Spy Thriller OTT : అబ్బురపరిచే ఒక స్పై థ్రిల్లర్ మూవీ ఓటీటీలో టాప్ రేటింగ్ తో నడుస్తోంది. ఈ సినిమా ఇటీవల వచ్చిన ‘దురంధర్’ ఈ సినిమా మరిపిస్తుంది కూడా. ఇది రియల్ స్టోరీ ఆధారంగా తెరకెక్కిన సినిమా. బాక్సాఫీస్ దగ్గర సూపర్ హిట్ అయిన ఈ మూవీ ఆస్కార్ ను కూడా గెలుచుకుంది. ఒక గూఢచారి చుట్టూ ఈ కథ తిరుగుతుంది. 2 గంటల 21 నిమిషాల నిడివి గల ఈ సినిమా నిజంగా ఒక అద్భుతం. స్పై థ్రిల్లర్ల ఫ్యాన్స్ అయితే, దీన్ని తప్పకుండా చూడాల్సిందే.
ఈ స్పై థ్రిల్లర్ మూవీ పేరు ‘బ్రిడ్జ్ ఆఫ్ స్పైస్’ (Bridge of Spies). ఈ చిత్రానికి స్టీవెన్ స్పీల్బర్గ్ దర్శకత్వం వహించారు. ఇందులో టామ్ హాంక్స్ (జేమ్స్ డోనోవన్), మార్క్ రైలాన్స్ (రుడాల్ఫ్ అబెల్) నటించారు. 2015లో ప్రపంచవ్యాప్తంగా విడుదలైన ఈ సినిమా 1400 కోట్లు వసూలు చేసింది. ఈ సినిమా బడ్జెట్ సుమారుగా 330 కోట్లు. అయితే పెట్టుబడికి నాలుగు రెట్లు ఎక్కువగానే వసూలు చేసింది బాక్సాఫీస్ వద్ద. ఈ సినిమా 2016లో ఉత్తమ సహాయ నటుడు, ఉత్తమ చిత్రం, ఉత్తమ సౌండ్ మిక్సింగ్, ఉత్తమ ఒరిజినల్ స్క్రీన్ప్లే, ఉత్తమ ఒరిజినల్ స్కోర్ అనే ఆరు ఆస్కార్ విభాగాలలో నామినేట్ అయింది. అయితే ఈ చిత్రం ఉత్తమ సహాయ నటుడి కేటగిరిలో (మార్క్ రైలాన్స్) అవార్డును గెలుచుకుంది. ఇది IMDbలో 7.6 రేటింగ్ తో అమెజాన్ ప్రైమ్ వీడియోలో అందుబాటులో ఉంది.
1962 నాటి కాలంలో అమెరికా, రష్యాల మధ్య పచ్చగడ్డి వేస్తే భగ్గుమనేలా యుద్ధం జరుగుతుండేది. ఆ టైంలో అమెరికాలో ఒక రష్యా గూఢచారి దొరికిపోతాడు. అందరూ అతన్ని ఉరి తీయాలని గోల చేస్తుంటే, హీరో జేమ్స్ డోనోవన్ అనే లాయర్ మాత్రం అతడికి మరణశిక్ష పడకుండా జైలు శిక్ష పడేలా చేస్తాడు. దీనివల్ల జనం అతన్ని తిట్టుకున్నా తను మాత్రం తగ్గడు. కట్ చేస్తే.. ఆ తరువాత రష్యాలో ఒక అమెరికా పైలట్ విమానంతో సహా దొరికిపోతాడు. ఇప్పుడు అమెరికాకి తమ పైలట్ కావాలి, రష్యాకి వాళ్ళ గూఢచారి కావాలి.
ఇక ఈ ఇద్దరినీ మార్చుకోవడానికి మధ్యవర్తిగా హీరో డోనోవన్ను పంపిస్తారు. అప్పట్లో బెర్లిన్ గోడ కడుతున్న టైం కాబట్టి అక్కడి పరిస్థితులు చాలా గందరగోళంగా ఉంటాయి. పైగా రష్యన్లు, జర్మన్లు ఒకేసారి ఇద్దరు అమెరికన్లను బందీలుగా పట్టుకుంటారు. దీంతో ఒక్కడిని ఇచ్చి ఇద్దరిని తీసుకురావాలని హీరో ప్లాన్ చేస్తాడు. ప్రభుత్వం మాత్రం పైలట్ వస్తే చాలు అంటుంది. కానీ హీరో మాత్రం మొండిగా పంతం పట్టి, తన తెలివితేటలతో అటు రష్యన్లను, ఇటు జర్మన్లను ఒప్పించి.. ముగ్గురినీ క్షేమంగా తమ దేశాలకు వెళ్ళేలా చేసి రియల్ హీరో అనిపించుకుంటాడు.
Read Also : అనంత సముద్రంలో అదిరిపోయే సాహసం… 16 ఏళ్ల అమ్మాయి ఏడు నెలలు ఒంటరిగా…
Share
Horror thriller OTT : థియేటర్లో ఆడియన్స్ ను వణికించిన తమిళ హారర్ థ్రిల్లర్ ఓటీటీలోకి... గర్ల్ ఫ్రెండ్ మిస్సింగ్ తో గగుర్పొడిచే మిస్టరీ
Karthika Deepam 2: సీరియల్ లవర్స్ కు మంచి కిక్ ఇచ్చే న్యూస్.. డాక్టర్ బాబు ఫ్యాన్స్ ఫిదా..!
