
సైబర్ క్రైం బాధితులకు భారీ ఊరట.. 24.91కోట్ల రీఫండ్!
