Horror Movie OTT :ఓటీటీలో ఒక థాయ్ మూవీ డిఫరెంట్ స్టోరీతో ఆడియన్స్ ను విశేషంగా అక్కట్టుకుంది. ఇందులో విజువల్స్ చాలా రియలిస్టిక్‌గా ఉంటాయి. ఈ సినిమా విజువల్ ఎఫెక్ట్స్ తోనే మంచి గుర్తింపు పొందింది. ఈ సినిమా థాయ్‌లాండ్‌లో బాగా ప్రాచుర్యం పొందిన ‘క్రాసూ’ అనే పురాణ గాథ ఆధారంగా తీశారు. రాత్రిపూట తల, ప్రేగులతో తిరిగే ఈ దెయ్యం కథలు అక్కడ చాలా ఫేమస్. ఈ సినిమాలో ఆ పాత కథకు ఒక అందమైన ప్రేమకథను కూడా జోడించారు. ఇది 92వ ఆస్కార్ అవార్డులకు థాయ్‌లాండ్ తరపున అధికారిక ఎంట్రీగా ఎంపికైంది కూడా. 1940ల కాలం నాటి పల్లెటూరి వాతావరణాన్ని, అడవులను చాలా నేచురల్‌గా చూపించారు ఇందులో. సినిమాటోగ్రఫీ ఈ చిత్రానికి అతిపెద్ద ప్లస్ పాయింట్ అయింది.
థాయ్ సూపర్ నేచురల్ రొమాంటిక్ హారర్ మూవీ పేరు ‘ఇన్ హ్యూమన్ కిస్’ (Inhuman Kiss). ఇందులో ఫంతిరా పిపిట్యకోర్న్ (సాయి), ఓబ్నితి వివతనవరంగ్ (నోయి) ప్రధాన పాత్రల్లో నటించారు. ఈ సినిమాలో హీరోయిన్ ఫంతిరా పిపిట్యకోర్న్ (సాయి) తన నటనతో అందరినీ ఆకట్టుకుంది. ముఖ్యంగా దెయ్యంగా మారినప్పుడు ఆమె కళ్లలో కనిపించే బాధ, భయం ప్రేక్షకులకు బాగా కనెక్ట్ అవుతాయి. ప్రస్తుతం నెట్‌ఫ్లిక్స్ (Netflix)లో స్ట్రీమింగ్ అవుతోంది ఈ సినిమా. ఈ సినిమా హిట్ అవ్వడంతో, 2023లో దీనికి రెండో భాగం కూడా వచ్చింది. అది మొదటి పార్ట్ కంటే కొన్ని ఏళ్ల తర్వాత జరిగే కథతో సాగుతుంది.
ఈ సినిమా కథ 1940ల కాలంలో థాయ్‌లాండ్‌లోని ఒక చిన్న గ్రామంలో జరుగుతుంది. అక్కడ ఒక పల్లెటూరిలో సాయి అనే ఒక అందమైన అమ్మాయి ఉంటుంది. ఒక రోజు ఆ అమ్మాయికి తెలియకుండానే ఒక వింత శాపం తగులుతుంది. పగలు అందరిలాగే మామూలుగా ఉండే సాయి, రాత్రి అయ్యేసరికి మనిషిలా ఉండదు. ఆమె తల మొండెం నుంచి విడిపోయి, కేవలం ఊపిరితిత్తులు, ప్రేగులతో గాలిలో ఎగురుతూ రక్తం కోసం వేటాడుతుంది. ఊరిలో పశువులన్నీ వింతగా చనిపోతుంటే, ఏదో రాక్షసి తిరుగుతుందని ఊరి జనం అంతా కర్రలు, కత్తులు పట్టుకుని వేట మొదలుపెడతారు. అయితే సాయిని ప్రాణంగా ప్రేమించే ఆమె చిన్ననాటి స్నేహితుడు నోయికి ఈ విషయం తెలిసిపోతుంది.
తన ప్రేయసి రాక్షసి అని తెలిసినా సరే, ఆమెను వదులుకోలేక రాత్రిపూట ఆమె ఆకలి తీర్చడానికి జంతువుల రక్తాన్ని తెచ్చి ఇస్తుంటాడు. ఎలాగైనా ఆమెను ఆ శాపం నుండి కాపాడాలని చూస్తుంటాడు. అదే సమయంలో సాయిని ఇష్టపడే మరో స్నేహితుడు జెర్డ్, ఊరి వాళ్లతో కలిసి ఆ రాక్షసిని చంపాలని తిరుగుతుంటాడు. కానీ చివరికి తనకి ఇష్టమైన సాయే ఆ రాక్షసి అని తెలిసి జెర్డ్ కూడా షాక్ అవుతాడు. ఇక క్లైమాక్స్‌లో ఊరి జనం సాయిని పట్టుకోవడానికి చుట్టుముట్టేస్తారు. చివరికి సాయి పరిస్థితి ఏమైంది? ఆమె ప్రాణాలతో మిగిలిందా ? స్నేహితులు ఆమెను కాపాడతారా ? అనే విషయాలను ఈ హారర్ సినిమాను చూసి తెలుసుకోవాల్సిందే.
Read Also : సినిమా అంటే ఇదే మావా… ప్రేమించినందుకు 14 ఏళ్ళ జైలు… కట్ చేస్తే ఎన్నడూ చూడని రివేంజ్
Share
Romantic Drama OTT : లవర్ ను బాస్ తో గడపమనే ప్రియుడు... ఊహించని షాక్ ఇచ్చే ప్రియురాలు... కళ్లు చెదిరే క్లైమాక్స్
Illu Illaalu pillalu Prema : ' ఇల్లు ఇల్లాలు పిల్లలు ' ప్రేమ ఫస్ట్ రెమ్యూనరేషన్ ఎంతో తెలుసా..?
