Romantic Drama OTT : క్యూట్‌గా సాగే ఒక ప్రేమ కథను చూడాలనుకుంటే, ఇప్పుడు చెప్పుకోబోయే సిరీస్ ను తప్పకుండా చూడాలి. తన కన్నా ఏడేళ్ళ పెద్ద అమ్మాయిని ప్రేమించే ఒక యువకుడి చుట్టూ కథ ఉంటుంది. ఇది కేవలం ప్రేమ కథే కాకుండా, సిటీలో ఒంటరిగా ఉంటూ కెరీర్ కోసం కష్టపడే ముప్పై ఏళ్ల మహిళల జీవితాలను కూడా కళ్లకు కట్టినట్లు చూపిస్తుంది. అందుకే దీనికి మంచి రేటింగ్స్ వచ్చాయి. అలాగే సిరీస్ కూడా చూసినంత సేపు హాయిగా ఉన్నట్టు అనిపిస్తుంది. దీనికి ఐయండిబిలో 7.9 రేటింగ్ కూడా ఉంది.
ఈ చైనీస్ రొమాంటిక్ డ్రామా పేరు ‘మై ఫేటెడ్ బాయ్’ (My Fated Boy). 2021లో వచ్చిన ఈ సిరీస్ లో మొత్తం 29 ఎపిసోడ్‌లు ఉన్నాయి. ఇందులో హీరోయిన్ పాత్రలో లి గ్జిరుయ్ నటించింది. ఆమెకు చైనాలో మంచి ఫాలోయింగ్ ఉంది. ఇక హీరోగా నటించిన హే యు తన క్యూట్ లుక్స్‌తో, హీరోయిన్ అంటే ప్రాణం ఇచ్చే అబ్బాయిగా కుర్రకారును బాగా ఆకట్టుకున్నాడు. వీరిద్దరి మధ్య కెమిస్ట్రీ ఈ సిరీస్‌కి మెయిన్ ప్లస్ పాయింట్.ఇది Viki, YOUKU యూట్యూబ్ ఛానెల్‌లో అందుబాటులో ఉంది.
ఇందులో హీరోయిన్ లిన్ యాంగ్ వయసు 31 ఏళ్లు. తను సిటీలో ఒక పెద్ద కంపెనీలో పని చేస్తూ బిజీగా ఉంటుంది. చిన్నప్పుడు తన పక్కింట్లో ఒక కుర్రాడు ఉండేవాడు. వాడి పేరు లు జెంగ్ ఆన్. వీళ్లిద్దరూ కలిసి ఆడుకునేవారు, ఒకరినొకరు బాగా ఇష్టపడేవారు. కానీ హీరోయిన్ వయసులో వాడి కంటే ఏడేళ్లు పెద్దది. వాడు చిన్నపిల్లాడిలా కనిపిస్తాడని హీరోయిన్ వాడిని ఎప్పుడూ ఒక తమ్ముడిలాగే చూసేది. అయితే కొన్ని సంవత్సరాల క్రితం వీళ్ళ ఫ్యామిలీలు విడిపోతాయి. అయితే ఇప్పుడు ఆ కుర్రాడు విదేశాల నుండి ఒక హ్యాండ్సమ్ హీరోలా తిరిగి వస్తాడు. ఇక్కడి నుంచే అసలు కథ ఉంటుంది.
వాడు రాగానే హీరోయిన్ ఇంట్లోకి నేరుగా వెళ్తాడు. తను ఇప్పుడు చిన్నపిల్లాడు కాదని, తనని పెళ్లి చేసుకోవడానికే వచ్చానని హీరోయిన్‌కి ముచ్చెమటలు పట్టిస్తాడు. హీరోయిన్ మాత్రం నువ్వు నాకంటే చిన్నోడివి, నీతో ప్రేమేంటని మొండికేస్తుంది. కానీ వాడు మాత్రం వదలకుండా తనకి వంట చేసి పెట్టడం, జాగ్రత్తగా చూసుకోవడం చేస్తూ హీరోయిన్ మనసుని మార్చడానికి ప్రయత్నిస్తాడు. చివరికి అతని ప్రయత్నం ఫలిస్తుందా ? వీళ్ళ ప్రేమకు పెద్దలు ఒప్పుకుంటారా ? అనే విషయాలను, ఈ సిరీస్ ను చూసి తెలుడుకోవాల్సిందే.
Read Also : ఓటీటీలో దుమ్ము లేపుతున్న ఇంటెన్స్ యాక్షన్ థ్రిల్లర్… మాఫియాపై అలుపెరుగని పోరాటం… ట్రెండింగ్‌లోనూ తోపే
Share
Ram Charan Fans: రామ్ చ‌ర‌ణ్ బర్త్‌డే స్పెషల్.. ఆ పాట ఆపండి మహాప్రభో!
Revenge Thriller OTT: కళ్ళల్లో కనిపించే కసి... టిప్పర్ లారీతో గుద్ది గుద్ది రివేంజ్... భయపెట్టిసున్న సినిమా
