Biopic Movie OTT : రియల్ స్టోరీ ఆధారంగా వచ్చిన ఒక మూవీ ప్రేక్షకులలో ఉత్సాహాన్ని నింపింది. ఒంటరిగా 16 ఏళ్ల వయసులో సముద్రాన్ని చుట్టిన ఒక అమ్మాయి చుట్టూ ఈ సినిమా తిరుగుతుంది. ఆస్ట్రేలియాకు చెందిన జెస్సికా వాట్సన్ అనే అమ్మాయి, 2009లో చేసిన సాహస యాత్ర ఆధారంగా ఈ సినిమా తీశారు. జెస్సికా తన 16వ ఏట, 210 రోజుల పాటు ఒంటరిగా సముద్రంలో ప్రయాణించి ప్రపంచాన్ని చుట్టి వచ్చింది. 2010 మే 15న ఆమె సిడ్నీ హార్బర్‌కు చేరుకున్నప్పుడు వేలాది మంది ప్రజలు ఆమెకు స్వాగతం పలికారు. అయితే ప్రయాణం మొదలుపెట్టక ముందు ఆమెను చాలా మంది ఇది నువ్వు చెయ్యలేవు అని నిరుత్సాహపరిచారు. అయితే ఆమె చివరికి అందరి నోర్లు మూయించింది. ఆమె తిరిగి వచ్చాక అప్పటి ఆస్ట్రేలియా ప్రధాన మంత్రి కెవిన్ రడ్ ఆమెను ‘ఆస్ట్రేలియా కొత్త హీరో’ అని కొనియాడారు
ఈ ఆస్ట్రేలియన్ బయోపికల్ డ్రామా సినిమా పేరు ‘ట్రూ స్పిరిట్’ (True Spirit). ఇది అత్యంత చిన్న వయసులో (16 ఏళ్లు) ప్రపంచాన్ని ఒంటరిగా చుట్టి వచ్చిన జెస్సికా వాట్సన్ అనే అమ్మాయి నిజ జీవిత కథ ఆధారంగా రూపొందింది. ఇందులో టెగన్ క్రాఫ్ట్ (జెస్సికాగా) ప్రధాన పాత్రల్లో నటించారు. ఈ సినిమా నెట్‌ఫ్లిక్స్ (Netflix)లో అందుబాటులో ఉంది.
జెస్సికా అనే పదహారేళ్ల పిల్లకు చిన్నప్పటి నుంచే సముద్రం అంటే పిచ్చి. లోకమంతా తలకిందులైనా సరే, ఒక్కతే పడవ వేసుకుని ప్రపంచం మొత్తం చుట్టి రావాలని ఫిక్స్ అయిపోద్ది. అంత చిన్న పిల్లవి నీవల్ల కాదు, సముద్రం అంటే ఆటలు కాదని అందరూ భయపెట్టినా, ఆ పిల్ల మాత్రం వెనక్కి తగ్గదు. తన పడవకి పింక్ రంగు వేసుకుని, ఇంట్లో వాళ్లని ఒప్పించి ఒంటరిగా ప్రయాణం మొదలుపెడుతుంది. ఇక సముద్రం మధ్యలోకి వెళ్ళాక అసలు సినిమా మొదలవుతుంది. ఆకాశమంత ఎత్తున లేచే రాకాసి అలలు, భయంకరమైన తుపాన్లు ఆ పడవను ఫుట్‌బాల్ ఆడుకున్నట్టు ఆడుకుంటాయి.
కొన్నిసార్లు పడవ నీళ్లలో మునిగిపోయి ప్రాణాలు పోయే పరిస్థితి వస్తుంది. పైగా నెలల తరబడి మనుషులు కనిపించక, మాట్లాడటానికి ఎవరూ లేక పిచ్చి పట్టినంత పని అవుతుంది. కానీ జెస్సికా మాత్రం మొండిగా ముందడుగు వేస్తుంది. చివరికి 210 రోజుల పాటు చావుతో పోరాడి, అన్ని అడ్డంకులను తొక్కుకుంటూ క్షేమంగా ఒడ్డుకు చేరుకుంటుంది. తనని తక్కువ అంచనా వేసిన వాళ్లందరి నోళ్లు మూయించి, అతి చిన్న వయసులో ప్రపంచాన్ని చుట్టేసిన వీరనారిగా రికార్డు సృష్టిస్తుంది.
Read Also : ఓటీటీలో దుమ్ము దులుపుతున్న కొరియన్ సిరీస్… 8 కి పైగా రేటింగ్ తో… మైండ్ బ్లాక్ చేసే ఒక్కో ఎపిసోడ్
Share
Kevin Pietersen: లలిత్ మోడీ పెద్ద దుర్మార్గుడు, డ‌బ్బుల ఆశ‌చూపి, ఇంగ్లాండ్ కు దూరం చేశాడు !
Budget Electric Bikes: రివోల్ట్ To ఓలా రోడ్‌ స్టర్.. బెస్ట్ బడ్జెట్ ఎలక్ట్రిక్ బైక్స్ ఇవే!
