Romantic Drama OTT : గ్రామీణ నేపథ్యంలో సాగే ఒక ప్రేమ కథను చూడాలనుకుంటే, ఇప్పుడు చెప్పుకోబోయే సినిమాను మాత్రం అస్సలు మిస్ చేయకండి. ఇది చైనీస్ సినిమాల్లో క్లాసిక్ లవ్ స్టోరీల్లో ఒకటిగా పేరు పొందింది. ఇది చాలా ఎమోషనల్ గా సాగే ఒక హార్ట్ టచింగ్ స్టోరీ. గ్రామీణ జీవితం రియలిస్టిక్గా చూపించారు ఇందులో. పదేళ్ల తర్వాత తన సొంత గ్రామానికి తిరిగి వచ్చిన ఒక యువకుడి చుట్టూ కథ తిరుగుతుంది. అక్కడ తన చిన్ననాటి ప్రేయసిని కలిశాక స్టోరీ మారిపోతుంది. ప్రేక్షకులు కూడా ఆ ఎమోషన్ తో వచ్చే ఫీలింగ్స్ ని అలానే చూస్తూ ఉండిపోతారు. మరి ఈ సినిమా ఏ ఓటీటీలో ఉంది ? దీని కథ ఏమిటో తెలుసుకుందాం పదండి.
2003లో వచ్చిన ఈ చైనీస్ రొమాంటిక్ ఫీల్ గుడ్ మూవీ పేరు ‘నువన్’ (Nuan). హువో జియాంకీ దర్శకత్వంలో ఇది తెరకెక్కింది. 1 గంట 46 నిమిషాల ఈ సినిమా IMDbలో 7.6/10 రేటింగ్ ను పొందింది. ఈ చిత్రం 16వ టోక్యో ఇంటర్నేషనల్ ఫిల్మ్ ఫెస్టివల్లో ప్రతిష్టాత్మకమైన గ్రాండ్ ప్రిక్స్ అవార్డును గెలుచుకుంది. ఇది ప్రసిద్ధ రచయిత మో యాన్ రాసిన “ది వైట్ డాగ్ అండ్ ది స్వింగ్” అనే కథ ఆధారంగా రూపొందింది. ప్రస్తుతం ఈ సినిమా mubi, plex లో అందుబాటులో ఉంది.
లిన్ జింగే అనే యువకుడు పదేళ్ల పాటు సిటీ లో చదువుకుని, ఉద్యోగం చేస్తూ తన సొంత గ్రామానికి తిరిగి వస్తాడు. అక్కడ తన చిన్ననాటి ప్రేయసి నువాన్ను కలుస్తాడు. గతంలో నువాన్ ఆ గ్రామంలోనే అత్యంత అందమైన అమ్మాయిగా ఉండేది. వీరిద్దరూ ఒకరినొకరు ప్రేమించుకుంటారు కూడా. కానీ ఒక ప్రమాదంలో నువాన్ కాలుకి గాయమై ఆమె కుంటిది అవుతుంది. ఆ సమయంలో ఆమెను పెళ్లి చేసుకుంటానని మాట ఇచ్చిన లిన్, నగరం వెళ్ళాక ఆమెను మర్చిపోయి తన జీవితంలో బిజీ అయిపోతాడు.
ఇప్పుడు తిరిగి వచ్చిన లిన్ కు నువాన్ ఒక మూగవాడిని పెళ్లి చేసుకుని, ఒక కూతురితో కలిసి పేదరికంలో బతుకుతున్నట్లు తెలుస్తుంది. తన పాత జ్ఞాపకాలను నెమరువేసుకుంటూ, తను చేసిన వాగ్దానాన్ని నిలబెట్టుకోలేకపోయినందుకు లిన్ తీవ్రమైన పశ్చాత్తాపానికి గురవుతాడు. చివరకు ఆమె జీవితాన్ని చూసి లిన్ ఏవిధంగా స్పందిస్తాడు ? తను చేసిన తప్పును ఎలా సరిదిద్దుకుంటాడు అనేదే మిగతా కథ.
Read Also : అయ్యబాబోయ్… సైబర్ క్రైమ్స్ ఇలా జరుగుతాయా ? ప్రతి ఒక్కరూ మిస్ అవ్వకుండా చూడాల్సిన మూవీ
Share
Bandi Sanjay: కరీంనగర్లో మనదే గెలుపు.. తొందరపడి భవిష్యత్తు నాశనం చేసుకోవద్దు: బండి సంజయ్
Podarillu Today Episode : మహాను నమ్మించి మోసం చేసిన చక్రీ.. చక్రీ, మహా రిసెప్షన్ కు ఏర్పాట్లు..షాక్ లో మహా..
