Romantic movie OTT : ఓటీటీలో మరో కొరియన్ రొమాంటిక్ డ్రామా స్ట్రీమింగ్ అవుతోంది. ఈ సినిమాను ఆడియన్స్ తెగ చూస్తున్నారు కూడా. ఒక అమ్మాయి, ఇద్దరు అబ్బాయిల మధ్య సాగే ఈ స్టోరీ నిజంగానే చాలా గొప్పగా ఉంటుంది. ప్రేమికులే కాదు, అందరూ చూడాల్సిన రొమాంటిక్ డ్రామా సినిమా ఇది. చూశాక మరొక్క సారి చూడాలనిపిస్తుంది ఈ రొమాంటిక్ డ్రామాని. దీని పేరు ఏమిటి ? ఏ ఓటీటీలోకి వచ్చింది ? అనే విషయాలను తెలుసుకుందాం పదండి.
ఈ కొరియన్ రొమాంటిక్ డ్రామా చిత్రం పేరు ‘పవానే’ (Pavane). దీనికి లీ జోంగ్-పిల్ దర్శకత్వం వహించారు. ఇందులో గో అహ్-సంగ్, బ్యూన్ యో-హాన్ మరియు మూన్ సంగ్-మిన్ నటించారు. ఈ చిత్రం రచయిత పార్క్ మిన్-గ్యు రాసిన పవానే ఫర్ ఎ డెడ్ ప్రిన్సెస్ నవల ఆధారంగా రూపొందింది. ఇది 2026 ఫిబ్రవరి 20న నెట్‌ఫ్లిక్స్ (Netflix) ఓటీటీలో విడుదలైంది. ఈ నెట్‌ఫ్లిక్స్ ఒరిజినల్ ఫిల్మ్ ను సినిమా హాల్స్‌లో కాకుండా నేరుగా డిజిటల్ ప్లాట్‌ ఫామ్‌లోనే రిలీజ్ చేశారు. ప్రస్తుతం ఈ చిత్రం నెట్‌ఫ్లిక్స్‌లో తెలుగు ఆడియోతో పాటు హిందీ, తమిళం, ఇంగ్లీష్ భాషల్లో కూడా అందుబాటులో ఉంది.
1980ల కాలం నాటి సియోల్ నగరంలో మి-జియోంగ్ అనే యువతి, ఒక పెద్ద డిపార్ట్‌మెంట్ స్టోర్‌లో పని చేస్తూ ఉంటుంది. ఆమె అంత అందంగా లేకపోవడంతో అందరూ ఆమెను తక్కువ చేసి చూస్తుంటారు. దీనివల్ల ఆమె ఎప్పుడూ ఒంటరిగా, నలుగురిలోకి రావడానికి భయపడుతూ స్టోర్ బేస్‌మెంట్‌లోనే గడుపుతుంటుంది. అలాంటి సమయంలో ఆమె జీవితంలోకి గ్యోంగ్-రోక్ అనే యువకుడు వస్తాడు. అతను ఆమె రూపం కంటే ఆమె స్వచ్చమైన మనసును ఇష్టపడతాడు. ఆమెలో కాన్ఫిడెన్స్ ని కూడా ఇస్తాడు. ఇంతలో వీళ్ళకి తోడుగా యో-హాన్ అనే మరో స్నేహితుడు కూడా చేరతాడు. ఈ ముగ్గురు కలిసి సమాజం పెట్టే కష్టాలను, తమ జీవితాలలో ఉన్న సమస్యలను ఎలా ఎదుర్కొన్నారనేదే ఈ కొరియన్ రొమాంటిక్ మిగిలిన కథ. నెట్‌ఫ్లిక్స్‌లో ఇది ఒక మంచి మెలోడ్రామాగా పేరు తెచ్చుకుంది.
Read Also : జోంబీగా మారే కూతురు… తండ్రి మాస్టర్ ప్లాన్… ఒక్కసారి చూస్తే జీవితంలో మర్చిపోలేరు భయ్యా
Share
Brahmamudi Serial : 'బ్రహ్మముడి' సీరియల్ కు శుభం కార్డు.. ఊహించని ట్విస్ట్..
Illu Illalu Pillalu Today Episode: ఓనర్ తో గొడవపడ్డ ధీరజ్.. సాగర్ కు అండగా నిలబడ్డ నర్మదా.. ఇది కదా ట్విస్ట్..
