Romantic Comedy OTT :ఓటీటీలో ఎన్నో సినిమాలు రిలీజ్ అవుతున్నాయి. అయితే ఫ్యామిలీ ఎంటర్టైనర్ గా కొన్ని సినిమాలు భలే ఉంటాయి. ఈ సినిమాలు చూసేంత సేపు చూడచక్కగా ఉంటాయి. ఇప్పుడు చెప్పుకోబోయే సినిమా అలాగే ఉంటుంది. ఇందులో తల్లిదండ్రుల సెంటిమెంట్, కామెడీ ట్రాక్ కలగలిసి ఉండటంతో ఇది ఒక మంచి ఫ్యామిలీ ఎంటర్టైనర్గా నిలిచింది. ఈ బెంగాలీ సినిమా పేరు ? ఏ ఓటీటీలో ఉంది ? అనే వివరాల్లోకి వెళ్తే…
ఈ బెంగాలీ రొమాంటిక్ కామెడీ సినిమా పేరు ‘ఓగో బిదేశిని’ (Ogo Bideshini). ఈ సినిమాకు అన్షుమన్ ప్రత్యుష్ దర్శకత్వం వహించారు.
ఇందులో అంకుష్ హజ్రా, అలెగ్జాండ్రా టేలర్, మాన్సీ సిన్హా, శాంతిలాల్ ముఖర్జీ ప్రధాన పాత్రల్లో నటించారు. ఇందులో అంకుష్ హజ్రా కథానాయకుడు అబ్రా పాత్రలో ఆకట్టుకున్నాడు. ఇతను లండన్లో ఉంటూ తన ప్రేమను ఇంట్లో చెప్పలేక ఇబ్బంది పడే కుర్రాడిగా కనిపిస్తారు. బ్రిటీష్ నటి అయిన అలెగ్జాండ్రా, అబ్రా ప్రేయసి సుజైన్ పాత్రలో నటించారు. ఈమె బెంగాలీ సంప్రదాయాలను నేర్చుకోవడానికి ప్రయత్నించే సీన్స్ బాగా పండాయి. ఇక అబ్రా తల్లిగా మాన్సీ సిన్హా నటించారు. ఈమె పాత్ర ఇందులో చాలా కీలకం. సంప్రదాయాలు పాటించే ఒక సాధారణ బెంగాలీ తల్లిగా అద్భుతంగా నటించారు. ఈ సినిమాకు జీత్ గంగూలీ సంగీతం అందించారు. ఈ మెలోడీ పాటలు ప్రేక్షకులను ఆకట్టుకున్నాయి. 2022 నవంబర్ 18న ఈ సినిమా థియేటర్లలో రిలీజ్ అయింది. ప్రస్తుతం jio hotstar, prime videoలో అందుబాటులో ఉంది.
లండన్లో సెటిల్ అయిన ఒక బెంగాలీ అబ్బాయి (అంకుష్), సుజైన్ (అలెగ్జాండ్రా) అనే బ్రిటిష్ అమ్మాయితో సీక్రెట్గా ప్రేమలో ఉంటాడు. అయితే తన తండ్రి చాలా స్ట్రిక్ట్ అని, అలాగే తన తల్లికి సంప్రదాయాలంటే చాలా గౌరవమని తెలిసి ఈ విషయాన్ని ఇంట్లో చెప్పడానికి భయపడతాడు. తన ప్రేయసితో కలిసి లండన్ లో ఎంజాయ్ చేస్తూ హ్యాపీగా గడిపేస్తుంటాడు. కానీ ఒకరోజు ఊహించని విధంగా అతని తల్లిదండ్రులు ఇండియా నుండి లండన్ వచ్చేస్తారు. తన కొడుక్కి ఒక పద్ధతి గల బెంగాలీ అమ్మాయిని ఇచ్చి పెళ్లి చేయాలని అతని తల్లి పట్టుబడుతుంది. దాంతో ఆ అబ్బాయి తన బ్రిటీష్ ప్రేయసిని వాళ్లకు ఎలా పరిచయం చేయాలో తెలియక తలపట్టుకుంటాడు. ఇక్కడ నుండి కథలో కామెడీ మొదలవుతుంది. తన తల్లిదండ్రుల మనసు గెలుచుకోవడానికి, ఆ బ్రిటీష్ అమ్మాయి బెంగాలీ సంప్రదాయాలను, వంటకాలను నేర్చుకోవడానికి ప్రయత్నిస్తుంది. భాష తెలియకపోయినా, పద్ధతులు వేరైనా ఆ కుటుంబంలో ఎలా కలిసిపోయింది? చివరకు ఆ తల్లిదండ్రులు ఒక విదేశీ అమ్మాయిని తమ కోడలిగా ఒప్పుకున్నారా ? అనేదే ఈ సినిమా క్లైమాక్స్.
Read Also : మనవళ్లకు కథలు చెప్పాల్సిన వయసులో ప్రేమ పాఠాలు… డెబ్బై ఏళ్ల వయసులో డ్యాన్స్ స్టెప్పులు
Share
Peddi Movie: ‘పెద్ది’ నుంచి రాబోయే టీజర్లో ఉండే ఆటలివేనా? భారీ ట్రోలింగ్.. వీడియో వైరల్!
Shoaib Akhtar On Pink ball: ఫుట్ పాత్ పైన జెర్సీలు కొంటారా ? PSL ఆడకుండా లబుషేన్ ను తరిమికొట్టండి
