Revenge Thriller OTT: కళ్ళల్లో కనిపించే కసి… టిప్పర్ లారీతో గుద్ది గుద్ది రివేంజ్… భయపెట్టిసున్న సినిమా

Revenge Thriller OTT : రివేంజ్ సినిమాలు చాలా క్రేజీగా ఉంటాయి చూడటానికి. ఎత్తుకు పైఎత్తులు, ప్రతీకారం తీర్చుకునే సీన్స్ చూపు తిప్పుకోకుండా చేస్తుంటాయి. మరి కొన్ని సినిమాలు అయితే రక్తపాతం మరింత బీభత్సంగా ఉంటుంది. ఈ నేపథ్యంలో ఒక రివెంజ్ థ్రిల్లర్ ఒంట్లో వణుకు పుట్టిస్తోంది. ఇందులొ ఫ్యామిలీ చావుకు కారణమైన కొంతమందిపై, ఒక ట్రక్ డ్రైవర్ కసిగా రివేంజ్ తీర్చుకునే సీన్స్ చాలా ఘోరంగా ఉంటాయి. రీసెంట్ గానే ఇది ఓటీటీలోకి వచ్చింది. మరి ఈ సినిమా పేరు ఏమిటి ? ఏ ఓటీటీలో ఉందో చూసేద్దాం పదండి.

ఏ ఓటీటీలో ఉందంటే

ఈ రివెంజ్ థ్రిల్లర్ మూవీ పేరు ‘Trucker’. ఎరోల్ సాక్ డైరెక్షన్ లో వచ్చిన ఈ సినిమాలో డ్వేన్ హిల్టన్ జూనియర్, నికోల్ మాటాక్స్, డేర్ టేలర్ లీడ్ రోల్స్ లో నటించారు. ఈ సినిమా 2026 మార్చి 10నుంచి Amazon Prime Video, Apple TV, ప్లాట్‌ ఫామ్‌లలో నేరుగా రిలీజ్ అయింది. అయితే ఇది ఇప్పుడు రెంటల్ పద్ధతిలో మాత్రమే అందుబాటులో ఉంది. 1 గంట 25 నిమిషాల నిడివి ఉన్న ఈ సినిమాను చూడాలంటే గుండె గట్టిగా ఉన్న వాళ్ళే ధైర్యం చేయండి .

స్టోరీ ఏమిటంటే

ఒక మామూలు లారీ డ్రైవర్ తన భార్యాపిల్లలతో సంతోషంగా బతుకుతుంటాడు. కానీ ఒకరోజు కొందరు కుర్రాళ్లు తాగిన మత్తులో కారును విచ్చలవిడి వేగంతో నడిపిస్తుంటారు. అదే సమయంలో ఈ డ్రైవర్ ఫ్యామిలీ మొత్తం లారీలో వెళ్తుంటుంది. ఇక వాళ్ళు అతివేగంగా వస్తుండటంతో తప్పించబోయి లారీ బోల్తా పడుతుంది. అక్కడ మంటలు కూడా అంటుకుంటాయి. కానీ ఆ కుర్రాళ్ళు కనీసం హెల్ప్ కూడా చేయకుండా వెళ్లిపోతారు. ఇక ఆ యాక్సిడెంట్లో ఆ లారీ డ్రైవర్ కళ్ల ముందే తన పెళ్ళాం, పిల్లలు తగలబడిపోయి చనిపోతారు. తన లోకమంతా నాశనమైపోవడంతో ఆ తండ్రి గుండె పగిలిపోతుంది.

పోలీసులు, చట్టం ఆ డబ్బున్న కుర్రాళ్లకు ఏమీ చేయలేవని అర్థం చేసుకున్న ఆ డ్రైవర్, ఇక తానే రంగంలోకి దిగాలని డిసైడ్ అవుతాడు. తన పాత లారీని రిపేర్ చేసుకుని, తన ఫ్యామిలీ చావుకు కారణమైన ఆ పోకిరీ బ్యాచ్ కోసం వేట మొదలుపెడతాడు. వాడు రోడ్డు మీద లారీ ఎక్కించాడంటే మృత్యువు ఎదురుగా వస్తున్నట్లే ఉంటుంది ఇప్పుడు. ఒక్కొక్కడిని ఏరికోరి పట్టుకుని, నడిరోడ్డు మీద చుక్కలు చూపిస్తాడు. ఇక క్లైమాక్స్ లో ఆ డ్రైవర్ పగ మామూలుగా ఉండదు. తన కుటుంబాన్ని ఎలాగైతే నిప్పుల్లో కాల్చారో, అదే రేంజ్ లో ఆ కుర్రాళ్లకు నరకం చూపిస్తాడు ఈ లారీ డ్రైవర్.

Read Also : నిత్య పెళ్ళికూతురు నిఖిలా విమల్ మలయాళ మూవీ ఓటీటీలోకి… ఎక్కడ చూడచ్చో తెలుసా ?

Join WhatsApp Channel

Share

• 
• 
• 
• 
• 
•