Romantic movie OTT: ఇద్దరబ్బాయిలతో అమ్మాయి వ్యవహారం… మతిపోగొట్టే రోడ్ ట్రిప్… ఇది పెద్దలకు మాత్రమే

Romantic movie OTT : ఒక రోడ్ ట్రిప్ మూవీని చూడాలనుకుంటే, ఇప్పుడు మనం చెప్పుకోబోయే సినిమాను చూడచ్చు. అయితే ఇది ఒంటరిగా చూడాల్సిన సినిమా. కాస్త మసాలా కంటెంట్ కూడా ఉంటుంది. అయితే ఇది ఆస్కార్ బరిలో కూడా నిలిచింది. ఈ కథ ఇద్దరు యువకులు, ఒక పెళ్లైన మహిళ చుట్టూ తిరుగుతుంది. వీళ్ళు కలిసి మెక్సికోలో ఒక రోడ్ ట్రిప్‌కు వెళ్తారు. ఈ ప్రయాణంలో చాలా ఆసక్తిగా ఉంటుంది. ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే …

నెట్ ఫ్లిక్స్ లో స్ట్రీమింగ్

ఈ మెక్సికన్ రోడ్ ట్రిప్ మూవీ పేరు ‘వై తూ మామా తాంబియెన్’ (Y tu mamá también). దీనిని ప్రముఖ దర్శకుడు అల్ఫోన్సో కువరాన్ తెరకెక్కించారు. ఇందులో గాయెల్ గార్సియా బెర్నల్, డియెగో లూనా, మారిబెల్ వెర్డు ప్రధాన పాత్రలు పోషించారు. ఈ సినిమా ఉత్తమ ఒరిజినల్ స్క్రీన్‌ప్లే విభాగంలో ఆస్కార్ నామినేషన్ కూడా పొందింది. ఇది మొదటి వారాంతంలో $2.2 మిలియన్లు సంపాదించి, మెక్సికన్ సినిమాలో అత్యధిక బాక్సాఫీస్ ఓపెనింగ్‌గా కొత్త రికార్డును సృష్టించింది. ఈ సినిమాను చూడాలనుకుంటే ప్రస్తుతం ఇది Netflix లో అందుబాటులో ఉంది.

స్టోరీ ఏమిటంటే

టెనోచ్, జూలియో అనే ఇద్దరు ఫ్రెండ్స్ ఉంటారు. ఇద్దరూ మాంచి కుర్రాళ్ళే కాని ఎప్పుడూ అమ్మాయిలు, ఎంజాయ్‌మెంట్ అని తిరుగుతుంటారు. వీళ్ల లైఫ్ బోర్ కొడుతున్న టైంలో, ఒక ఫ్యామిలీ ఫంక్షన్‌లో లూయిసా అనే ఒక పెళ్లైన అందమైన అమ్మాయి పరిచయం అవుతుంది. ఆమెతో కాస్త క్లోజ్ అయి, ఆమెను ఇంప్రెస్ చేయడానికి మేము ఒక అందమయిన బీచ్‌కి వెళ్తున్నాం, నువ్వు కూడా వస్తావా అని అడుగుతారు. అయితే లూయిసా తన భర్త తనను మోసం చేస్తున్నాడని తెలిసి, బాధలో వీరితో కలిసి రావడానికి ఒప్పుకుంటుంది. అలా ముగ్గురూ కలిసి ఒక పాత కారులో రోడ్ ట్రిప్ మొదలుపెడతారు.

దారి పొడవునా వీళ్లు తాగుతూ, జోకులు వేసుకుంటూ ఎంజాయ్ చేస్తారు. కానీ మెల్లగా లూయిసా మీద ఇద్దరికీ ఇష్టం మొదలవుతుంది. దీనివల్ల ఆ ఇద్దరు ఫ్రెండ్స్ మధ్య చిన్న చిన్న గొడవలు, అసూయ మొదలవుతాయి. చివరికి వాళ్లు అనుకున్న బీచ్‌కి చేరుకుంటారు. అక్కడ గడిపిన ఒక రాత్రి వాళ్ళ జీవితాలను, వాళ్ల మధ్య ఉన్న బంధాన్ని పూర్తిగా మార్చేస్తుంది. ట్రిప్ అయిపోయాక ముగ్గురూ విడిపోతారు. చాలా కాలం తర్వాత ఆ ఇద్దరు ఫ్రెండ్స్ మళ్ళీ కలిసినప్పుడు, లూయిసా గురించి ఒక షాకింగ్ విషయం తెలుస్తుంది. అది ఏంటనేది సినిమా చూస్తేనే బాగుంటుంది.