Romantic movie OTT : భార్యాభర్తల మధ్య నడిచే ఎమోషనల్ డ్రామాలు చాలానే ఉన్నాయి. అయితే ఇప్పుడు చప్పుకోబోయే సినిమా జీనితాన్ని చాలా దగ్గరగా చూపిస్తుంది. ఈ చిత్రాన్ని దర్శకుడు చాలా సహజంగా, మనసుని హత్తుకునేలా తెరకెక్కించారు. ఒక జంట ప్రేమలో పడిన కొత్తలో ఎంత ఆనందంగా ఉంటారో, అదే ఆరేళ్ల తర్వాత వాళ్ళ వైవాహిక జీవితం ఎలా విచ్ఛిన్నమైందనేది ఈ సినిమా చాలా ఎమోషనల్ గా చూపిస్తుంది. ఈ సినిమా నటి మిషెల్ విలియమ్స్ ఆస్కార్ (Best Actress) కు నామినేషన్ కూడా పొందారు. ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే…
డెరెక్ సియాన్‌ఫ్రాన్స్ దర్శకత్వం వహించిన ఈ అమెరికన్ రొమాంటిక్ డ్రామా చిత్రం పేరు ‘బ్లూ వాలెంటైన్’ (Blue Valentine). ర్యాన్ గోస్లింగ్, మిషెల్ విలియమ్స్ ఇందులో భార్యా, భర్తలుగా అద్భుతమైన నటనను కనబరిచారు. 2010లో వచ్చిన ఈ చిత్రం విమర్శకుల ప్రశంసలు అందుకుంది కూడా. అంతేకాకుండా విలియమ్స్ ఉత్తమ నటిగా అకాడమీ అవార్డు, ఉత్తమ నటిగా గోల్డెన్ గ్లోబ్ అవార్డు రెండింటికీ నామినేట్ చేయబడింది. గ్రిజ్లీ బేర్ అందించిన సంగీతం సినిమాలో బాగా ఎలివేట్ చేసింది. ఇక మరో విషయం ఏమిటంటే నటీనటుల మధ్య కెమిస్ట్రీ సహజంగా ఉండటం కోసం, వాళ్ళిద్దరూ షూటింగ్ సమయంలో కొన్ని రోజులు నిజంగానే ఒకే ఇంట్లో కలిసి ఉన్నారు. ఈ సినిమా ప్రస్తుతం ప్రైమ్ వీడియోలో అందుబాటులో ఉంది.
డీన్ (ర్యాన్ గోస్లింగ్), సిండి (మిషెల్ విలియమ్స్) అనే ఇద్దరి మధ్య జరిగే ప్రేమ,పెళ్లి గొడవలే ఈ సినిమా. వీళ్లిద్దరూ ఫస్ట్ టైమ్ కలిసినప్పుడు ఎంతో సరదాగా ఉండేవాళ్ళు. డీన్ పిచ్చిపిచ్చి వేషాలు వేస్తూ సిండిని ఎలా ఇంప్రెస్ చేశాడు, వారిద్దరి మధ్య కెమిస్ట్రీ ఎలా మొదలైంది అనేది చాలా క్యూట్‌గా ఉంటుంది. సిండి అప్పటికే ప్రెగ్నెంట్ అని తెలిసినా డీన్ ఆమెను పెళ్లి చేసుకుంటాడు కూడా. పెళ్లయి ఆరేళ్లు గడిచాక.. అదే డీన్, సిండి మధ్య ఇప్పుడు అస్సలు పడదు. డీన్‌కి ఎదగాలనే ఆశ ఉండదు, సిండికేమో ఇంట్లో బాధ్యతలు, డీన్ ప్రవర్తనతో విసుగు వచ్చేస్తుంది.
వాళ్ళ మధ్య గ్యాప్ ఎంత పెరిగిపోయిందంటే, కనీసం మాట్లాడుకోవడానికి కూడా ప్రశాంతత ఉండదు. ఒక రోజు తమ మ్యారేజ్‌ని ఎలాగైనా కాపాడుకోవాలని ఒక హోటల్ రూమ్‌కి వెళ్తారు. కానీ అక్కడ కూడా వాళ్ళ మధ్య పాత కోపాలు, అసహనం బయటపడతాయి. ఒకప్పుడు ఒకరినొకరు ప్రాణంగా ప్రేమించుకున్న వాళ్లే, ఇప్పుడు ఒకరిని చూస్తే ఒకరికి పడనంతగా ఎందుకు మారిపోయారు ? గొడవలతో విసిగిపోయిన సిండి చివరకు విడిపోవాలని నిర్ణయించుకుంటుందా ? ఈ సినిమా క్లైమాక్స్ ఏంటి ? అనే ప్రశ్నలకు సమాధానాలను తెలుసుకోవాలనుకుంటే, ఈ సినిమాను మిస్ కాకుండా చూడండి.
Read Also : రాత్రయితే భార్యతో సైకోలా మారే భర్త … పని మనిషితో రెచ్చిపోయి… మైండ్ బ్లాక్ చేసే క్లైమాక్స్
Share
Free Bus: ఇక పై వీరికి కూడా ఉచిత బస్సు ప్రయాణం.. జీవో జారీ చేసిన సర్కార్..!
Ramchander Rao: నేడు ఇందిరా పార్క్ వద్ద బీజేపీ నిరాహారదీక్ష.. వారి డిమాండ్లు ఇవే..?
