Vincenzo Web series OTT : 2021లో వచ్చిన ఒక బ్లాక్బస్టర్ సౌత్ కొరియన్ డ్రామా గురించి చెప్పుకోవాల్సిందే. ఎందుకంటే ఈ సిరీస్ ప్రపంచవ్యాప్తంగా భారీ క్రేజ్ సంపాదించుకుంది. ప్రతి ఎపిసోడ్ ఉత్కంఠభరితమైన మలుపులతో సాగుతుంది. అలాగే కామెడీ కూడా మరో లెవెల్ లో ఉంటుంది. దీనికి ఐయండిబిలో 8.4/10 రేటింగ్ ఉందంటే ఇది ఏమాత్రం ఉంటుందో అర్థం చేసుకొనచ్చు. ఈ సిరీస్ పేరు, ఏ ఓటీటీలో ఉంది ? అనే వివరాల్లోకి వెళ్తే..
ఈ యాక్షన్ కామెడీ సిరీస్ పేరు ‘వించెంజో’ (Vincenzo). ఇందులో సాంగ్ జూంగ్-కి, జియోన్ యో-బిన్, ఓక్ టెక్-యోన్ లీడ్ రోల్స్ లో నటించారు. ఇది 2021 ఫిబ్రవరి 20 నుండి 2021 మే 2 వరకు ప్రతి శనివారం కొరియాలో tvNలో ప్రసారం చేయబడింది. ఇది ప్రస్తుతం Netflixలో ప్రసారం చేయడానికి కూడా అందుబాటులో ఉంది. ఇది కొరియన్ టెలివిజన్ చరిత్రలో అత్యధిక రేటింగ్ పొందిన డ్రామాగా నిలిచింది. ఇది టీవీఎన్ చరిత్రలో ఆరవ అత్యధిక రేటింగ్ పొందిన డ్రామాగా ఉంది. ఈ సిరీస్ Netflix ద్వారా కూడా ప్రపంచవ్యాప్తంగా కూడా ప్రజాదరణ పొందింది. ప్రపంచంలోని నెట్ఫ్లిక్స్లోని టాప్ 10 షోలలో తన స్థానాన్ని నిలబెట్టుకుంది. అంతేకాకుండా 2021లో నెట్ఫ్లిక్స్లో అత్యధికంగా చూసిన కొరియన్ సిరీస్ల ఫోర్బ్స్ జాబితాలో ఇది నాల్గవ స్థానంలో నిలిచింది.
వించెంజో కసానో అనే ఒక కొరియన్ వ్యక్తి చిన్నప్పుడే ఇటలీకి వెళ్లి అక్కడ పెద్ద మాఫియా ఫ్యామిలీకి లాయర్గా, సలహాదారుడిగా ఎదుగుతాడు. అయితే తన బాస్ చనిపోయాక జరిగిన గొడవలతో ఇటలీ వదిలి కొరియాకు తిరిగి వస్తాడు. సెయిల్లోని ఒక పాత బిల్డింగ్ అడుగున దాచిన టన్నుల కొద్దీ బంగారాన్ని తవ్వి తీసుకోవడమే అతని ప్లాన్. కానీ ఆ బిల్డింగ్ను ఒక అరాచకమైన ‘బాబెల్ గ్రూప్’ అనే కంపెనీ అక్రమంగా లాక్కుంటుంది. ఆ బంగారాన్ని దక్కించుకోవాలంటే ముందు ఆ కంపెనీని అడ్డుకోవాలని వించెంజో డిసైడ్ అవుతాడు.
అక్కడ అతనికి హాంక్ చా-యంగ్ అనే ఒక ఫైర్ బ్రాండ్ లాయర్ పరిచయం అవుతుంది. బాబెల్ గ్రూప్ చేసే అన్యాయాలకు బలైపోయిన తన తండ్రి కోసం ఆమె వించెంజోతో చేతులు కలుపుతుంది. మామూలు చట్టాలతో ఆ పవర్ఫుల్ విలన్లను ఓడించడం కష్టమని తెలిసిన వించెంజో, తన మాఫియా స్టైల్లోనే వాళ్లకు చుక్కలు చూపిస్తాడు. ఒకవైపు గీమ్గా ప్లాజాలోని వింత మనుషుల కామెడీ, మరోవైపు వించెంజో ఇచ్చే క్రూరమైన శిక్షలతో కథ చాలా ఇంట్రెస్టింగ్గా సాగుతుంది. చివరికి అతను ఆ విలన్ల సామ్రాజ్యాన్ని ఎలా కూల్చాడు ? ఆ బంగారాన్ని ఎలా దక్కించుకున్నాడు ? అనే విషయాలను ఈ సిరీస్ ను చూసి తలుసుకోవాల్సిందే.
Share
Air Ambulance Crash: జార్ఖండ్లో ఘోర ప్రమాదం.. కూలిన ఎయిర్ అంబులెన్స్, వారంతా మృతి
Bandi Sanjay: ప్రజా సమస్యలు పట్టవా అంటూ.. సీఎం పై బండి సంజయ్ గరం గరం
