Spanish Horror Thriller: లావుగా ఉందనే ఒక్క కారణంతో అందరి ముందు అవమానాలు… రోజూ ఎగతాళి చేస్తూ మెంటల్ టార్చర్… ఇలా తనను ఏడిపించిన అమ్మాయిలే ఓ రోజు ప్రాణాలు పోయే స్థితిలో చిక్కుకుపోతే, సారాకు అది ప్రతీకారం తీర్చుకునే అవకాశంలా కనిపిస్తుంది. వాళ్లను కిడ్నాప్ చేసిన వ్యక్తి గురించి తెలిసినా, అతడిని ఆపేందుకు ఆమె ముందుకొస్తుందా లేదా అన్నది ఈ సినిమాలో ఉత్కంఠభరితంగా ఉంటుంది. బాడీ షేమింగ్‌ తో మొదలై, ఓ యువతి తీసుకునే నిర్ణయం చుట్టూ భయంకరమైన మలుపులు తిరిగే కథే ‘పిగ్గీ’ (Piggy). మరి ఈ సినిమా ఏ ఓటీటీలో స్ట్రీమింగ్ అవుతోంది ? స్టోరీ ఏంటి ? అనేది తెలుసుకుందాం.
సారా ఓ టీనేజ్ అమ్మాయి. ఆమె శరీరం లావుగా ఉందనే కారణంతో కొంతమంది అమ్మాయిలు తరచూ ఎగతాళి చేస్తుంటారు. ముఖ్యంగా స్విమ్మింగ్ పూల్ దగ్గర ఆమెను అందరి ముందూ అవమానిస్తారు. ఆమె బట్టలు తీసుకుని దాచి పెట్టి, బికినీలోనే ఇంటికి వెళ్లాల్సిన పరిస్థితి కల్పిస్తారు. ఇలాంటి అవమానాలు సారాకు కొత్తేమీ కాదు. అయినా ప్రతిసారీ మనసులో బాధపడుతూ వాటిని భరిస్తుంటుంది. ఓ రోజు తనను వేధించిన అమ్మాయిల నుంచి తప్పించుకుని ఇంటికి వెళ్తున్న సారాకు అనుకోని సంఘటన ఎదురవుతుంది.
ఆ అమ్మాయిలను ఓ అపరిచిత వ్యక్తి కిడ్నాప్ చేయడం ఆమె చూస్తుంది. తనను ఇబ్బంది పెట్టిన వాళ్లకు ఇలా జరగడం చూసి సారా షాక్ అవుతుంది. అయితే వాళ్లను కాపాడేందుకు వెంటనే ముందుకు వెళ్లదు. తనను అవమానించిన వాళ్లపై ఉన్న కోపం ఒకవైపు, అక్కడ జరుగుతున్నది చూసి కలిగిన భయం మరోవైపు ఆమెను ఆపుతాయి. ఆ తర్వాత పోలీసులు ఈ ఘటనపై విచారణ మొదలు పెడతారు. సారాకు తెలిసిన విషయాలు చెప్పాలని అడుగుతారు. కానీ ఆమెకు ఓ పెద్ద సమస్య ఎదురవుతుంది.
తనను వేధించిన అమ్మాయిలను తీసుకెళ్లిన వ్యక్తి తనకు సహాయం చేసినట్టుగా కూడా అనిపిస్తుంది. అతడి గురించి నిజం చెప్పాలా, మౌనంగా ఉండాలా అనే సందిగ్ధంలో పడుతుంది. తాను ఎదుర్కొన్న అవమానాలు, ఇప్పుడు జరుగుతున్న కిడ్నాప్, తన నిర్ణయం వల్ల వచ్చే పరిణామాలు… ఇవన్నీ సారాను వెంటాడుతుంటాయి. ఆమె నిజం చెబుతుందా ? ఆ అపరిచిత వ్యక్తి వెనుక ఉన్న అసలు విషయం ఏంటి ? చివరికి ఏమవుతుంది ? అన్నది తెలియాలంటే సినిమాను చూడాల్సిందే.
‘పిగ్గీ’ 2022లో విడుదలైన స్పానిష్ హారర్ థ్రిల్లర్. లారా గాలాన్ (Laura Galán), రిచర్డ్ హోమ్స్ (Richard Holmes), కార్మెన్ మాచి (Carmen Machi) ప్రధాన పాత్రల్లో నటించారు. కార్లోటా పెరెడా (Carlota Pereda) దర్శకత్వం వహించారు. ప్రస్తుతం అమెజాన్ ప్రైమ్ వీడియోతో పాటు Jio Hotstarలో కూడా అందుబాటులో ఉంది. ఇంగ్లీష్ డబ్ వెర్షన్ ఉంది. అయితే తెలుగు ఆడియో లేదా సబ్‌టైటిల్స్ మాత్రం లేవు. సైకలాజికల్ హారర్ కథలు ఇష్టపడేవారు ఈ సినిమాను అస్సలు మిస్ అవ్వొద్దు.
Share
స్మార్ట్‌వాచ్‌ vs ఫిట్‌నెస్ బ్యాండ్.. రెండింటిలో ఫీచర్లు ఒకటేనా? ఏది కొంటే మన డబ్బులు వృధా కావు?
ఇదేనా ప్రజాపాలన.. బతుకమ్మ పండగల వేళ ఆర్టీసీ ఛార్జీలు పెంపు, హరీశ్‌రావు ఆగ్రహం
