Psychological Thriller OTT : ఓటీటీలోకి ఒక సరికొత్త సైకలాజికల్ థ్రిల్లర్ సిరీస్ స్ట్రీమింగ్ కి వచ్చింది. ఈ కథ అంతా లాస్ ఏంజిల్స్ నగరంలో ఉన్న ముగ్గురు హై క్లాస్ లేడీస్ చుట్టూ తిరుగుతుంది. ఒక హత్య చుట్టూ తిరిగే ఈ డ్రామాలో, చివరి నిమిషం వరకు అసలు హంతకుడు ఎవరనేది ఉత్కంఠగా ఉంటుంది. అంతేకాకుండా, స్నేహం పేరుతో ఒకరి జీవితాల్ని ఒకరు ఎలా నాశనం చేసుకున్నారో ఈ సిరీస్ లో చూడొచ్చు.
‘ఇంపర్ఫెక్ట్ విమెన్’ (Imperfect Women) అనేది ఎలిసబెత్ మోస్, కెర్రీ వాషింగ్టన్, కేట్ మారా, జోయెల్ కిన్నమన్ మరియు కోరీ స్టోల్ నటించిన ఒక సైకలాజికల్ థ్రిల్లర్ టెలివిజన్ సిరీస్. యానీ వీస్మాన్ రూపొందించిన ఈ సిరీస్, అరామింటా హాల్ రాసిన అదే పేరు గల నవల ఆధారంగా రూపొందింది. ఇది 2026 మార్చి 18 నుంచి ఆపిల్ టీవీ (Apple TV)లో స్ట్రీమింగ్ అవుతోంది. మొత్తం 8 ఎపిసోడ్లు ఉన్న ఈ సిరీస్, ప్రతి బుధవారం ఒక కొత్త ఎపిసోడ్ తో వస్తుంది. ఇక ఇది ఒక లిమిటెడ్ సిరీస్, అంటే కథ మొత్తం ఈ 8 ఎపిసోడ్లలోనే ముగుస్తుంది, రెండో సీజన్ ఉండదు.
ఎలియనోర్, మేరీ, నాన్సీ అని ముగ్గురు ప్రాణ స్నేహితురాళ్లు ఉంటారు. పైకి చూస్తే వీళ్ల ముగ్గురిది విడదీయలేని బంధం, చాలా పద్ధతిగా బతుకుతున్నట్టు కనిపిస్తారు. కానీ లోలోపల ఒకరి మీద ఒకరికి అసూయలు, భర్తల దగ్గర దాచిన సీక్రెట్లు బోలెడు ఉంటాయి. ఇలా ఉంటే వీళ్ళల్లో ఒకరోజు నాన్సీ అనే మహిళ శవమై కనిపిస్తుంది. దాంతో వీళ్ళ ప్రశాంతమైన జీవితం ఒక్కసారిగా తలకిందులైపోతుంది. పోలీసులు వచ్చి ఎంక్వైరీ మొదలుపెట్టేసరికి, వీళ్ల ముగ్గురి మధ్య ఉన్న అసలు రంగులు బయటపడతాయి. నాన్సీని చంపింది ఎవరో తెలియదు కానీ, ఆ ఇన్వెస్టిగేషన్లో వీళ్ల సీక్రెట్స్ అన్నీ ఒక్కొక్కటిగా రచ్చకెక్కుతాయి. ఎవరు ఎవరికి వెన్నుపోటు పొడిచారు? ఎవరికి ఎవరితో అక్రమ సంబంధాలు ఉన్నాయి? అన్న విషయాలు బయటపడుతుంటే, వీళ్లు అసలు స్నేహితులేనా లేక శత్రువులా అనే డౌట్ వస్తుంది. చివరికి నాన్సీ హత్య వెనుక ఉన్నది ఎవరు ? వీళ్ళ సీక్రెట్స్ ఏమిటి ? ఈ కథ ఎలా ముగుస్తుంది ? అనే విషయాలను, ఈ సిరీస్ ను చూసి తెలుసుకోండి.
Read Also : అలల మీద విరబూసిన అందమైన ప్రేమ…కొసరి కొసరిగా ప్రియుడి మత్తులో…
Share
Mystery Thriller Series : కోరిక తీర్చి మాయం చేసే టీచర్... టెన్షన్ పెట్టించే ఒక్కో స్టూడెంట్ మిస్సింగ్ కేసు... అదిరిపోయే కొరియన్ మిస్టరి
Ustaad Bhagath Singh Twitter Review : 'ఉస్తాద్ భగత్ సింగ్' ట్విట్టర్ రివ్యూ.. బొమ్మ ఎట్లుంది..!
