Psychological horror movie OTT: అమ్మాయికి నరకం చూపించే అత్త… రాత్రయితే మరీ దారుణం… ఇది పెద్దలకు మాత్రమే

Psychological horror movie OTT : కొన్ని సినిమాలు చూస్తున్నప్పుడు దెయ్యాల సినిమాలు కూడా దిగుదుడుపే అనిపిస్తుంది. ఈ సినిమాలలో హింస అంత దారుణంగా ఉంటుంది మరి. ఇప్పుడు చెప్పుకోబోయే మూవీ లో హింసను చూస్తే, మనుషులు ఇంత దారుణంగా ఉంటారా అనిపిస్తుంది. రియల్ సంఘటనల ఆధారంగా తరికెక్కిన ఈ సినిమాలో ఒక అమ్మాయిని వేధించే సీన్లు చాలా భయంకరంగా ఉంటాయి. ఇది 1965లో నిజంగా జరిగిన సిల్వియా లైకెన్స్ అనే అమ్మాయి కేసు ఆధారంగా తీశారు. ఈ సినిమాను ఒంటరిగానే చూడడం మంచిది. చూడకపోతే మరీ మంచిది.

ప్రైమ్ వీడియోలో స్ట్రీమింగ్

ఈ అమెరికన్ సైకలాజికల్ హారర్ మూవీ పేరు ‘ది గర్ల్ నెక్స్ట్ డోర్’ (The Girl Next Door). గ్రెగొరీ M. విల్సన్ ఈ సినిమాకు దర్శకత్వం వహించారు. ఇది 1965లో సిల్వియా లైకెన్స్‌ అనే అమ్మాయి రియల్ స్టోరీ ఆధారంగా రూపొందింది. ఇది అమెరికా చరిత్రలోనే అత్యంత ఘోరమైన నేరాలలో ఒకటి. ఇందులో బ్లైత్ ఆఫర్థ్ (మెగ్ పాత్రలో), బ్లాంచే బేకర్ (రూత్ పాత్రలో) అద్భుతంగా నటించారు. ఇందులోని హింస మరీ ఎక్కువగా ఉండటం వల్ల విమర్శలు కూడా మూట గట్టుకుంది ఈ మూవీ. ప్రస్తుతం ప్రైమ్ వీడియోలో ఈ సినిమా అందుబాటులో ఉంది.

స్టోరీ ఏమిటంటే

ఈ సినిమా స్టోరీ చాలా భయంకరంగా ఉంటుంది. 1958లో మేగ్, ఆమె చెల్లెలు సుసాన్ అనే ఇద్దరు అమ్మాయిలు ఒక యాక్సిడెంట్‌లో పేరెంట్స్‌ని కోల్పోతారు. దాంతో వాళ్ళు తమ అత్త రూత్ చాండ్లర్ దగ్గరికి వస్తారు. రూత్‌కు ముగ్గురు కొడుకులు. ఆమెకు ఆడపిల్లలు అంటే అస్సలు నచ్చదు, ముఖ్యంగా మేగ్ అందంగా, బుద్ధిగా ఉండటం చూసి తట్టుకోలేకపోతుంది. మెల్లగా మేగ్ మీద కోపం పెంచుకుని, ఆమెను ఇంటి కింద ఉండే బేస్‌మెంట్‌లో బంధించేస్తుంది.

ఇక అక్కడి నుంచి అసలైన నరకం మొదలవుతుంది. రూత్ ఒక రాక్షసిలా మారి మేగ్‌ను విపరీతంగా కొడుతుంది. అంతటితో ఆగకుండా, తన కొడుకులను, పక్కింటి పిల్లలను కూడా పిలిచి, మేగ్‌ను మీకు నచ్చినట్లు హింసించండని ఎంకరేజ్ చేస్తుంది కూడా. ఆ పిల్లలు కూడా చిన్నవయసు అని చూడకుండా రూత్ మాటలు విని మేగ్‌ను చాలా దారుణంగా వేధిస్తారు. పక్కింటి అబ్బాయి డేవిడ్ ఇదంతా చూసి షాక్ అవుతాడు. మేగ్ పడుతున్న బాధను చూసి అతనికి ఏడుపు వస్తుంది. కాపాడాలని ఉన్నా రూత్ అంటే భయంతో ఏమీ చేయలేకపోతాడు. ఆ హింస కూడ భరించలేనంత స్థాయికి వెళ్తుంది. చివరికి మేగ్ ఆ నరకం నుంచి బయటపడుతుందా ? ఆ దారుణాలకు బలైపోతుందా ? అనే విషయాలను, ఈ సినిమాను చూసి తెలుసుకోండి.