Horror Thriller Movie OTT : ఇండోనేషియన్ నుంచి ఎక్కువగా హారర్ థ్రిల్లర్ సినిమాలు వస్తుంటాయి. చేతబడి, దెయ్యం స్టోరీలతో ఈ సినిమాలు కూడా భయంకరంగా ఉంటాయి. ఇప్పుడు మనం చెప్పుకోబోయే సినిమాలో అయితే ఒక తల లేని దెయ్యం అందరిని భయపెడుతుంటుంది. 1970ల కాలంలో సాగే ఈ కథలో కాఫీ తోటలో ఉన్న ఒక కొత్త జంటను, ఒక తల లేని ఆత్మ తన శరీరం కోసం వేధిస్తుంటుంది. ఈ క్రమంలో వచ్చే సీన్స్ వణుకు పుట్టిస్తుంటాయి. మరి ఈ సినిమాను చూడాలనుకుంటున్నారా? అయితే ఎక్కడ ఉందో తెలుసుకుందాం పదండి.
ఈ ఇండోనేషియన్ హారర్ థ్రిల్లర్ మూవీ పేరు ‘త్రినిల్: కంబాలికన్ తుబుకు’ (Trinil: Give Me Back My Body). దీనిని ప్రముఖ దర్శకుడు హనుంగ్ బ్రమంట్యో తెరకెక్కించారు. 2024, జనవరి 4న విడుదలైన ఈ సినిమాలో కర్మెలా వాన్ డెర్ క్రుక్, రంగా నాట్రా, ఫతా అమీన్ ప్రధాన పాత్రలు పోషించారు. ఈ సినిమా ప్రస్తుతం Netflix ఓటీటీ ప్లాట్ ఫామ్లో అందుబాటులో ఉంది. ఇది తెలుగులో కూడా డబ్బింగ్ చేయబడింది.
1970లలోని జావాలో ఒక టీ ఎస్టేట్ నేపథ్యంలో కథ జరుగుతుంది. పెళ్లైన కొత్తలో రారా, సుతాన్ దంపతులు తమ వారసత్వంగా వచ్చిన ఆ టీ ఎస్టేట్ లోకి అడుగుపెడతారు. అయితే అక్కడ వాళ్లకి వింత అనుభవాలు ఎదురవుతాయి. అక్కడ పని చేసే వర్కర్లు మిస్టీరియస్గా చనిపోతుంటారు. ఒక శరీరం లేని స్త్రీ తల కనిపిస్తుంది. అది తన శరీరాన్ని తిరిగి ఇవ్వమని భయపెడుతూ వీళ్ళ వెంటపడుతుంది. ఈ సంఘటనలతో భయపడిపోయిన ఆ దంపతులు, ఈ దుష్టశక్తి వెనుక ఉన్న రహస్యాన్ని తెలుసుకోవడానికి మాంత్రికుడి సహాయం కోరతారు.
ఇక స్టోరీ నడిచే కొద్దీ ఆ ఆత్మ ఎవరో తెలిసి అందరూ షాక్ అవుతారు. ఆ ఆత్మ మరెవరో కాదు, రారా తల్లి అయిన రాయు. గతంలో ఆమె ఆస్తి కోసం తన కూతురిని, భర్తను మోసం చేయడానికి ప్రయత్నించి క్రూరంగా హత్య చేయబడుతుంది. చనిపోయిన తర్వాత కూడా శాంతించని ఆమె ఆత్మ, ఇప్పుడు రారా శరీరాన్ని ఆక్రమించి తిరిగి జీవించాలని చూస్తుంది. ఈ క్రమంలో రారా తన తల్లి ఆత్మని ఎలా ఎదుర్కొంది ? మాంత్రికుడి సహాయంతో తన ప్రాణాన్ని ఎలా కాపాడుకుంది అనేది మిగిలిన కథ.
Read Also : ఓటీటీలోకి వచ్చేస్తున్న అపర్ణ బాలమురళి మలయాళం రొమాంటిక్ మూవీ.. థియేటర్లలో విడుదలైన నెలలోపే..
Share
Romantic Movie OTT : కొరియా వీధుల్లో థాయ్ జంట... పేరు తెలీకుండానే ప్రేమలో... ప్రేమికులు చూడాల్సిన మూవీ
Murder Case: సుత్తితో కొట్టి వృద్ధురాలి హత్య.. 24 గంటల్లో ఛేదించిన పోలీసులు
