Made in Korea on OTT : నటి ప్రియాంక అరుల్ మోహన్ ‘మేడ్ ఇన్ కొరియా’ వెబ్ ఫిల్మ్ తో ఓటీటీలోకి ఎంట్రీ ఇస్తోంది. ఈ సినిమా రన్‌టైమ్‌ను 1 గంట 51 నిమిషాలుగా ఉంటున్నట్లు తెలుస్తోంది. సియోల్ లోని అందమైన ప్రదేశాలలో ఈ సినిమా షూటింగ్ జరుపుకుంది. ఇప్పటికే వచ్చిన టీజర్ కూడా ఆడియన్స్ ను ఎంతగానో ఆకట్టుకుంటోంది. దక్షిణ కొరియాకి వెళ్ళిన ఒక తమిళ అమ్మాయి చుట్టూ ఈ కథ ఉంటుంది. ఇదొక ఫీల్ గుడ్ అండ్ ఇన్‌స్పైరింగ్ జర్నీ. మరి ఇది ఏ ఓటీటీలోకి ఎప్పుడు వస్తుందో తెలుసుకుందాం పదండి.
ప్రియాంక మోహన్ నటించిన ‘మేడ్ ఇన్ కొరియా’ (Made in Korea) వెబ్ ఫిల్మ్ Netflixలో డైరెక్ట్‌గా స్ట్రీమ్ అవుతుంది. కానీ స్ట్రీమింగ్ డేట్ ఇంకా అధికారికంగా అనౌన్స్ కాలేదు. నెట్ ఫ్లిక్స్ నుంచి ఎగ్జాక్ట్ రిలీజ్ డేట్ కోసం వెయిట్ చేయాలి. ఇది 2026లో రిలీజ్ అవుతుందని కన్ఫర్మ్ అయింది. త్వరలోనే వస్తుందని తెలుస్తోంది. ఈ ఇండో-కొరియన్ ప్రాజెక్ట్ లో సౌత్ కొరియన్ యాక్ట్రెస్ హై-జిన్ కూడా కీ రోల్‌లో నటించింది. ఈ సినిమాకి ‘నితం ఒరు వానమ్’ (తెలుగులో ‘ఆకాశం’) ఫేమ్ రా కార్తీక్ దర్శకత్వం వహించారు. ఒరిజినల్‌గా తమిళంలో రూపొందిన ఈ చిత్రం తెలుగు, హిందీ, కన్నడ, మలయాళ భాషల్లో కూడా అందుబాటులో ఉంటుంది.
కన్యాకుమారికి చెందిన శెంబ (ప్రియాంక మోహన్) అనే అమ్మాయికి చిన్నప్పటి నుండి కొరియన్ డ్రామాలు అంటే పిచ్చి. ఎలాగైనా ఒకసారి దక్షిణ కొరియా వెళ్లాలని కలలు కంటుంది. తన బాయ్‌ఫ్రెండ్ సహాయంతో ఫైనల్‌గా ఆమె సియోల్ చేరుకుంటుంది. కానీ అక్కడికి వెళ్ళాక కథ అడ్డం తిరుగుతుంది. నమ్మిన బాయ్‌ఫ్రెండే ఆమెను మోసం చేసి, ఒంటరిగా వదిలేసి వెళ్ళిపోతాడు. చేతిలో చిల్లిగవ్వ లేదు, అస్సలు అర్థం కాని భాష.. ఇలాంటి కష్టాల్లో ఉన్న శెంబకు అక్కడ ఒక కొరియన్ స్నేహితురాలు (పార్క్ హై-జిన్) పరిచయం అవుతుంది. భాష తెలియకపోయినా ఆమె పరాయి దేశంలో తన కాళ్ల మీద తాను ఎలా నిలబడింది? తన కష్టాలను ఎలా ఎదుర్కొంది? అనేదే ఈ సినిమా మెయిన్ పాయింట్.
Read Also : మార్చురీలో మతిపోగొట్టే పనులు… గుండెలదిరే సీన్స్… హర్రర్ మూవీ అంటే ఇలా ఉండాలి మావా
Share
Chakrapuri Colony: 20 ఏళ్ల సమస్య.. ఫిర్యాదు మాత్రమే కాదు.. ఆధారాలతో సాధించారు.. చక్రపురి వాసులకు రంగనాథ్ సత్కారం
Jio AI Jobs: జియో ఓపెన్ జాబ్ ఆఫర్.. ఏఐ స్కిల్స్ ఉంటే చాలు ఉద్యోగం రెడీ
