Spy Thriller Movie on OTT : ఒక పక్కా మైండ్ గేమ్ స్పై థ్రిల్లర్ ఓటీటీలో స్ట్రీమింగ్ లో ఉంది. జేమ్స్ బాండ్ సినిమాల్లాగా తుపాకులతో కాల్చుకోవడం, కార్లు ఎగరేయడం లాంటివి ఇందులో ఉండవు. అయితే కూర్చున్న చోటే ఒకరినొకరు మాటలతో నరుక్కుంటారు. ఒక విమానం హైజాక్ ఉదంతంలో ఈ స్టోరీ ఉంటుంది. సినిమా అంతా సీరియస్గా సాగుతూ, క్లైమాక్స్లో ఇచ్చే ట్విస్ట్ మాత్రం దిమ్మతిరిగిపోయేలా ఉంటుంది. గూఢచారి లోకంలో ప్రేమ కంటే డ్యూటీయే ముఖ్యం అని చెప్పే ఒక క్లాస్ థ్రిల్లర్ ఇది. మీరు యాక్షన్ కంటే ఎక్కువగా మైండ్ గేమ్స్, పాతకాలపు గూఢచారి కథలను ఇష్టపడేవారైతే ఈ సినిమా మీకు బాగా నచ్చుతుంది.
2022లో వచ్చిన ఈ అమెరికన్ స్పై థ్రిల్లర్ సినిమా పేరు ‘ఆల్ ది ఓల్డ్ నైవ్స్’ (All the Old Knives). జానస్ మెట్జ్ దీనికి దర్శకత్వం వహించారు. చిత్రం ప్రముఖ రచయిత ఓలెన్ స్టెయిన్హౌర్ రాసిన నవల ఆధారంగా రూపొందించబడింది, ఆయనే స్వయంగా దీనికి స్క్రీన్ప్లే కూడా రాశారు. ఇందులో క్రిస్ పైన్, తండివే న్యూటన్, జోనాథన్ ప్రైస్, లారెన్స్ ఫిష్బర్న్ లీడ్ రోల్స్ లో నటించారు. నడులో సాధారణ స్పై సినిమాల్లాగా భారీ యాక్షన్ సీక్వెన్స్లు, ఛేజింగ్లు ఉండవు. ఇద్దరు వ్యక్తుల మధ్య జరిగే మైండ్ గేమ్స్ ద్వారా కథ ముందుకు సాగుతుంది. సినిమాలోని ఎక్కువ భాగం ఒకే రెస్టారెంట్లో జరుగుతున్నట్లు అనిపించినా, లండన్ వంటి ప్రదేశాల్లోని ఫ్లాష్బ్యాక్ దృశ్యాలు ప్రేక్షకులకు ఒక క్లాసిక్ గూఢచారి కథను చూస్తున్న అనుభూతిని కలిగిస్తాయి. ముఖ్యంగా క్రిస్ పైన్, తండివే న్యూటన్ మధ్య వచ్చే సన్నివేశాలు చాలా ఉత్కంఠభరితంగా ఉంటాయి. ఇది ప్రస్తుతం ప్రైమ్ వీడియో (Prime Video) లో అందుబాటులో
2012లో వియన్నాలో ఒక విమానం హైజాక్ అవుతుంది. ఆ సమయంలో ఉగ్రవాదుల నుంచి ప్రయాణికులను రక్షించడంలో సీఐఏ (CIA) విఫలమవుతుంది. అయితే సీఐఏలోని ఎవరో ఒకరు ఉగ్రవాదులకు లోపల ఏం జరుగుతుందో సమాచారం ఇచ్చారని, ఆ ద్రోహం వల్లే వందల మంది చనిపోయారని ఎనిమిదేళ్ల తర్వాత అనుమానం వస్తుంది. ఆ ద్రోహి ఎవరో కనిపెట్టే బాధ్యతను ఏజెంట్ హెన్రీ పెల్హామ్ (క్రిస్ పైన్)కు అప్పగిస్తారు అధికారులు.హెన్రీ తన విచారణలో భాగంగా తన పాత ప్రేమికురాలు, మాజీ సహోద్యోగి అయిన సెలియా (తండివే న్యూటన్)ను కలవడానికి కాలిఫోర్నియా వెళ్తాడు. అప్పటికే సెలియా ఏజెంట్ వృత్తిని వదిలేసి పెళ్లి చేసుకుని సెటిల్ అయి ఉంటుంది.
ఒక రెస్టారెంట్లో డిన్నర్ చేస్తూ ఇద్దరూ పాత విషయాలను మాట్లాడుకుంటారు. హెన్రీ తన మాటలతో సెలియాను ఇరికించి, ఆ రోజు హైజాక్ సమయంలో ఆమె చేసిన పనుల గురించి ఆరా తీస్తాడు. ఆ డిన్నర్ టేబుల్ సంభాషణే సినిమాకు మెయిన్ హైలైట్. సినిమా చివరిలో వచ్చే ట్విస్ట్ అసలు ఊహించని విధంగా ఉంటుంది. ఆ రోజు ద్రోహం చేసింది సెలియా అని హెన్రీ నమ్ముతాడు, కానీ అసలు నిజం వేరేలా ఉంటుంది. సెలియాను రక్షించడం కోసం హెన్రీనే ఆ రోజు సమాచారాన్ని లీక్ చేశాడని బయటపడుతుంది. చివరకు హెన్రీ ప్రాణాలకు ముప్పు పొంచి ఉన్నా సరే, ప్రేమ కోసం అతను చేసిన ఆ తప్పు అతన్ని ఎలాంటి ముగింపుకు తీసుకెళ్లిందనేదే ఈ సినిమా క్లైమాక్స్.
Read Also : పారానార్మల్ ఇన్వెస్టిగేషన్ చేస్తూ తప్పిపోయిన సోదరి… యూట్యూబర్ తీసిన అద్భుతమైన హారర్ మిస్టరీ
Share
Debjani Modak : సత్యభామ ఆస్తులు ఎన్ని కోట్లు..? ఒక్కరోజు రెమ్యూనరేషన్ ఎంతంటే..?
Brahmamudi Serial Today Episode May 13th ‘బ్రహ్మముడి’ సీరియల్: చలపతి, లక్మీలను కలిసిన అపర్ణ 
