Survival thriller OTT : మామూలుగానే ఎవరూ లేని చోట ఒంటరిగా ఉండటం కష్టంగా ఉంటుంది. అలాంటిది అమెజాన్ అడవుల్లో దారి తప్పి, దాదాపు మూడు వారాల పాటు ఒంటరిగా మృత్యువుతో పోరాడినాడు ఓ వ్యక్తి. ఈ నిజ జీవిత కథ ఆధారంగా ఓ మూవీ కూడా తెరకెక్కింది.1981లో అమెజాన్ అడవుల్లో ఇజ్రాయెల్ యాత్రికుడు యోస్సీ గిన్స్బర్గ్ ట్రెక్కింగ్ చేస్తున్నప్పుడు ఈ సంఘటన జరిగింది. మూవీ చాలా ఇంట్రెస్టింగ్ గా ఉంటుంది. ఈ సినిమా పేరు ? ఏ ఓటీటీలో ఉంది ? అనే వివరాల్లోకి వెళ్తే…
ఈ అడ్వెంచర్ థ్రిల్లర్ మూవీ పేరు ‘జంగిల్’ (Jungle). గ్రెగ్ మెక్లీన్ ఈ చిత్రానికి దర్శకత్వం వహించారు. ప్రధాన పాత్రలో హ్యారీ పోటర్ ఫేమ్ డేనియల్ రాడ్క్లిఫ్ నటించగా, ఇతర ముఖ్య పాత్రల్లో థామస్ క్రెట్స్మన్, అలెక్స్ రస్సెల్, జోయెల్ జాక్సన్ నటించారు. దీనిని ఆస్ట్రేలియాలోని క్వీన్స్ల్యాండ్లోని గోల్డ్ కోస్ట్లోని మౌంట్ టాంబోరిన్ ప్రాంతంలో చిత్రీకరించారు. ప్రస్తుతం ఈ సినిమా Amazon Prime Video, youtube లో అందుబాటులో ఉంది. తెలుగులో డబ్బింగ్ లో కుడా ఈ సినిమాను చూడవచ్చు.
యోస్సీ అనే కుర్రాడు కొత్త ప్రదేశాలు చూడాలనే ఆశతో అమెజాన్ అడవుల్లోకి వెళ్తాడు. అయితే అక్కడ ఒక కొత్త వ్యక్తి పరిచయమై, అడవి లోపల బంగారం ఉంటుందని లేని పోని మాటలు చెప్పి అతని వెంట తీసుకెళ్తాడు. దీంతో యోస్సీ తన ఇద్దరు స్నేహితులతో కలిసి ఆ అపరిచితుడి వెంట దట్టమైన అడవిలోకి ప్రయాణం మొదలుపెడతాడు. కానీ అడవిలో పరిస్థితులు అనుకున్నంత సులభంగా ఉండవు. వాతావరణం అనుకూలించకపోవడంతో వాళ్ళు విడిపోవాల్సి వస్తుంది. యోస్సీ తన స్నేహితుల నుంచి విడిపోయి, ఒంటరిగా అడవిలో చిక్కుకుపోతాడు.
ఆ తరువాత ఏమీ లేని ఆ కారడవిలో యోస్సీ మూడు వారాల పాటు మృత్యువుతో పోరాడతాడు. తిండి లేక, వర్షంలో తడుస్తూ, క్రూర మృగాల నుండి తప్పుకుంటూ అతను పడే కష్టాలు చూస్తే ఒళ్ళు గగుర్పొడుస్తుంది. కాళ్ళకు ఇన్ఫెక్షన్లు వచ్చినా, ఆకలితో శరీరం సహకరించకపోయినా, ప్రాణాల మీద ఆశతో అతను ముందుకు సాగుతాడు. చివరిగా యోస్సీ ప్రాణాలతో బయట పడ్డాడా ? తన స్నేహితులను కనిపెట్టాడా ? అనేది చాలా ఎమోషనల్గా ఉంటుంది.
Read Also : తుప్పు పట్టిన కత్తులతో కాలక్షేపం … కట్ చేస్తే మైండ్ బ్లోయింగ్ మిషన్… దుమ్ము లేపే ఫైట్స్
Share
Brahmamudi Serial Today march 4th: ‘బ్రహ్మముడి’ సీరియల్: ఎగ్జామ్ కు ప్రిపేర్ అవుతున్న ఇందు 
Road Accident: ఘోర రోడ్డు ప్రమాదం.. ట్రక్కు నుంచి ఎగిరిపడ్డ ప్రయాణికులు, స్పాట్లో ఎనిమిది మంది
