Romantic Movie OTT : ఈ సినిమా థాయ్లాండ్లో భారీ విజయాన్ని సాధించడమే కాకుండా, విమర్శకుల నుండి మంచి ప్రశంసలు అందుకుంది. ముఖ్యంగా దక్షిణ కొరియాలోని అందమైన ప్రదేశాలను ఇందులో చాలా చక్కగా చూపించారు. దాదాపు 2 గంటల 10 నిమిషాల నిడివి ఉన్న ఈ సినిమా ఎక్కడా బోర్ కొట్టనివ్వదు. బాగా ఎంజాయ్ చేస్తారు. ఇంటర్నేషనల్గా కూడా పాపులర్ అయింది ఈ సినిమా. ఇది ఇద్దరు అపరిచితుల మధ్య జరిగే జర్నీని సరదాగా చూపిస్తుంది. ఈ సినిమాను ఎక్కడ చూడవచ్చో అనే విషయాలను తెలుసుకుందాం పదండి.
ఈ థాయ్ రొమాంటిక్ కామెడీ మూవీ పేరు ‘హలో స్ట్రేంజర్’ (Hello Stranger). దీనికి బంజాంగ్ పిసంతనకున్ దర్శకత్వం వహించారు. ఈ సినిమా 2010 ఆగస్ట్ 19న థాయ్లాండ్లో రిలీజ్ అయింది. బాక్సాఫీస్ వద్ద 130 మిలియన్లకు పైగా కలెక్ట్ చేసి, సూపర్ హిట్ గా నిలిచింది. ఇందులో చంటవిట్ ధనసేవి, న్యుంగ్తిదా సోఫాన్ నటించారు. దీనికి ఐయండిబిలో 7.5/10 రేటింగ్ ఉంది. ఇది ఆపిల్ టీవీ (Apple tv) నెట్ ఫ్లిక్స్ (Netflix) ఓటీటీ లో అందుబాటులో ఉంది ఈ సినిమా.
కొరియా టూర్కి వెళ్ళిన ఒక అబ్బాయి, తన టూర్ బస్సు మిస్ అయిపోయి రోడ్డు మీద దిక్కులు చూస్తూ ఉంటాడు. అదే టైంలో సోలో ట్రిప్ వేస్తున్న ఒక అమ్మాయి అతనికి పరిచయమవుతుంది. వీళ్ళిద్దరూ అప్పటికప్పుడు ఒక క్రేజీ డెసిషన్ తీసుకుంటారు. అసలు పేర్లు గానీ, పర్సనల్ డీటెయిల్స్ గానీ అడగకుండా కేవలం స్ట్రేంజర్స్ గా కలిసి తిరగాలని ఫిక్స్ అవుతారు. ఆ పర్యటనలో కొరియాలోని అందమైన ప్రదేశాలు చూస్తూ, చిన్న చిన్న గొడవలు పడుతూ, ఫన్నీగా ఎంజాయ్ చేస్తారు.
కానీ ఇలా పరిచయం లేని వ్యక్తితో ఉండటం వల్ల, వాళ్ళు తమ మనసులోని బాధలను, బ్రేకప్ కథలను ఒకరితో ఒకరు ఫ్రీగా షేర్ చేసుకోగలుగుతారు. ఇక ట్రిప్ చివర్లో వారిద్దరి మధ్య ప్రేమ పుడుతుంది. కానీ ఒకరి పేర్లు ఒకరికి తెలియవు. ట్రిప్ అయిపోయాక మళ్ళీ ఒకరినొకరు కలవడానికి ఎటువంటి కాంటాక్ట్ వివరాలు ఉండవు. సినిమా క్లైమాక్స్ చాలా ఎమోషనల్గా ఉంటుంది. ఆ తర్వాత వాళ్ళు అసలు కలిశారా ? ఈ క్లైమాక్స్ ఏంటి ? అనేది ఈ థాయ్ రొమాంటిక్ కామెడీ సినిమాని చూసి తెలుసుకోవాల్సిందే.
Read Also : రోడ్డున పడే బతుకులు… మనీ కోసం మాస్టర్ స్కెచ్ … క్లైమాక్స్ వరకు ట్విస్టులే
Share
Mahashivratri Jatara: ఎడుపాయల జాతర ఘనంగా జరిగేందుకు పకడ్బందీ ఏర్పాట్లు: కలెక్టర్ రాహుల్ రాజ్
Horror Thriller Movie OTT : తల కోసం ఆత్మ బీభత్సం... వణికిపోయే ఒంటరి ఫ్యామిలీ
