OTT Movie : దెయ్యాలు, చేతబడుల వంటి సినిమాలకు ఇండోనేషియన్ ఫిల్మ్ ఇండస్ట్రీ బాగా ఫేమస్. ఇక్కడి ప్రేక్షకులు ఎక్కువగా ఇలాంటి సినిమాలను ఆదరిస్తున్నారు. అందుకే ఎక్కడా లేని బ్లాక్ మ్యాజిక్ రిచ్యువల్స్ ఇక్కడి సినిమాలలోనే చూపిస్తుంటారు. ఈ నేపథ్యంలో ఒక ఇండోనేషియన్ సూపర్‌ నాచురల్ హారర్ థ్రిల్లర్ మూవీ ఆడియన్స్ ని బాగా భయపెడుతోంది. ఈ కథ ఒక ఫ్యామిలీ శాపం చుట్టూ తిరుగుతుంది. ఇండోనేషియన్ హారర్ ఫ్యాన్స్‌కి ఇదొక వన్ టైమ్ వాచ్ మూవీ. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే…
‘సోరోప్’ (Sorop) 2024లో వచ్చిన ఇండోనేషియన్ సూపర్‌ నాచురల్ హారర్ థ్రిల్లర్ మూవీ. ఇది ఉపి అవియాంటో దర్శకత్వంలో తెరకెక్కింది. ఇందులో హానా మలాసన్ (హనిఫ్), యాసమిన్ జాసెం (ఇస్తి), ఎగి ఫెడ్లీ (పాక్డే ఖైర్) ప్రధాన పాత్రల్లో నటించారు. ఈ సినిమా 2024 డిసెంబర్ 19న ఇండోనేషియా థియేటర్స్ లో విడుదలైంది. 1 గంట 43 నిమిషాల రన్‌ టైమ్ తో ఐయండిబిలో 5.5/10 రేటింగ్ పొందింది. Netflix, Plexలో ఈ సినిమా అందుబాటులో ఉంది.
హనిఫ తన చెల్లి ఇస్తి తో కలసి జకార్తాలో ఉంటుంది. ఒక రోజు వాళ్ల అంకుల్ పాక్డే ఊర్లో చనిపోయాడని ఫోన్ వస్తుంది. ఇక వారసత్వంగా ఇళ్ళు, భూమి వాళ్లకే వచ్చేస్తాయి. ఇద్దరూ కలసి ఊరు వెళ్తారు. కానీ ఆ ఊరును చూడగానే వీళ్ళకి భయం వేస్తుంది. చీకటి అయ్యాక పిల్లలు బయటకు రాకూడదని, రెడ్ బుక్‌లో రాసిన “సోరోప్” అనే రిచ్యువల్ ఫాలో అవ్వాలని ఊరి పెద్దలు వీళ్ళకు చెబుతారు. ఇక ఇంట్లోకి వెళ్ళాక మొదటి రాత్రే అంకుల్ ఖైర్ గోస్ట్‌లా కనిపిస్తాడు. ఆ ఘోస్ట్ నోటి నుంచి మట్టి వాంతి చేసుకున్నట్లు కనిపిస్తుంది. ఈ సీన్ చూసి ఇస్తి భయపడి ఏడుస్తుంది. హనిఫ ధైర్యంగా దీని సీక్రెట్ తెలుసుకోవాలనుకుంటుంది. ఇంట్లో ఒక పాత రెడ్ బుక్ దొరుకుతుంది. అందులో ఫాస్టింగ్, రాత్రి బయటకు రాకూడదు, ఎవరైనా చనిపోతే వాళ్ల శరీరంలో మట్టి నింపి కాల్చివేయాలి అనే రిచ్యువల్ రూల్స్ ఉంటాయి. అంకుల్ ఖైర్ ఈ రూల్స్ పాటించకుండా చనిపోయాడని తెలుస్తుంది. అందుకే అతని ఆత్మ ఇప్పుడు దుష్ట ఆత్మగా మారింది. ఇద్దరూ భయపడి ఊరు వదిలి వెళ్లాలనుకుంటారు. కానీ ఆస్తి పేపర్స్ కోసం ఇంకో రెండు రోజులు ఉండాల్సి వస్తుంది.
Read Also : అమ్మాయిల వరుస హత్యలు… ఆ పార్ట్స్ కోసి చంపే సైకో… బ్రూటల్ మర్డర్ మిస్టరీ
Share
Bihar: బీహార్‌ రాజకీయ ముఖ చిత్రం.. నితీష్ ‘పల్టీల’ ప్రస్థానం!
Balakrishna: సెకండ్ ఇన్నింగ్స్ అనే పదం నా డిక్షనరీలోనే లేదు: బాలకృష్ణ
