Romantic Movie on OTT : యుద్ధ భూమిలో ప్రేమ అనే పాయింట్ వినడానికి ఎంత ఇంట్రెస్టింగ్ గా ఉంటుందో కదా. కానీ అదే ప్రేమ కాకుండా వ్యామోహం అయితే ? ఆ వ్యామోహం పైఅధికారి భార్యతో అయితే ఎలా ఉంటుంది ? అలాంటి ఆసక్తికర కథాంశంతో రూపొందిన మూవీనే ఈరోజు మన మూవీ సజెషన్. మరి ఈ మూవీ పేరేంటి ? ఏ ఓటీటీలో అందుబాటులో ఉంది ? అనే విషయాలపై ఒక లుక్కేద్దాం పదండి.
ఇప్పుడు మనం చెప్పుకుంటున్న మూవీ పేరు ‘Obsessed (2014)’. వియత్నాం యుద్ధం ముగిసే సమయంలో అంటే 1969 నేపథ్యంలో కథ ఇది. ఈ దక్షిణ కొరియా ఎరోటిక్ రొమాంటిక్ డ్రామాకు ‘కిమ్ డే-వూ’ దర్శకత్వం వహించారు. పగడ్బందీ సైనిక వాతావరణంలో, ఇద్దరు వ్యక్తుల మధ్య పుట్టిన ప్రేమ చుట్టూ ఈ మూవీ కథ తిరుగుతుంది. ఈ సినిమా ప్రస్తుతం భారతదేశంలో Amazon Prime Videoలో కొన్ని రీజియన్లలో అందుబాటులో ఉంది. అలాగే Apple TV లో రెంట్‌ కి కూడా తీసుకునే ఆప్షన్ ఉంది. ఇక ఈ చిత్రం ద్వారా పరిచయమైన ‘లిమ్ జి-యోన్’ (The Glory ఫేమ్) అనేక అవార్డులను అందుకున్నారు. సినిమాలో అందమైన విజువల్స్, అద్భుతమైన మ్యూజిక్ మాత్రమే కాదు, ఎమోషనల్ క్లైమాక్స్ ఉండడంతో కొరియన్ సినిమాలో దీన్నొక క్లాసిక్ లవ్ స్టోరీగా చెప్పుకుంటారు.
గౌరవప్రదమైన కల్నల్, యుద్ధ వీరుడు కిమ్ జిన్-ప్యాంగ్ (సాంగ్ స్యుంగ్-హీన్). తన పై అధికారి కూతురితో అతనికి పెళ్లి జరుగుతుంది. ఆ తరువాత అనతి కాలంలోనే తన కెరీర్‌లో ఉన్నత స్థాయికి చేరుకుంటాడు కల్నల్. ఈ క్రమంలోనే ఓ వైపు సక్సెస్ ఫుల్ లైఫ్, మరోవైపు యుద్ధం వల్ల కలిగిన మానసిక ఒత్తిడి (PTSD) వల్ల కలిగే మానసిక వేదనతో సతమతం అవుతుంటాడు. అదే సమయంలో అతని కింది స్థాయి అధికారి భార్య జోంగ్ గా-హ్వెన్ (లిమ్ జి-యోన్) అతని లైఫ్ లోకి ఎంట్రీ ఇస్తుంది. ఆమె అందం, మౌనం జిన్-ప్యాంగ్ ను విపరీతంగా ఆకట్టుకుంటాయి.
వీరిద్దరి మధ్య మొదట చిన్నగా మొదలైన పరిచయం కాస్తా నెమ్మదిగా గాఢమైన ప్రేమగా టర్న్ తీసుకుంటుంది. బయట ప్రపంచానికి క్రమశిక్షణ గల సైనికాధికారిగా కన్పిస్తాడు. కానీ లోపల ఆమె కోసం తపించే ఒక ప్రేమికుడిగా మారిపోతాడు జిన్-ప్యాంగ్. ఆర్మీ క్వార్టర్స్‌ లోనే ఎవరికీ తెలియకుండా ఇద్దరూ కలుసుకుంటారు. దీంతో వారి మధ్య శారీరక, మానసిక సాన్నిహిత్యం మరింతగా పెరుగుతాయి.
జిన్-ప్యాంగ్ ఆమెపై ఉన్న ‘అబ్సెషన్’ వల్ల కెరీర్ డేంజర్ లో పడుతుంది. కెరీర్ తో పాటు కుటుంబాన్ని కూడా నిర్లక్ష్యం చేస్తాడు. ఒకానొక సమయంలో వారి సంబంధం బయటపడే ప్రమాదకర పరిస్థితి వస్తుంది. అలాంటి పరిస్థితిలో గా-హ్వెన్ తన భర్తను వదిలి రాలేనని చెప్పేస్తుంది. దీంతో జిన్-ప్యాంగ్ ఆ మాటను తట్టుకోలేకపోతాడు. అందరి ముందు తన ప్రేమను ఒప్పుకోవడమే కాదు, తన చేజేతులా పరువును కూడా పోగొట్టుకుంటాడు. ఆ ప్రేమ దక్కని వేదనలో అతను తీసుకున్న నిర్ణయం ఆడియన్స్ మనసును కలిచివేస్తుంది. మరి ఇంతకీ కల్నల్ తీసుకున్న ఆ నిర్ణయం ఏంటి ? ఈ మూవీ క్లైమాక్స్ ఏంటి ? అన్నది తెరపై చూడాల్సిందే.
Read Also : అమ్మాయి కోసం ఇదేం అరాచకం… ప్రదీప్ రంగనాథన్ లవ్ స్టోరీ స్ట్రీమింగ్
Share
భర్తను పంచుకున్న యువతితో భార్య పెంచుకున్న బంధం... ఒకే పురుషుని కోసం ఇద్దరు స్త్రీల ఆరాటం
చిన్న డిటెక్టివ్ చేతికి పెద్ద కేసు... నవ్వులు పూయిస్తూనే వెన్నులో వణుకు పుట్టించే మర్డర్ మిస్టరీ
