Social Drama OTT : సోషల్ డ్రామాలు ఎక్కువగా హార్ట్ టచింగ్ గా ఉంటాయి. సమాజానికి ఉపయోగ పడే మంచి మెసేజ్ ఇస్తుంటాయి కూడా. ఈ జానర్ సినిమాలు ఎన్నో సినిమాలు ఓటీటీలో ఉన్నాయి. అయితే ఇప్పుడు చెప్పుకోబోయే బెంగాలీ మూవీ మాత్రం మీ హార్ట్ ను కచ్చితంగా టచ్ చేస్తుంది. ఈ సినిమా ముగ్గురు పిల్లల స్నేహం, వాళ్ళు కనే కలల చుట్టూ తిరుగుతుంది. ఐయండిబిలో 7.5 రేటింగ్ ఉన్న ఈ రియల్ స్టోరీని పిల్లలతో కలసి చూస్తే మరింత బాగుంటుంది. చేతిలో కర్చీఫ్ అయితే ఉండాల్సిందే. ఎందుకంటే ఈ మూవీ చూసేటప్పుడు కన్నీళ్ళు కచ్చితంగా వస్తాయి.
ఈ బెంగాలీ సోషల్ డ్రామా మూవీ పేరు ‘అంకో కి కోఠిన్’ (Onko Ki Kothin). 2025లో వచ్చిన ఈ సినిమా, కోవిడ్-19 సమయంలో చదువుకు దూరమైన పేద పిల్లల పరిస్థితుల ఆధారంగా దర్శకుడు సౌరవ్ పలోధి దీనిని తెరకెక్కించారు. ఈ మూవీకి విమర్శకుల నుండి భారీ ప్రశంసలు దక్కాయి. ముఖ్యంగా Zee 24 అవార్డ్స్లో ‘ఉత్తమ చిత్రం’గా నిలవడమే కాకుండా, ప్రతిష్టాత్మకమైన 55వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియా (IFFI) లో కూడా ప్రదర్శించబడింది. ఈ సినిమాలోని సంగీతం ప్రేక్షకులను బాగా ఆకట్టుకుంది. ముఖ్యంగా లగ్నజిత చక్రవర్తి పాడిన మెలోడీలు, పిల్లల మీద చిత్రీకరించిన రాప్ సాంగ్స్ కథలోని ఎమోషన్ను పండించాయి. టైమ్స్ ఆఫ్ ఇండియా వంటి ప్రముఖ సంస్థలు ఈ సినిమాకు 3.5/5 రేటింగ్ ఇచ్చి, సమాజంలోని అంతరాలను ప్రశ్నించిన తీరును ప్రశంసించాయి. రిద్దిమాన్ బెనర్జీ, గీతాశ్రీ చక్రవర్తి, తపోమోయ్ దేబ్ లీడ్ రోల్స్ లో నటించిన ఈ సినిమా, ప్రస్తుతం Hoichoi ఓటీటీ ప్లాట్ఫామ్లో అందుబాటులో ఉంది.
కోల్కతాలోని ఒక మురికివాడలో బాబిన్, డాలీ, టైర్ అనే ముగ్గురు పిల్లలు ఉంటారు. వీళ్లది మామూలు స్నేహం కాదు, ప్రాణానికి ప్రాణం ఇచ్చుకునే టైపు. చుట్టూ దరిద్రం తాండవిస్తున్నా, వీళ్ల కలలు మాత్రం ఆకాశాన్ని తాకుతుంటాయి. బాబిన్కి డాక్టర్ అవ్వాలని, డాలీకి నర్స్ అవ్వాలని, ఇక టైర్ పెద్ద ఇంజనీర్ అయిపోవాలని కోరిక. పైసా లేకపోయినా, ఆ మురికివాడలోనే వాళ్లదైన ఒక చిన్న లోకాన్ని సృష్టించుకుని బతుకుతుంటారు. కానీ ఒక్కసారిగా సీన్ రివర్స్ అవుతుంది. బాబిన్ తండ్రికి ఒంట్లో బాలేక సీరియస్ అవుతుంది. ఆ టైమ్లో ఒక ఆక్సిజన్ సిలిండర్ కోసం ఆ చిన్న పిల్లలు పడే పాట్లు చూస్తే ఎవరికైనా కన్నీళ్లు ఆగవు.
పెద్దోళ్లు, సిస్టమ్ పట్టించుకోకపోయేసరికి, ఆ ముగ్గురు పిల్లలే ధైర్యం చేసి రంగంలోకి దిగుతారు. తమ దగ్గర ఉన్న చిన్నా చితకా వస్తువులతోనే సొంతంగా ఒక హాస్పిటల్ లాంటిది కట్టి, బాబిన్ తండ్రిని కాపాడుకోవాలని తెగ సాహసం చేస్తారు. ఈ కథ అంతా ఆ పిల్లల అమాయకత్వం, మొండితనం చుట్టూ తిరుగుతుంది. డబ్బు లేకపోతే చచ్చిపోవాలా? అని ఆ పిల్లలు వేసే ప్రశ్నలు గుండెకు తగులుతాయి. కష్టాల్లో ఉన్నప్పుడు కులం, మతం కాకుండా కేవలం మనిషి మనిషికి తోడుండాలనే పాయింట్ను ఈ సినిమా చాలా ఎమోషనల్గా చూపిస్తుంది. క్లైమాక్స్ చూశాక ఆ పిల్లల ధైర్యానికి ఎవరైనా ఫిదా అవ్వాల్సిందే!
Read Also : వెన్నులో వణుకు పుట్టే తీర్పులు ఇచ్చే డెవిల్ జడ్జి… టాప్ రేటింగ్ తో ఆకట్టుకుంటున్న కే డ్రామా
Share
చదువు ఉన్నా విధిని జయించలేక... పల్లెటూరి ఆచారాల మధ్య చిక్కుకున్న ఒక డాక్టర్ కథ
భర్త మిస్సింగ్ లో వీడని సస్పెన్స్... మరొక మగాడి రాకతో మారిపోయే కథ
