Suspense Thriller OTT : మలయాళంలో ఎన్నో అద్భుతమైన సినిమాలు ఉన్నాయి. ఇప్పటికే చాలా వరకు చూశాం కదా అనుకుంటున్నారేమో. కానీ వెతికి వెలికి తీయాలేగానీ, మీరు చూడని ఆణిముత్యాలు ఎన్నో. అలాంటి ఓ అద్భుతమైన మూవీనే ఈరోజు మన మూవీ సజెషన్. మైండ్ ను మడతబెట్టే ట్విస్టులతో సాగే ఈ మూవీని ఏ ఓటీటీలో చూడవచ్చు ? స్టోరీ ఏంటి ? అనే వివరాలను తెలుసుకుందాం పదండి.
సైకలాజికల్ థ్రిల్లర్స్, అందులోనూ మలయాళం సినిమాలను ఇష్టపడే వాళ్లకి ఇప్పుడు మనం చెప్పుకోబోయే మూవీ ఒక జెమ్ లాంటిది. ఈ మూవీ పేరు ‘పుజు’ (Puzhu). 2022లో రతీనా పీటీ డెబ్యూ డైరెక్షన్‌లో తెరకెక్కింది. ఈ మూవీలో మమ్మూట్టి, పార్వతి తిరువోతు హీరోహీరోయిన్లుగా నటించారు. 2 గంటల 1 నిమిషం రన్‌టైమ్ ఉన్న ఈ మూవీ 2022 మే 13న సోనీ లివ్ (Sony Liv)లో డైరెక్ట్ ఓటీటీ రిలీజ్ అయింది. క్రిటిక్స్ నుండి ప్రశంసలు అందుకోవడమే కాదు, హీరో మమ్మూట్టిని ఈ మూవీకి గానూ బెస్ట్ యాక్టర్ అవార్డ్ వరించింది. ఈ డార్క్ థ్రిల్లర్ ను వే ఆర్ ది సైలెంట్ ప్రొడక్షన్స్ బ్యానర్‌పై సురేష్ రాజన్, సి.వి. సారథి సంయుక్తంగా నిర్మించారు. ఇందులో మమ్మూట్టి, పార్వతి తిరువోతుతో పాటు అప్పుని శశి, వాసుదేవ్ సజీష్ మారార్, మాలప్పురం కోయా, ఇంద్రన్స్ తదితరులు నటించారు.
Read Also : రొమాన్స్ నుంచి క్రైమ్ -కామెడీ వరకు… జనవరిలో రిలీజ్ కాబోతున్న కొరియన్ సినిమాలు, సిరీస్ లు ఇవే…
ఈ సినిమా కథ అంతా కుట్టన్ (మమ్మూట్టి) అనే వ్యక్తి చుట్టూ తిరుగుతుంది. అతనొక మాజీ పోలీస్ ఆఫీసర్. భార్య చనిపోతుంది. ఆ తర్వాత కొడుకు కిచుతో అందరికీ దూరంగా నివశిస్తాడు. అయితే కుట్టన్ సిస్టర్ భారతి (పార్వతి తిరువోతు) కేపీ అనే ఒక లోయర్ కాస్ట్ కి చెందిన వ్యక్తిని ప్రేమ పెళ్లి చేసుకుంటుంది. దీంతో భారతిని కుట్టన్ ఫ్యామిలీ దూరం పెడుతుంది. కానీ తరువాత అనుకోకుండా తన భర్తతో కలిసి కుట్టన్ ఉంటున్న ఫ్లాట్ లోకి రెంట్ కి దిగుతారు. ఇక ఆ తరువాత కుట్టన్ ఫ్యామిలీ ని కంట్రోల్ చేయడానికి తెగ ప్రయత్నిస్తాడు. కొడుకుతో డిసిప్లిన్ పేరుతో కఠినంగా వ్యవహరిస్తాడు. అది తనకు నచ్చకపోయినా, భయంతో సైలెంట్ గా ఉండిపోతాడు కిచు. ఈ నేపథ్యంలోనే కుట్టన్ ను చంపడానికి ఎవరో ట్రై చేస్తూ ఉంటారు. మరి ఇంతకీ కుట్టన్ ను చంపాలి అనుకున్నది ఎవరు ? సిస్టర్ ను అతను చేరదీశాడా లేదా ? చివరికి ఏమైంది ? కన్న కొడుకునే తన తండ్రి చనిపోవాలని ఎందుకు అనుకుంటాడు ? కుట్టన్ కు ఉన్న జబ్బు ఏంటి ? అన్నది మూవీని చూసి తెలుసుకోవాల్సిందే.
Share
Hair Wash: వారానికి ఎన్ని సార్లు తలస్నానం చేయాలి ? నిజం తెలుసుకోండి
Crime Thriller OTT : మనిషిని ముక్కలుముక్కలుగా కట్ చేసి... 'దృశ్యం'ను మించిన ట్విస్టులున్న క్రైమ్ డ్రామా
