BMW OTT: రవితేజ హీరోగా ఇటీవల ప్రేక్షకుల ముందుకు వచ్చిన చిత్రం భర్త మహాశయులకు విజ్ఞప్తి(Bhartha mahasayulaku wignya pathi). సంక్రాంతి పండుగ సందర్భంగా ఈ సినిమా ప్రేక్షకుల ముందుకు వచ్చింది. జనవరి 13వ తేదీ విడుదలైన ఈ సినిమా అనుకున్న స్థాయిలో పెద్దగా ప్రేక్షకులను ఆకట్టుకోలేక పోయిన పర్వాలేదు అనిపించుకుంది. కిషోర్ తిరుమల దర్శకత్వంలో రవితేజ డింపుల్ హైయతి, ఆశికా రంగనాథ్ హీరో హీరోయిన్లుగా నటించిన ఈ సినిమా విడుదల అయ్యి దాదాపు రెండు నెలలు అవుతున్న ఇప్పటివరకు డిజిటల్ స్ట్రీమింగ్ కు మాత్రం అందుబాటులోకి రాలేదు. సంక్రాంతి పండుగ సందర్భంగా విడుదలైన సినిమాలన్నీ కూడా ఓటిటిలో ప్రసారం అవ్వడమే కాకుండా టెలివిజన్ ప్రీమియర్ కూడా అయ్యాయి.
ఈ నేపథ్యంలోనే సంక్రాంతి బరిలో దిగిన రవితేజ భర్త మహాశయులకు విజ్ఞప్తి సినిమా ఇంకా ఓటీటీలోకి రాకపోవడంతో అభిమానులు కూడా ఎన్నో సందేహాలు వ్యక్తం చేశారు. అయితే ఈ సినిమా కొన్ని సాంకేతిక కారణాలవల్లే డిజిటల్ స్ట్రీమింగ్ ఆలస్యం అవుతుందని తెలుస్తుంది. అయితే తాజాగా ఈ సినిమా ఓటీటీ విడుదలకు సంబంధించి ఓ వార్త వైరల్ అవుతుంది. ఈ సినిమా డిజిటల్ స్ట్రీమింగ్ కు అన్ని ఏర్పాట్లు పూర్తి అయ్యాయని మార్చి 13వ తేదీ ఈ సినిమాని డిజిటల్ స్ట్రీమింగ్ కు అందుబాటులోకి తీసుకురాబోతున్నారని తెలుస్తోంది.
ఈ సినిమా డిజిటల్ స్ట్రీమింగ్ గురించి సోషల్ మీడియాలో వార్తలు హల్చల్ చేస్తున్న ఇప్పటివరకు జీ స్టూడియోస్ నుంచి ఏ విధమైనటువంటి అధికారిక ప్రకటన వెలువడలేదు త్వరలోనే అధికారిక ప్రకటన వచ్చే అవకాశాలు ఉన్నాయని తెలుస్తోంది. కిషోర్ తిరుమల దర్శకత్వంలో, చెరుకూరి సుధాకర్ రెడ్డి నిర్మాణంలో వచ్చిన ఈ సినిమాపై రవితేజ అభిమానులు ఎన్నో ఆశలు పెట్టుకున్నారు కానీ ప్రేక్షకుల అంచనాలను మాత్రం చేరుకోలేకపోయాయి. ఇటీవల కాలంలో రవితేజ సినిమాలన్నీ కూడా ప్రేక్షకులను నిరాశకు గురి చేస్తున్న సంగతి తెలిసిందే.
రవితేజ ఇరుముడి..
ధమాకా సినిమా తర్వాత రవితేజ సుమారు అరడజనుకు పైగా సినిమాలను విడుదల చేశారు కానీ ఏ ఒక్క సినిమా కూడా అనుకున్న స్థాయిలో సక్సెస్ అందించలేదు. ఇక భర్త మహాశయులకు విజ్ఞప్తి కూడా నిరాశపరచడంతో ప్రస్తుతం రవితేజ అభిమానులు అందరూ కూడా ఇరుముడి సినిమాపైనే ఆశలు పెట్టుకున్నారు. మజలి ఫేమ్ డైరెక్టర్ శివ నిర్వాణ దర్శకత్వంలో ఇరుముడి సినిమా ప్రేక్షకుల ముందుకు రాబోతోంది. ఈ సినిమా ప్రస్తుతం షూటింగ్ పనులను శర వేగంగా జరుపుకుంటున్నారు. ఈ సినిమాలో హీరోయిన్ గా ప్రియ భవాని శంకర్ నటించబోతున్న సంగతి తెలిసిందే. ఈ సినిమా నుంచి హీరో హీరోయిన్ల ఫస్ట్ లుక్ పోస్టర్ విడుదల చేయడంతో సినిమా పట్ల మంచి అంచనాలు ఉన్నాయి.
Also Read: Allu Sirish wedding: పెళ్లి కొడుకైన అల్లు శిరీష్… వైరల్ అవుతున్న ఫోటోలు !
Share
Niharika Konidela:ఫిలింఫేర్ వివాదం పై స్పందించిన నిహారిక.. మలయాళం వాళ్లకు మాత్రమే అవకాశం ఇచ్చారు అంటూ..!.
Operation Epic Fury: ఒక్క దెబ్బకు 48 మంది ఇరాన్ నేతలను మట్టుబెట్టాం.. ట్రంప్ కీలక ప్రకటన
