Adventure Comedy: ఫుల్ ఎంటర్‌టైన్‌మెంట్, కడుపుబ్బా నవ్వించే కామెడీ, అడ్వెంచర్ తో సాగే సినిమాలు ఇష్టపడే వాళ్లకు పర్ఫెక్ట్ ఛాయిస్ ‘ది లాస్ట్ సిటీ’ (The Lost City).ఈ చిత్రం ఆసాంతం నవ్వుల పువ్వులు పూయిస్తుంది. రొమాంటిక్ అడ్వెంచర్ నవలలు రాసే ఒక సక్సెస్‌ఫుల్ లేడీ రైటర్ జీవితంలో అనుకోకుండా జరిగే కొన్ని నాటకీయ పరిణామాల చుట్టూ ఈ కథ చాలా ఫన్నీగా తిరుగుతుంది. మరి ఈ కిరాక్ కామెడీ అడ్వెంచర్ స్ట్రీమింగ్ ఏ ఓటీటీలో అంటే…
పుస్తకాల్లో సాహసాలు, నిధుల వేట గురించి రాసే రచయిత్రి నిజంగానే అలాంటి ప్రమాదకరమైన పరిస్థితుల్లో చిక్కుకుంటే ఎలా ఉంటుంది అనే ఆలోచనతో ఈ సినిమా మొదలవుతుంది. లోరెట్టా సేజ్ ఒక ప్రముఖ రచయిత్రి. పురాతన నగరాలు, రహస్య సమాధులు, విలువైన నిధుల చుట్టూ తిరిగే రొమాంటిక్ అడ్వెంచర్ నవలలు రాస్తుంటుంది. ఆమె పుస్తకాల్లో డాష్ అనే అందమైన సాహసవంతుడైన హీరో పాత్రకు మంచి క్రేజ్ ఉంటుంది. ఆ పాత్రకు పుస్తకాల కవర్‌పై మోడల్‌గా కనిపించేది అలన్. అలన్‌కు తనను తాను నిజ జీవిత హీరోగా నిరూపించుకోవాలనే కోరిక ఉన్నా, నిజంగా ప్రమాదాలు ఎదురైనప్పుడు అతడి ప్రవర్తన మాత్రం నవ్వులు తెప్పిస్తుంది.
తన కొత్త పుస్తకాన్ని ప్రమోట్ చేసేందుకు లోరెట్టా అలన్‌తో కలిసి ప్రమోషన్స్ కు వెళ్తుంది. అక్కడే కథ అనుకోని మలుపు తిరుగుతుంది. అబిగైల్ ఫెయిర్‌ఫాక్స్ అనే ధనవంతుడు ఆమెను కిడ్నాప్ చేయిస్తాడు. లోరెట్టా రాసిన తాజా నవలలోని పురాతన నగరం నిజంగానే ఉందని, దానికి సంబంధించిన రహస్య మార్గం ఆమెకు తెలుసని అతడు నమ్ముతాడు. ఆ నగరంలో ఉన్న విలువైన నిధిని ఎలాగైనా సంపాదించాలని ఆమెను బలవంతంగా దట్టమైన అడవుల్లోకి తీసుకెళ్తాడు. అయితే లోరెట్టా రాసిన కథ కల్పితమా, నిజ జీవితంలో దానికి సంబంధించిన ఆధారాలున్నాయా అనే విషయం అతడు ఆలోచించడు.
మరోవైపు, లోరెట్టా ప్రమాదంలో పడిందని తెలుసుకున్న అలన్ ఆమెను కాపాడటానికి బయలుదేరుతాడు. పుస్తకాల్లో హీరోగా కనిపించే డాష్ పాత్రను తానే నిజ జీవితంలోనూ పోషించగలనని నిరూపించుకోవాలని అనుకుంటాడు. కానీ అతడికి ఎదురయ్యే సవాళ్లు మాత్రం పుస్తకాల్లో ఉన్నంత సులభంగా ఉండవు. దట్టమైన అడవి, ప్రమాదకరమైన పరిస్థితులు, ఎప్పుడేం జరుగుతుందో తెలియని ప్రయాణం… వీటన్నింటి మధ్య అలన్ చేసే ప్రయత్నాలు కామెడీకి దారి తీస్తాయి. లోరెట్టా కూడా తక్కువేం కాదు. తనను కిడ్నాప్ చేసిన వ్యక్తి నుంచి బయట పడటానికి, అలన్‌తో కలిసి అక్కడి నుంచి ఎస్కేప్ అవ్వడానికి ప్రయత్నిస్తుంది. చివరికి ఈ ప్రయాణంలో వాళ్ళు ప్రాణాలతో బయట పడ్డారా లేదా ? అన్నది సినిమాలో చూడాల్సిందే.
హాలీవుడ్ స్టార్స్ శాండ్రా బుల్లక్, చానింగ్ టెటమ్ లీడ్ రోల్స్‌లో నటించిన మూవీ ‘ది లాస్ట్ సిటీ’. జియో హాట్‌స్టార్ (JioHotstar)లో అందుబాటులో ఉంది. ఇంగ్లీష్, హిందీ భాషల్లో చూడవచ్చు. తెలుగు ఆడియో మాత్రం లేదు. ఆడమ్ నీ, ఆరోన్ నీ దర్శకత్వం వహించిన ఈ సినిమాలో అడ్వెంచర్, రొమాన్స్, కామెడీ అన్నీ ఉంటాయి. ఆఫీస్ టెన్షన్ మర్చిపోయి ఫ్యామిలీతో కలిసి నవ్వుకోవాలనుకునే వారికి ఈ అడ్వెంచర్ కామెడీ మంచి ఆప్షన్.
Read Also: ప్రేమించిన అమ్మాయిని వదిలేసి మరో అమ్మాయితో పెళ్లి… మాజీ లవర్ ఎంట్రీతో ట్విస్ట్… లవర్స్ డోంట్ మిస్
Share
మహారాష్ట్ర ఓటర్ల జాబితా వివాదం.. సుప్రీం కోర్టు కీలక నిర్ణయం!
"శరణమా? మరణమా?.. ఇరాన్‌పై డొనాల్డ్ ట్రంప్ సంచలన హెచ్చరిక!
