భర్తను పంచుకున్న యువతితో భార్య పెంచుకున్న బంధం… ఒకే పురుషుని కోసం ఇద్దరు స్త్రీల ఆరాటం

Romantic Movie on OTT : ఇద్దరు ప్రేమికుల మధ్య మరో వ్యక్తి వస్తే ఆ రిలేషన్ ఎంత దెబ్బతింటుందో అందరికీ తెలిసిందే. కానీ స్వయంగా భార్యే తన భర్తను మరో వ్యక్తితో పంచుకుంటే ? ఓ అబ్బాయి కోసం ఇద్దరు అమ్మాయిలు ఆరాట పడితే ఎలా ఉంటుంది ? ఈ స్టోరీ లైన్ డో పాత సినిమాలో విన్నట్టుగా ఉంది కదా. కానీ ఇప్పుడు మనం చెప్పుకుంటున్నది ఓ కొరియన్ డ్రామా గురించి. మరి ఈ క్రేజీ కే-డ్రామా ఏ ఓటీటీలో అందుబాటులో ఉందో తెలుసుకుందాం పదండి.

నెట్ ఫ్లిక్స్ లో స్ట్రీమింగ్  

ఈ సినిమా పేరు ‘Love In Between’ (కొరియన్ టైటిల్ Du yeoja). 2010లో విడుదలైన ఈ సౌత్ కొరియా ఎరోటిక్ మెలో డ్రామాకు చొంగ్ యున్-సు దర్శకత్వం వహించారు. ఇందులో షిన్ ఉన్-క్యుంగ్, జంగ్ జూన్-హో, షిమ్ యి-యంగ్ ప్రధాన పాత్రలు పోషించారు. ఒక భార్య, తన భర్త వివాహేతర సంబంధం గురించి తెలుసుకున్న తర్వాత తీసుకునే నిర్ణయాల చుట్టూ ఈ మూవీ స్టోరీ తిరుగుతుంది. ఈ సినిమా ప్రస్తుతం దక్షిణ కొరియా వంటి కొన్ని రీజియన్లలో Netflix లో అందుబాటులో ఉంది. అలాగే భారత దేశంలోనూ నెట్‌ఫ్లిక్స్ ద్వారా వీక్షించే అవకాశం ఉంది.

కథలోకి వెళ్తే…

మన హీరోయిన్ హాన్ సో-యంగ్ (షిన్ ఉన్-క్యుంగ్). ఆమె సక్సెస్ ఫుల్ గైనకాలజిస్ట్. అయితే తన భర్త యున్ జి-సియోక్ (జంగ్ జూన్-హో)తో చాలా సంతోషంగా ఉన్నానని అనుకుంటూ ఉంటుంది. జి-సియోక్ ఆర్కిటెక్ట్ గా, యూనివర్సిటీ ప్రొఫెసర్ గా వర్క్ చేస్తూ ఉంటాడు. చూడ్డానికి వీరిద్దరూ పర్ఫెక్ట్ కపుల్ లా కనిపిస్తారు. కానీ ఒకరోజు సో-యంగ్ కు అనుకోకుండా తన భర్త ఆఫీసులో ఒక వింత మెసేజ్‌ కన్పిస్తుంది. ఆ మెసేజ్ ను చూశాక, ప్రొఫెసర్ అయిన తన భర్త స్టూడెంట్ సు-జీ (షిమ్ యి-యంగ్)తో ఎఫైర్ పెట్టుకున్నాడని ఆమెకు అర్థం అవుతుంది.

సాధారణంగా ఇలాంటి విషయం తెలిసినప్పుడు భార్యలు ఆవేశంలో రచ్చ రచ్చ చేస్తారు. హీరోయిన్ మాత్రం భర్తను ఈ విషయం గురించి నేరుగా నిలదీయదు. అసలు ఆ రెండో అమ్మాయి ఎవరు ? ఎందుకు తన భర్తను ఇష్టపడుతోంది ? అని తెలుసుకోవడానికి సో-యంగ్ విచిత్రమైన ప్లాన్ వేస్తుంది. సు-జీ యోగా క్లాసు నివహిస్తుండగా, అందులో హీరోయిన్ తన పేరు మార్చుకుని జాయిన్ అవుతుంది. అక్కడ సు-జీతో స్నేహం చేస్తుంది. అలాగే ఆమెకు తెలియకుండానే ఆమె వ్యక్తిగత జీవితం, న భర్తతో ఉన్న సంబంధం గురించిన విషయాలు రాబడుతుంది. అయితే సు-జీకి సో-యంగ్ అసలు విషయం తెలియదు కదా. అందుకే ఆమెను తన ప్రాణ స్నేహితురాలిగా అనుకుని అన్నీ చెప్పేస్తుంది.

ఆ అమ్మాయి అమాయకత్వాన్ని, తన భర్త పట్ల ఆమెకున్న ప్రేమని చూసి సో-యంగ్ మనసులో అప్పటిదాకా ఉన్న ద్వేషం మెల్లగా జాలిగా మారుతుంది. మరోవైపు జి-సియోక్ ఇద్దరు మహిళలను ప్రేమించే విషయం ఆలోచిస్తూ గందరగోళంలో పడతాడు. సో-యంగ్ ఫ్రెండ్షిప్ సు-జీతో మరింత బలపడుతుంది. ఈ నేపథ్యంలోనే ముగ్గురి రిలేషన్ మరింత క్లిష్టంగా మారుతుంది. అంతలోనే సుజీ ప్రెగ్నెంట్ అనే బాంబు లాంటి వార్త బయటపడుతుంది. మరి ఆ తరువాత ఏం జరిగింది ? ఈ ముగ్గురి ప్రేమ కథకు ఎలాంటి ఎండ్ కార్డు పడింది ? అన్నది చూసి తెలుసుకోవాల్సిన కథ.

Read Also : 1 గంట 56 నిమిషాల ఈ థ్రిల్లర్ లో చివరి వరకు హంతకుడిని కనిపెట్టలేరు

Share

• 
• 
• 
• 
• 
•