OTT Movie : నేషనల్ క్రష్ రష్మిక మందన్న అభిమానులకు గుడ్ న్యూస్. ఆమె నటించిన లేటెస్ట్ హర్రర్ మూవీ ‘ థామా’ను ఇప్పుడు ఓటీటీలో ఫ్రీగా చూడవచ్చు. పై తెలుగులోనూ చూడవచ్చు. మరి ఇప్పటికే స్ట్రీమింగ్ అవుతున్న ఈ సినిమా ఓటీటీ విషయంలో కొత్తగా వచ్చిన అప్డేట్ ఏంటి? అనే వివరాల్లోకి వెళ్తే…
మాడాక్ హారర్ కామెడీ యూనివర్స్ (MHCU) నుండి వచ్చిన తాజా చిత్రం ‘థామా’. ఆదిత్య సర్పోత్దార్ దర్శకత్వం వహించిన ఈ హర్రర్-కామెడీ చిత్రంలో నవాజుద్దీన్ సిద్ధిఖీ, పరేష్ రావల్ కూడా కీలక పాత్రలు పోషించారు. మాడాక్ ఫిల్మ్స్ నిర్మించిన ఈ చిత్రానికి సచిన్-జిగర్ సంగీతం అందించారు. మలైకా అరోరా, నోరా ఫతేహి, వరుణ్ ధావన్ అతిధి పాత్రల్లో నటించారు. ఆయుష్మాన్ ఖురానా, రష్మిక మందన్న జంటగా నటించిన ఈ మూవీ దీపావళి సీజన్లో థియేటర్లలో విడుదలైంది. ఈ చిత్రం ఫ్రాంచైజీకి అనుకూలంగా ఉన్నప్పటికీ బాక్సాఫీస్ దగ్గర అంచనాలను అందుకోలేకపోయింది. సగటు వసూళ్లతో ఈ సినిమా థియేట్రికల్ రన్ ముగిసింది. ఈ నేపథ్యంలోనే ఈ సినిమాను తెలుగులో కూడా డబ్ చేసి విడుదల చేశారు. తెలుగులో పెద్దగా రెస్పాన్స్ దక్కలేదు.
అయితే రెండు వారాల క్రితం రెంట్ బేసిస్ లో అమెజాన్ ప్రైమ్ వీడియోలోకి వచ్చింది మూవీ. ఇప్పుడు ఇదే మూవీని ఓటీటీ ప్లాట్ఫామ్ తమ సబ్స్క్రైబర్లకు ఉచితంగా చూసే అవకాశాన్ని అందుబాటులో ఉంచింది. అంటే ఇదివరకులా రెంట్ పే చేసే పని లేకుండానే ప్రైమ్ మెంబర్స్ ఈ మూవీని ఫ్రీగా చూడవచ్చు. ఇక మరో గుడ్ న్యూ ఏంటంటే ఈ సినిమా ఇంగ్లీష్ సబ్టైటిళ్లతో పాటు హిందీ, తెలుగు ఆడియోలలో అందుబాటులో ఉంది.
Read Also : ఆడినోళ్లకు ఆడినంత… బెట్టింగ్ ఉచ్చులో మిడిల్ క్లాస్ అబ్బాయి… ఓటీటీలో అదరగొడుతున్న కన్నడ యాక్షన్ మూవీ
అలోక్ గోయల్ అనే జర్నలిస్ట్ ఓ రోజు తన మిత్రులతో కలిసి ఓ పర్వత ప్రాంతానికి న్యూస్ కవరేజ్ కోసం వెళ్తాడు. ఓ ఎలుగుబంటి అతనిపై దాడికి పాల్పడుతుంది. అంతలోనే తడ్కా అనే బేతాళ జాతికి చెందిన యువతి వచ్చి అతడిని కాపాడుతుంది. మనుషుల రక్తాన్ని తాగే అలవాటున్న ఈ జాతి వాళ్ళకు అతీత శక్తులు ఉంటాయి. వీళ్ళ నాయకుడు థామా అనే యక్షాసన్. ఓ కారణంతో అతడిని దశాబ్దాలుగా ఓ గుహలో బందిస్తారు. తమ సామ్రాజ్యంలోకి వచ్చిన అలోక్ ను కూడా శిక్షించాలని అనుకుంటారు. కానీ తడ్కా అతడిని కాపాడుతుంది. పైగా అతడిని ప్రేమించిన ఆ అమ్మాయి ఏకంగా తన జాతిని వదిలేసి, సమాజంలోకి ఎంట్రీ ఇస్తుంది. ఆ తరువాత ఏం జరిగింది ? అన్నది స్టోరీ.
Share
IND VS SA 4th T20I: టీమిండియా వర్సెస్ దక్షిణాఫ్రికా 4వ టీ20 రద్దు
Thoothukudi Gang Rape: తమిళనాడులో దారుణం.. భర్త కళ్ల ముందే భార్యపై సామూహిక అత్యాచారం..
