Horror Movie OTT : ఓటీటీలో ఒక డిఫరెంట్ సైకలాజికల్ హారర్ మూవీ స్ట్రీమింగ్ లో ఉంది. ఈ ఫిలిప్పీన్ మూవీ గత ఏడాది థియేటర్లలో విడుదలై ఆడియన్స్ ని బాగానే బయపెట్టింది. ఇది ఒక ఫిల్మ్ ఎడిటర్, అతని కుమార్తె కలిసి ఒక పాత సైలెంట్ హారర్ సినిమాను సరి చేయడానికి ప్రయత్నిస్తారు. ఈ క్రమంలో వీళ్ళు ఒక భయాంకరమైన రాక్షసిని నిద్ర లేపుతారు. ఆ తరువాత అసలు హారర్ మొదలవుతుంది. ఒక్కో సీన్ గూస్ బంప్స్ తెప్పిస్తుంది. ఈ ఫిలిప్పీన్ సైకలాజికల్ హారర్ మూవీ పేరు, ఏ ఓటీటీలో ఉంది ? అనే వివరాల్లోకి వెళ్తే..
ఈ ఫిలిప్పీన్ సైకలాజికల్ హారర్ మూవీ పేరు ‘పోస్ట్హౌస్’ (Posthouse). ఇది 2025 ఆగస్టు 20న థియేటర్లలో విడుదలైంది. నికోలస్ రెడ్ ఈ చిత్రానికి దర్శకత్వం వహించారు. ఇది 1927లో వచ్చిన ఫిలిప్పీన్స్ మొట్టమొదటి హారర్ చిత్రం ‘అంగ్ మననం గల్’ (Ang Manananggal) ఆధారంగా రూపొందింది. సిడ్ లూసెరో, బీ బినేనే ఈ చిత్రంలో ప్రధాన పాత్రలు పోషించారు. ప్రస్తుతం ఈ చిత్రం నెట్ఫ్లిక్స్ (Netflix) లో అందుబాటులో ఉంది.
సిరిల్ అనే ఒక ఫిల్మ్ ఎడిటర్, చాలా కాలంగా దూరంగా ఉంటున్న తన కూతురు రియాతో కలిసి ఒక పాత కాలపు పూర్తికాని ‘సైలెంట్ హారర్’ సినిమాను బాగు చేసే పని మొదలుపెడతాడు. అది వారి తాత ముత్తాతల కాలం నాటి పాత ఫిల్మ్ రీల్స్. ఆ రీల్స్ని ఒక్కొక్కటిగా సెట్ చేస్తున్న కొద్దీ, ఆ సినిమాలో ఉన్న భయంకరమైన పాత్రలు నిజ జీవితంలోకి రావడం మొదలవుతాయి. తెలియకుండానే వాళ్ళు ఒక పురాతన రాక్షసిని మేల్కొల్పుతారు.
ఇక ఆ పాత సినిమాలో జరుగుతున్న దారుణాలు వీరిద్దరి జీవితాల్లో కూడా రిపీట్ అవ్వడం స్టార్ట్ అవుతుంది. ఆ గది నుండి బయటపడాలన్నా, ఆ రాక్షసి బారి నుండి తప్పించుకోవాలన్నా ఆ సినిమాను ఎలాగైనా పూర్తి చేయాల్సి ఉంటుంది. చివరికి ఆ రాక్షసి నుంచి వీళ్ళు బయటపడతారా ? తండ్రీకూతుళ్ల మధ్య ఉన్న పాత గొడవలు ఏమిటి ? అనే విషయాలను, ఈ ఫిలిప్పీన్ సైకలాజికల్ హారర్ సినిమాను చూసి తెలుసుకోవాల్సిందే.
Share
10000mAh Battery Torch: గడ్డకట్టే చలిలో కూడా పనిచేసే టార్చ్ లైట్.. 2500 లుమెన్ ఫ్లాష్లైట్, 10000mAh బ్యాటరీతో
Telangana BJP: మున్సిపల్ ఎన్నికల్లో మద్దతుదారులపై బీజేపీ గరం గరం.. త్వరలో వారిపై వేటు..?
