Romantic comedy OTT : ఒక ఆసక్తికరమైన మంచి లవ్ స్టోరీ చూడాలనుకుంటే ఈ మూవీ ని చూసేయొచ్చు. సింపుల్ గా సరదాగా సాగిపో యే ఈ స్టోరీ మాత్రం డిసప్పాయింట్ అయితే చేయదు. ఒక అమ్మాయి, వైన్ కంపెనీ తో డీల్ పెట్టుకునే క్రమంలో ఈ స్టోరీ నడుస్తుంది. ఎక్కడా బోర్ కొట్టకుండా సాగే ప్రేమ కథ ఇది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..
ఈ రొమాంటిక్ కామెడీ సినిమా పేరు ‘A Perfect Pairing’. 2022లో వచ్చిన ఈ సినిమాకు స్టువర్ట్ మెక్‌డొనాల్డ్ దర్శకత్వం వహించారు. నెట్‌ఫ్లిక్స్‌లో విడుదలైన ఒక . ఇందులో విక్టోరియా జస్టిస్, ఆడమ్ డెమోస్ ప్రధాన పాత్రల్లో నటించారు. ఈ సినిమా ప్రస్తుతం నెట్‌ఫ్లిక్స్‌లో తెలుగు ఆడియోతో కూడా అందుబాటులో ఉంది. ఈ సినిమాను ఆస్ట్రేలియాలోని క్వీన్స్‌లాండ్‌లో షూట్ చేశారు.
హీరోయిన్ లోలా ఒక పెద్ద వైన్ కంపెనీలో బాగా కష్టపడుతుంటుంది. కానీ ఆమె ఐడియాని వేరేవాడు దొంగిలించి ప్రమోషన్ కొట్టేస్తాడు. దాంతో ఒళ్ళు మండిన లోలా, ఆ ఉద్యోగానికి రిజైన్ చేసి తన సొంత కంపెనీ పెట్టాలని డిసైడ్ అవుతుంది. ఆస్ట్రేలియాలో ఉన్న ఒక పెద్ద వైన్ కంపెనీ డీల్ కొట్టేస్తే తన లైఫ్ సెటిల్ అయిపోతుందని గట్టి నమ్మకంతో ఫ్లైట్ ఎక్కేస్తుంది. కానీ అక్కడ సీన్ కట్ చేస్తే, ఆ క్లయింట్ ఈమెను అస్సలు నమ్మదు. తన సత్తా నిరూపించుకోవడానికి ఆ క్లయింట్‌కు చెందిన గొర్రెల ఫామ్‌లో పనిమనిషిగా చేరుతుంది.
ఏసీ గదుల్లో తిరిగే లోలాకి గొర్రెల ఫామ్‌లో పని అంటే చుక్కలు కనిపిస్తాయి. అక్కడ ఆ ఫామ్ మేనేజర్ మాక్స్ దగ్గర పని నేర్చుకోవాల్సి వస్తుంది. మాక్స్ చూడటానికి గరుకుగా ఉన్నా, లోలా కష్టాన్ని చూసి మెల్లగా కరుగుతాడు. ఇద్దరి మధ్య చిన్నగా లవ్ ట్రాక్ మొదలవుతుంది. అయితే మాక్స్ ఒక మామూలు పనివాడు కాదు. ఆ క్లయింట్‌కు వరుసకు తమ్ముడు అవుతాడు. ఆ ఆస్తికి వారసుడు కూడా. కానీ ఆ విషయం లోలాకు చెప్పకుండా దాస్తాడు. లోలా కష్టాన్ని చూసి ఆ క్లయింట్ ఫిదా అయిపోయి డీల్ ఓకే చేస్తుంది. సరిగ్గా అదే టైమ్‌లో మాక్స్ అసలు విషయం లోలాకు తెలుస్తుంది. చివరికి లోలా అతని ప్రేమను అంగీకరిస్తుందా ? మోసం చేశావని వెళ్లిపోతుందా ? అనే విషయాలను, ఈ సినిమాను చూసి తెలుసుకోండి.
Read Also : ప్రేమ పేరుతో బురిడి… భర్త హత్యకు ప్రియుడితో స్కెచ్… బుర్ర గిర్రున తిరిగే ట్విస్టులు
Share
Mylavaram: ముహూర్తం వేళ ట్విస్ట్.. తాళి కట్టే లోపే మండపం దిగిన పెళ్లికూతురు.. షాక్‌లో వరుడు!
Meenaakshi Chaudhary : మీనాక్షికి ఇలాంటి కోరిక ఉందా..? పెద్ద ప్లానింగే మరి..
