Romantic Drama OTT : ఓటీటీలో ఎన్నో సినిమాలు స్ట్రీమింగ్ కి వస్తున్నాయి. ప్రపంచ నలుమూలల నుంచి వచ్చే సినిమాలకి ఓటీటీ ఒక వేదికగా మారింది. ఇక వీటిలో రొమాంటిక్ సినిమాలకి వీరాభిమానులు ఉన్నారు. అయితే ఇప్పుడు చెప్పుకోబోయే సినిమాలో కొంచెం బోల్డ్ కంటెంట్ ఎక్కువగా ఉంటుంది. అయితే ఒక మెసేజ్ కూడా ఇస్తుంది ఈ సినిమా. పల్లెటూరి నుంచి సిటీకి వెళ్ళే ఒక ప్రేమ జంట చుట్టూ కథ ఉంటుంది. అక్కడికి వెళ్ళాక ప్రేమ జంట కాస్తా పనికిమాలిన జంటగా మారుతారు. సిటీ లైఫ్ స్టైల్ కి, రంగుల ప్రపంచానికి అలవాటు పడితే ఎలా ఉంటుందో ఈ సినిమా చూపిస్తుంది.
ఈ ఫిలిప్పీన్స్ రొమాంటిక్ సినిమా పేరు ‘సుగప’ (Sugapa). ఇందులో ఏజే రావెల్ (అనా), అల్జూర్ అబ్రెనికా (బెన్) ప్రధాన పాత్రల్లో నటించారు. ఈ సినిమాలో మెయిన్ లీడ్స్ అయిన ఏజే రావెల్, అల్జూర్ అబ్రెనికా నిజ జీవితంలో కూడా జంట కావడంతో, వీరి మధ్య కెమిస్ట్రీ ఈ సినిమాకు పెద్ద ప్లస్ పాయింట్ అని చెప్పవచ్చు. ఇక ఫిలిప్పీన్స్ సినిమా రంగంలో బోల్డ్ సినిమాలకు పేరుగాంచిన లారెన్స్ ఫజార్డో దీనికి దర్శకత్వం వహించారు. సిటీలో అమ్మాయిలు ఎలా మోసపోతారో ఇందులో ఆయన చాలా పచ్చిగా చూపించారు. ఈ చిత్రాన్ని వివా ఫిలిమ్స్ (Viva Films) నిర్మించింది. ఇది ఫిలిప్పీన్స్‌లో అతిపెద్ద ప్రొడక్షన్ హౌస్‌లలో ఒకటి. ఇది 2023 ఆగస్టు 25న Vivamax ఓటీటీ ప్లాట్‌ఫామ్‌లో విడుదలైంది.
అనా, బెన్ అనే ఇద్దరు ప్రేమికులు తమ పల్లెటూరి జీవితాన్ని వదిలి, మంచి భవిష్యత్తు కోసం నగరానికి వస్తారు. పట్నంలో కష్టపడి పని చేసి, డబ్బు సంపాదించి గొప్పగా బతకాలని కలలు కంటారు. కానీ నగరం వాళ్ళకు అనుకున్నంత సులభంగా స్వాగతం పలకదు. ఆర్థిక ఇబ్బందులు ఎదురైనప్పుడు, ఆకలి, అవసరాలు వాళ్ళను క్రమంగా తప్పుడు దారుల వైపు నడిపిస్తాయి. బెన్ డ్రైవర్‌గా పని చేస్తూ, అనా ఒక బ్యూటీ సెలూన్‌లో పని చేస్తూ ఇద్దరూ కలిసి హ్యాపీగా జీవితం సాగిస్తారు. అయితే నగర జీవితం వాళ్లను నెమ్మదిగా మార్చేస్తుంది. డబ్బు కోసం అనా ఒక రిచ్ బిజినెస్‌మ్యాన్‌తో సంబంధం పెట్టుకుంటుంది. బెన్ కూడా డ్రగ్స్‌కి అలవాటు పడి, డబ్బు సంపాదన కోసం తప్పుడు మార్గాలు ఎంచుకుంటాడు. ఇద్దరి మధ్య ప్రేమ నెమ్మదిగా చీలిపోతుంది. ఒకానొక సమయంలో అనా ప్రైవేట్ వీడియోలు . అమ్మకానికి వెళతాయి. దీంతో కథ మరిన్ని మలుపులు తిరుగుతుంది. చివరికి వీళ్ళ జీవితాలు ఎటు వెళతాయి ? ఆమె వీడియోలు లీక్ చేసింది ఎవరు ? ఈ కథకు ముగింపు ఏంటి ? అనే విషయాలను, ఈ సినిమాను చూసి తెలుసుకోండి.
Read Also : తండ్రి కర్మకాండలో కలిసిన స్నేహం… ఎమోషన్స్ తో ఆకట్టుకుంటున్న మరాఠి ప్రేమకథ
Share
Suspense Thriller OTT: అందమైన రూపం వెనుక అంతులేని ద్రోహం... నమ్మించి నట్టేట ముంచే నర్సు... గుండె బద్దలయ్యే క్లైమాక్స్
Horror Movie OTT : పగలు పల్లెటూరి పిల్ల... రాత్రి గాలిలో తేలే తల... విజువల్స్ తో వణుకు పుట్టించే సినిమా
