Suriya films on OTT : ఈ సంవత్సరం సూర్య నటించిన ‘కరుప్పు’ సినిమా కోసం ఆడియన్స్ ఆసక్తిగా ఎదురుచూస్తున్నారు. ఈ సినిమా థియేటర్లలోకి వస్తున్న సందర్భంలో అంతకంటే ముందు ఓటీటీ ప్లాట్ఫామ్లలో కనీసం ఒక్కసారైనా చూడవలసిన సూర్య సినిమాలపై ఓ లుక్ వేద్దాం పదండి.
సూర్య, అసిన్, నయనతార నటించిన ఈ సినిమా ఒక సంచలనం. దర్శకుడు AR మురుగదాస్ తీసిన ఈ యాక్షన్ థ్రిల్లర్ సన్ఎన్ఎక్స్టిలో అందుబాటులో ఉంది. సూర్య కెరీర్ ప్రారంభంలో వచ్చిన అత్యంత వినోదాత్మక చిత్రాలలో ఒకటిగా ఇది నిలిచిపోయింది. ఈ చిత్రం ఒక ధనవంతుడైన వ్యాపారవేత్త సంజయ్ రామస్వామి చుట్టూ తిరుగుతుంది. అతను తన ప్రియురాలిని కాపాడటానికి ప్రయత్నిస్తూ తలకు గాయం కావడంతో ప్రతి 15 నిమిషలకి జ్ఞాపక శక్తి కోల్పోతాడు. సంజయ్ ఆమె మరణానికి ప్రతీకారం తీర్చుకోవడానికి గజనీలా ప్రయత్నిస్తాడు.
సూర్య, ప్రభు, తమన్నా భాటియా నటించిన ఈ సినిమాని, దర్శకుడు కె.వి. ఆనంద్ దర్శకత్వంలో వచ్చింది. ఈ యాక్షన్ థ్రిల్లర్ సన్ఎన్ఎక్స్టిలో ఉంది. దివంగత కె.వి. ఆనంద్ రూపొందించిన ఈ గ్రిప్పింగ్ యాక్షన్ థ్రిల్లర్లో మరోసారి హారిస్ జయరాజ్ అద్భుతమైన సౌండ్ట్రాక్ను అందించారు. కంప్యూటర్ సైన్స్లో పోస్ట్ గ్రాడ్యుయేట్ అయిన దేవా తన తండ్రి స్నేహితుడు దాస్కు సహాయం చేయడానికి స్మగ్లింగ్లో పాల్గొనే కథతో ‘అయాన్’ సినిమా ఉంటుంది.
సూర్య, అనుష్క శెట్టి , ప్రకాష్ రాజ్ నటించిన ఈ సినిమా హరి దర్శకత్వంలో రూపొందింది. ఈ యాక్షన్ థ్రిల్లర్ సన్ఎన్ఎక్స్టిలో అందుబాటులో ఉంది. మాస్ సీన్స్ తో పాటు, పంచ్ డైలాగ్లతో నిండిన యాక్షన్-ప్యాక్డ్ చిత్రం కోసం చూస్తున్నట్లయితే, ‘సింగం’ బెస్ట్ సజేషన్. సూర్య 25వ చిత్రంగా రూపొందిన ఈ చిత్రంలో ఆయన పవర్ ఫుల్ పోలీసు అధికారి పాత్రలో కనిపించారు. ఈ చిత్రం తమిళనాడులోని ఒక గ్రామానికి చెందిన సబ్-ఇన్స్పెక్టర్ దురై సింగం అనే నిజాయితీపరుడైన పోలీసు అధికారి చుట్టూ తిరుగుతుంది. ఇందులో చెన్నైకి చెందిన గ్యాంగ్స్టర్ మయిల్ వాగనంతో సింగంకి శత్రుత్వం పెరుగుతుంది. ఆ గ్యాంగ్స్టర్ ఆరాచకాలకు ఎలా అడ్డుకట్ట వేశాడానేదే ఈ కథ.
సూర్య, అపర్ణ బాలమురళి నటించిన ఈ సినిమా సుధ కొంగర డైరెక్షన్ లో తెరకెక్కింది. అమెజాన్ ప్రైమ్ వీడియోలో ఇది అందుబాటులో ఉంది. ఈ చిత్రం భారత వైమానిక దళ మాజీ అధికారి అయిన నేదుమారన్ రాజంగం (మారా) కథను చూపిస్తుంది. అతను సామాన్యులకు సరసమైన విమాన ప్రయాణాన్ని అందించే విమానయాన సంస్థను సృష్టించాలని కలలు కంటాడు. అతను ఆర్థిక అడ్డంకులను ఎలా అధిగమించాడనేది ఈ కథ కళ్ళకు కట్టినట్లు చూపిస్తుంది.
సూర్య , లిజోమోల్ జోస్, మణికందన్, రజిషా విజయన్, ప్రకాష్ రాజ్ నటించిన ఈ లీగల్ డ్రామా సినిమాకి టిజె జ్ఞానవేల్ దర్శకత్వంలో తెరకెక్కింది. ఇది అమెజాన్ ప్రైమ్ వీడియోలో అందుబాటులో ఉంది. ఈ కథ1993లో కడలూరులో జరిగిన వాస్తవ సంఘటనల ఆధారంగా రూపొందింది. జై భీమ్, గిరిజనుల అణచివేతను వెలుగులోకి తెచ్చే ఒక శక్తివంతమైన కథ. ఈ చిత్రం న్యాయవాది కె. చంద్రు చుట్టూ తిరుగుతుంది. అతను సెంగెని అనే గర్భిణీ గిరిజన మహిళ తన భర్త రాజకన్ను కోసం వెతుకుతున్న కేసును తీసుకుంటాడు. రాజకన్నుపై తప్పుడు ఆరోపణలు చేసి అరెస్టు చేసిన తర్వాత, అతను కనిపించకుండా పోతాడు. పోలీసులు మాత్రం అతను తప్పించుకున్నాడని ఆరోపిస్తారు. ఈ అన్యాయాన్ని బయటపెట్టే క్రమంలో స్టోరీ ఉంటుంది.
Share
Gundeninda GudiGantalu Today episode: మీనా పై రోహిణికి అనుమానం.. రవికి నిజం చెప్పిన శృతి.. ఇంట్లో బాంబ్ పేల్చిన బాలు..
Family Suicide: హైదరాబాద్లో తీవ్ర విషాదం.. ఒకే ఇంట్లో నలుగురు ఆత్మహత్య.. కారణం ఏంటి?
