Romantic Drama OTT : ఎమోషన్స్ ని కొంతమంది దర్శకులు మాత్రమే చాలా చక్కగా చూపించగలరు. వీటితో ఆడియన్స్ ను ఇట్టే కట్టిపడేస్తారు కూడా. అలాంటి ఒక చూడ చక్కని కంటెంట్ తో ఒక మూవీ వచ్చింది. ఈ సినిమాలో ఎమోషన్స్ చాలా బలంగా ఉంటాయి. ఒక ఆడది తన బాధను దిగమింగుకుని ఎలా బతుకుతుంది, చివరకు ఆమెకు ప్రశాంతత దొరికిందా లేదా అనేది దర్శకుడు చాలా క్లాస్‌గా చూపించాడు. పెళ్లయిన కొద్దిరోజులకే భర్త కనిపించకుండా పోవడంతో, ఒంటరిగా మిగిలిన ఆ మహిళ జీవితంలోకి మరో వ్యక్తి ప్రవేశిస్తాడు. ఆ తరువాత కథ మరింత ఆసక్తిగా మారుతుంది.
ఈ బెంగాలీ ఫ్యామిలీ రోమాంటిక్ డ్రామా సినిమా పేరు ‘గృహప్రవేశ్’ (Grihapravesh). ఇది 2025 జూన్ 13న థియేటర్లలో విడుదలై విమర్శకుల నుండి మంచి ప్రశంసలు అందుకుంది. ఇంద్రాదీప్ దాస్‌గుప్త దర్శకత్వంలో వచ్చిన ఈ సినిమాలో సుభాశ్రీ గంగూలీ (తిత్లీగా), కౌశిక్ గంగూలీ (మేఘ్‌గా) లీడ్ రోల్స్ లో నటించారు. ఈ సినిమాకు ఇంద్రాదీప్ దాస్‌గుప్త దర్శకత్వం వహించడమే కాకుండా, ఆయనే స్వయంగా సంగీతాన్ని కూడా అందించారు. ముఖ్యంగా అరిజిత్ సింగ్, శ్రేయా ఘోషల్ పాడిన పాటలు సినిమాకు పెద్ద ఎసెట్ అని చెప్పాలి. విమర్శకులు ఈ సినిమాను దివంగత దర్శకుడు రితుపర్ణో ఘోష్ తీసే క్లాసిక్ సినిమాలతో పోల్చారు, అంతలా ఈ మూవీ ప్రేక్షకులను ఎమోషనల్‌గా కనెక్ట్ చేస్తుంది. 2025లో విడుదలైన బెంగాలీ సినిమాల్లో ఇది మంచి వసూళ్లను సాధించింది. నటి సుభాశ్రీ గంగూలీకి ఈ సినిమా కెరీర్ బెస్ట్ పర్ఫార్మెన్స్ అని పేరు వచ్చింది. ఆమెకు ‘ఉత్తమ నటి’గా కొన్ని అవార్డులు కూడా దక్కాయి. ప్రస్తుతం ఈ సినిమా Hoichoi, Amazon Prime Video ఓటీటీలో స్ట్రీమింగ్ అవుతోంది.
ఈ కథ అంతా కోల్‌కతాలోని ఒక పాత కాలపు పెద్ద బంగ్లాలో జరుగుతుంది. ఇందులో హీరోయిన్ తిత్లీకి (సుభాశ్రీ గంగూలీ) పెళ్లవుతుంది కానీ, పెళ్లయిన కొద్ది రోజులకే ఆమె భర్త షావోన్ ఎక్కడికో వెళ్ళిపోయి అడ్రస్ లేకుండా పోతాడు. పాపం ఆ పిల్లకు ఏం చేయాలో అర్థం కాక, తన అత్తమామలనే తన లోకంగా భావించి ఆ పెద్ద ఇంట్లోనే ఉండిపోయి వాళ్లను కంటికి రెప్పలా చూసుకుంటూ ఉంటుంది.
ఏళ్లు గడుస్తున్నా భర్త జాడ లేదు, కానీ తిత్లీ మాత్రం లోపల ఏదో మూల ఆశతో బతుకుతుంటుంది. ఇలాంటి టైంలో దసరా పండుగ (దుర్గా పూజ) వస్తుంది. ఆ హడావిడిలో మేఘ్ (కౌశిక్ గంగూలీ) అనే ఒక కొత్త వ్యక్తి ఆ ఇంటికి వస్తాడు. అతను వచ్చాక ఆ ఇంట్లో వాతావరణం మారిపోతుంది. చివరికి ఆ కొత్త వ్యక్తి రాకతో తిత్లీ జీవితంలో ఉన్న చీకటి పోయిందా? తన భర్త ఏమయ్యాడో తెలిసిందా? అసలు అతను ఎవరు? ఎందుకు వచ్చాడు? అనే విషయాలతో ఈ సినిమా ఆసక్తికరంగా సాగుతూ ఊహించని క్లైమాక్స్ తో ముగుస్తుంది.
Read Also : ఇది దెయ్యం కథ కాదు.. కానీ అంతకంటే భయంకరమైన సైకలాజికల్ థ్రిల్లర్
Share
లెక్కల కంటే లైఫ్ చాలా కష్టం... ముగ్గురు మురికివాడ పిల్లల రియల్ స్టోరీ
మనసున్న మనుషుల కోసం తీసిన గొప్ప సినిమా... ఫ్యామిలీతో చూడాల్సిన మూవీ
