Science fiction thriller series : ఓటీటీలో అత్యంత ప్రశంసలు పొందిన సైన్స్ ఫిక్షన్ థ్రిల్లర్ సిరీస్ ‘పారడైజ్’. గత ఏడాది ఈ సీజన్ 1 ఎంతటి విజయాన్ని సాధించిందంటే అది అత్యుత్తమ డ్రామా సిరీస్గా ప్రైమ్టైమ్ ఎమ్మీ నామినేషన్ను కూడా పొందింది. ఇక ఇప్పుడు వచ్చిన సీజన్ 2 కూడా అదే ఊపులో ఆడియన్స్ ని ఆకట్టుకుంటోంది. మొదటి సీజన్ ముగింపులోని షాకింగ్ సంఘటనల తర్వాత, ఈ సీజన్ 2 స్టోరీ మొదలవుతుంది.
‘పారడైజ్’ (Paradise) సీజన్ 2, 2026న ఫిబ్రవరి 23న జియో హాట్స్టార్లో స్ట్రీమింగ్ కి వచ్చింది. అయితే ప్రస్తుతం మొదటి మూడు ఎపిసోడ్లు మాత్రమే స్ట్రీమింగ్ అవుతున్నాయి. మొత్తం 8 ఎపిసోడ్లు ఉన్న ఈ సిరీస్ వారానికి ఒకటి చొప్పున విడుదలవుతాయి. ఎపిసోడ్ 1, 2 & 3: ఫిబ్రవరి 23, 2026 విడుదల అవ్వగా, ఎపిసోడ్ 4: మార్చి 2, ఎపిసోడ్ 5: మార్చి 9, ఎపిసోడ్ 6: మార్చి 16, ఎపిసోడ్ 7: మార్చి 23, ఇక చివరిగా ఫైనల్ ఎపిసోడ్ 8 మార్చి 30న విడుదల అవుతుంది. ఈ సీజన్ లో షైలీన్ వుడ్లీ, థామస్ డోహెర్టీ కీలక పాత్రల్లో నటించారు.
కథ స్టార్టింగ్లోనే మన హీరో జేవియర్ కాలిన్స్ బంకర్ నుంచి బయటకు వస్తాడు. అసలు ప్రపంచం అంతా నాశనం అయిపోయిందని అనుకుంటారు కానీ, బయట ఇంకా మనుషులు బ్రతికే ఉన్నారని అతనికి అర్థమవుతుంది. తన భార్య టెరీని వెతుక్కుంటూ జేవియర్ గ్రేస్ల్యాండ్ అనే ప్రాంతానికి చేరుకుంటాడు. అక్కడ అతనికి యానీ అనే అమ్మాయి పరిచయం అవుతుంది. బయటి ప్రపంచం ఎంత ప్రమాదకరంగా ఉందో, అక్కడ బ్రతకడానికి ప్రజలు ఎంతలా కష్టపడుతున్నారో ఈ సీజన్లో క్లియర్ గా చూపించారు.
మరోవైపు బంకర్ లోపల పరిస్థితులు కూడా అస్సలు బాలేవు. లోపల ఉన్న రాజకీయాలు, రహస్యాలు ఒక్కొక్కటిగా బయటకు వస్తుంటాయి. అసలు ఈ బంకర్ వెనుక ఉన్న అసలు ఉద్దేశం ఏంటి? బయట ఉన్న వాళ్లకి, లోపల ఉన్న వాళ్లకి మధ్య ఉన్న సంబంధం ఏంటి? అనేది ఈ సీజన్ మెయిన్ సస్పెన్స్. ముఖ్యంగా అలెక్స్ అనే వ్యక్తిని చంపాలనే కొత్త మిషన్ ఈ స్టోరీకి పెద్ద ట్విస్ట్ ఇస్తుంది. ఆ అలెక్స్ ఎవరో, జేవియర్ తన భార్యను కలుస్తాడో లేదో తెలియాలంటే వచ్చే ఎపిసోడ్స్ చూడాల్సిందే.
Share
Illu Illaalu Pillalu Sreevalli : 'ఇల్లు ఇల్లాలు పిల్లలు' శ్రీవల్లి ఆస్తులు.. ఒక్క రోజుకు రెమ్యూనరేషన్..?
Jagadatri Serials : 'జగదాత్రి' సీరియల్ లో మైండ్ బ్లాక్ అయ్యే ట్విస్ట్.. జనాలను పిచ్చోళ్లను చెయ్యకండి సామీ..
