Romantic Movie OTT : హాలీవుడ్ సినిమాలకు ప్రపంచవ్యాప్తంగా ఫ్యాన్స్ ఉన్న సంగతి తెలిసిందే. అయితే ఇక్కడి నుంచి వచ్చే రొమాంటిక్ సినిమాలకు డై హార్ట్ ఫ్యాన్స్ కూడా ఉన్నారు. ఇప్పుడు చెప్పుకోబోయే సినిమా చూస్తే నిజమేనని అనిపిస్తుంది. సినిమా స్టోరీ అలా ఉంటుంది మరి ఇందులో. ఈ సినిమా కథ హెలెన్ అనే విడాకులు తీసుకున్న ఒక యూనివర్సిటీ ప్రొఫెసర్ చుట్టూ తిరుగుతుంది. ఆమె పారిస్లో ఒక మనిషి మీద విపరీతమైన మొహం పెంచుకున్నాక అసలు కథ ఉంటుంది. ఒక స్త్రీ వ్యామోహంతో ఎలా మారుతుందో, ఈ సినిమాలో డైరెక్టర్ డానియల్ అర్బిడ్ చాలా పచ్చిగా చూపించారు.
ఈ ఫ్రెంచ్ రొమాంటిక్ మూవీ పేరు ‘సింపుల్ ప్యాషన్’ (Simple Passion). ఈ సినిమాను ఆనీ ఎర్నాక్స్ అనే రచయిత్రి తన జీవితంలో జరిగిన ఒక యదార్థ సంఘటన ఆధారంగా రాసిన నవల నుండి తీశారు. ఆమెకు 2022లో నోబెల్ బహుమతి కూడా వచ్చింది. హీరోయిన్గా చేసిన లెటిటియా డోష్ తన నటనతో అందరినీ ఆశ్చర్యపరిచింది. ఇక హీరోగా నటించిన సెర్గీ పోలునిన్ నిజానికి ఒక ఫేమస్ బ్యాలెట్ డ్యాన్సర్. అందుకే సినిమాలో అతను చాలా ఫిట్గా, స్టైలిష్గా కనిపిస్తాడు. ప్రస్తుతం ఈ సినిమా ప్రైమ్ వీడియో, ఆపిల్ టివి లో అందుబాటులో ఉంది.
హెలెన్ ఒక యూనివర్సిటీ లో ప్రొఫెసర్ గా ఉంటుంది. అయితే భర్తతో ఆమె విడాకులు తీసుకుని, తన కొడుకుతో ఒంటరిగా ఉంటుంది. ఆమె లైఫ్ మామూలుగా సాగిపోతున్న టైంలో, అలెగ్జాండర్ అనే ఒక రష్యన్ యువకుడు పరిచయం అవుతాడు. అతను చూడటానికి భలే అందంగా, స్టైలిష్గా ఉంటాడు. అతను కూడా పెద్ద ఆఫీసర్ హోదాలో ఉంటాడు. అయితే అతనికి ఆల్రెడీ పెళ్లయిందని తెలిసినా.. హెలెన్ అలెగ్జాండర్ మాయలో పడిపోతుంది. ఇద్దరి మధ్య ఒక రేంజ్లో రొమాన్స్, అఫైర్ మొదలవుతుంది. మెల్లగా హెలెన్కు అతనంటే ఒక అడిక్షన్ లాగా అయిపోతుంది.
అయితే అతను ఎప్పుడు ఫోన్ చేస్తాడా, ఎప్పుడు వచ్చి తన కోరిక తీరుస్తాడా అని పిచ్చిగా ఎదురుచూస్తుంటుంది. అతను మాత్రం అవసరం ఉన్నప్పుడే వచ్చి వెళ్తుంటాడు. ఆఖరికి తన కొడుకును, తన ఉద్యోగాన్ని కూడా పట్టించుకోకుండా.. రోజంతా అతని గురించే ఆలోచిస్తూ టైం వేస్ట్ చేసుకుంటుంది. అతను పిలిస్తే చాలు, అర్ధరాత్రి అయినా సరే అన్ని పనులు వదిలేసి అతను దగ్గరికి పరిగెడుతుంది. ఇక చివరికి ఆ అలెగ్జాండర్ సడన్గా రష్యాకు తిరిగి వెళ్ళిపోతాడు. వాడు వెళ్ళిపోయాక హెలెన్ పరిస్థితి మరీ దారుణంగా తయారవుతుంది. తిండి తిప్పలు మానేసి, అతని జ్ఞాపకాల్లోనే బతుకుతుంటుంది. చివరికి ఈ పిచ్చి నుంచి హెలెన్ బయటపడుతుందా ? ఈ మాయలోనే జీవితం నాశనం చేసుకుంటుందా ? అనే విషయాలను, ఈ సినిమాను చూసి తెలుసుకోవాల్సిందే.
Read Also : రైలు పట్టాలు ఎక్కే మృత్యువు… హైజాకర్ల హైటెక్ విధ్వంసం… ఓటీటీలో ఉత్కంఠ రేపుతున్న సిరీస్
Share
Romantic Drama Series OTT: మదర్ బెస్ట్ ఫ్రెండ్ కూతురితో ప్రేమలో... స్నేహితుడితోనే ప్రేమ పాఠాలు... పక్కా రొమాంటిక్ ఎంటర్టైనర్
Biographical Thriller OTT: అణుబాంబుతో ఆటలాడిన మొనగాడి లైఫ్ స్టోరీ... ఏడు ఆస్కార్లు గెలిచిన అద్భుతం... ఐయండిబిలో 8.2 రేటింగ్
