Prema katha chitram promo: ప్రేమ భారం కాదు.. ఇద్దరినీ కలిపే తాళం.. హర్రర్ కామెడీగా ప్రేమ కథ చిత్రమ్

Prema katha chitram: ఇటీవల కాలంలో ఎన్నో సినిమాలతో పాటు వెబ్ సిరీస్ లు కూడా ప్రేక్షకుల ముందుకు వస్తూ మంచి ఆదరణ సొంతం చేసుకుంటున్నాయి. కొన్ని సందర్భాలలో సినిమాలను మించిన కంటెంట్ వెబ్ సిరీస్ లలో ఉంటుంది అంటే ఆశ్చర్యం వ్యక్తం చేయక మానదు. ఇలా వెబ్ సిరీస్ ల ద్వారా ఎంతో మంచి గుర్తింపు సంపాదించుకున్న వారిలో నటుడు రాజ్ శివ తేజ (Raj siva teja)ఒకరు. రాజ్ శివతేజ సుమారు 400కు పైగా షార్ట్ ఫిలిమ్స్ చేసి నటుడిగా మంచి గుర్తింపు సంపాదించుకున్నారు. ప్రస్తుతం వెబ్ సిరీస్ లలో నటిస్తూ బిజీగా ఉన్నారు. ఇకపోతే త్వరలోనే రాజు శివ తేజ వీరాజిత (Virajitha)జంటగా నటించిన “ప్రేమ కథ చిత్రమ్ “(Prema Katha Chitram) అనే వెబ్ సిరీస్ ప్రేక్షకుల ముందుకు రావడానికి సిద్ధమవుతోంది.

ప్రేమ ఇద్దరికీ భారం కాదు..

తాజాగా ఈ వెబ్ సిరీస్ నుంచి ప్రోమో విడుదల చేశారు. ఈ ప్రోమో చూస్తుంటే మాత్రం వెబ్ సిరీస్ భారీ రేంజ్ లో ఉండబోతుందని స్పష్టం అవుతుంది. ఈ ప్రోమో వీడియోలో భాగంగా ప్రేమ అనేది ఇద్దరు మధ్య భారం కాదు ఇద్దరిని కలిపే తాళం అవుతుంది అనే డైలాగ్ తో ప్రారంభమవుతుంది. విరాజిత లోకి దయ్యం ఆవహించి ఆమె వ్యవహరించే విధానం అందరిని ఎంతగానో ఆకట్టుకుంది . ఇక ఈ ప్రోమోలో వీరాజిత ఎన్నో రకాల ఆహార పదార్థాలను తింటున్న నేపథ్యంలో హీరో నువ్వు ప్రభాస్ ఫ్యానా అంటూ అడగడం అందరిని ఆకట్టుకుంది.

త్వరలోనే స్ట్రీమింగ్..

ఇలా హర్రర్ కామెడీ నేపథ్యంలో తెరకెక్కిన ఈ వెబ్ సిరీస్ నుంచి విడుదల చేసిన ప్రోమో వీడియో అందరిని ఎంతగానో ఆకట్టుకుంటుంది. ఇక వెబ్ సిరీస్ కూడా ఇదే రేంజ్ లోనే ప్రేక్షకులకు కావాల్సిన ఫన్ ఇవ్వబోతుందని స్పష్టం అవుతుంది. అతి త్వరలోనే ఈ వెబ్ సిరీస్ ప్రేక్షకుల ముందుకు రానుంది. త్వరలోనే స్ట్రీమింగ్ కు సంబంధించిన అన్ని వివరాలు వెల్లడించనున్నారు. ఈ కామెడీ హర్రర్ వెబ్ సిరీస్ కు వందన బండారు నిర్మాతగా వ్యవహరించగా,పవన్ సూరిబాబు దర్శకత్వం వహించారు.

ఇక రాజ్ శివ తేజ విషయానికి వస్తే.. యూట్యూబర్ గా షార్ట్ ఫిలిం హీరోగా తన కెరియర్ ప్రారంభించి ప్రస్తుతం ఇండస్ట్రీలో బిజీగా ఉన్నారు. రాజ్ శివతేజ కామెడీ డైలాగులకు విపరీతమైన ఫ్యాన్ ఫాలోయింగ్ ఉన్న సంగతి తెలిసిందే. షణ్ముఖ్ జస్వంత్ నటించిన సూర్య వెబ్ సిరీస్ లో ఈయన తన స్నేహితుడి పాత్రలో నటించి ఎంతో మంచి ఆదరణ సొంతం చేసుకున్నారు. ఈ వెబ్ సిరీస్ తర్వాత రాజ్ శివతేజకు కూడా అదే స్థాయిలో అవకాశాలు వస్తున్నాయి. ఇటీవల పలు సినిమాలలో కూడా నటించే అవకాశాన్ని రాజ్ శివతేజ అందుకున్నారు. ప్రస్తుతం సినిమాలు వెబ్ సిరీస్ లంటూ కెరియర్ పరంగా ఎంతో బిజీగా గడుపుతున్నారు.

Also Read: Swayambu Overseas: భారీ ధరలకు నిఖిల్ స్వయంభు ఓవర్సీస్ రైట్స్.. ఆల్ టైం రికార్డ్!

Share

• 
• 
• 
• 
• 
•