Psycho Thriller OTT : నదిలో గుట్టలుగా ఎముకల గూళ్ళు… బోన్ చిల్లింగ్ సైకలాజికల్ థ్రిల్లర్ మావా

Psycho Thriller OTT : సైకలాజికల్ థ్రిల్లర్‌లు ఆడియన్స్ కి ఇచ్చే థ్రిల్ మరే సినిమాలు ఇవ్వలేవు. కొన్ని సినిమాలలో ఉత్కంఠ చాలా తీవ్రంగా ఉంటుంది కూడా. చూపు తిప్పుకోవడం కూడా కష్టంగానే ఉంటుంది. ఇలాంటి జోనర్ మూవీ రీసెంట్ గా ఓటీటీలో స్ట్రీమింగ్ కి వచ్చింది. ఈ హాలీవుడ్ మూవీ థ్రిల్లర్ ఫ్యాన్స్ కి మస్ట్ వాచ్ మూవీగా చెప్పుకోవచ్చు. ఈ సినిమాపేరు, ఏ ఓటీటీలో స్ట్రీమింగ్ అవుతుంది ? అనే వివరాల్లోకి వెళ్తే …

నెట్‌ఫ్లిక్స్ లో స్ట్రీమింగ్

మెర్సిడెస్ బ్రైస్ మోర్గాన్ దర్శకత్వం వహించిన ఈ థ్రిల్లర్ సినిమా పేరు ‘బోన్ లేక్’ (Bone Lake). ఇందులో మాడ్డీ హాసన్, అలెక్స్ రో, ఆండ్రా నెచిటా మరియు మార్కో పిగోస్సి నటించారు. ఈ కథను జాషువా ఫ్రైడ్‌ల్యాండర్ రాశారు. ఈ సినిమా 2025 అక్టోబర్ 3న థియేటర్లలో విడుదలైంది.
2024లో ఫెంటాస్టిక్ ఫెస్ట్‌లో కూడా ప్రదర్శనకు వచ్చింది. బాక్సాఫీస్ వద్ద మంచి విజయం సాధించిన ఈ మూవీ, మూడు నెలల తర్వాత ఇప్పుడు ఓటీటీ ప్లాట్‌ఫామ్ నెట్‌ఫ్లిక్స్ లో స్ట్రీమింగ్ అవుతోంది.

స్టోరీ ఏమిటంటే

సేజ్, డీగో అనే ఒక ప్రేమ జంట ప్రశాంతంగా గడపడానికి ‘బోన్ లేక్’ అనే ప్రాంతంలో వెకేషన్ కి వెళ్తారు. అక్కడ ఒక విలాసవంతమైన విల్లాను అద్దెకు తీసుకుంటారు. వాళ్ళు అక్కడికి చేరుకున్నాక, అదే విల్లాను విల్, సిన్ అనే మరో జంట కూడా బుక్ చేసుకున్నారని తెలుస్తుంది. పొరపాటున డబుల్ బుకింగ్ అవ్వడం వల్ల, బయట వాతావరణం బాలేనందున ఆ రాత్రికి అందరూ కలిసి అదే ఇంట్లో ఉండాలని నిర్ణయించుకుంటారు. మొదట్లో అంతా సాఫీగా సాగుతున్నట్లు అనిపిస్తుంది. నలుగురూ కలిసి మద్యం తాగుతూ, సరదాగా మాట్లాడుకుంటారు.

కానీ నెమ్మదిగా విల్, సిన్ ప్రవర్తనలో మార్పు వస్తుంది. వాళ్ళు డీగో, సేజ్‌లను మధ్య గొడవలు పెట్టడం మొదలు పెడతారు. వాళ్ళ మనసులతో ఆడుకుంటారు. కథ చివరి అరగంటలో ఊహించని మలుపులు తిరుగుతుంది. ఆ విల్లాలో హింసాత్మకమైన సంఘటనలు జరుగుతాయి. అసలు విల్, సిన్ వెనుక ఉన్న అసలు రహస్యం ఏమిటి? వాళ్ళు సేజ్, డీగోలను ఎందుకు టార్గెట్ చేశారు? ఆ భయంకరమైన రాత్రి నుండి వీళ్ళు ప్రాణాలతో బయట పడ్డారా ? అనేది ఈ సినిమాను చూసి తెలుసుకోండి.