Suspense thriller OTT : ఓటీటీలో నియో-నోయిర్’ శైలిలో ఒక మూవీ స్ట్రీమింగ్ లో ఉంది. సుమారు 1 గంట 29 నిముషాల రన్టైమ్ తో ఉత్కంఠ కలిగించే మలుపులు ఎక్కువగా ఉంటాయి ఈ సినిమాలో. ఈ సినిమాను కేవలం 8 రోజుల తక్కువ సమయంలో తీసినా, దీని మేకింగ్, విజువల్స్ చాలా నాణ్యంగా ఉన్నాయని విమర్శకుల నుంచి ప్రశంసలు దక్కాయి కూడా. ఈ కథ పీటర్ మోస్లీ అనే ఒక మాజీ పోలీస్ డిటెక్టివ్ చుట్టూ తిరుగుతుంది. తన దగ్గరకు సహాయం కోసం వచ్చిన ఒక మహిళ వల్ల ఊహించని కుట్రల్లో చిక్కుకుంటాడు. క్లైమాక్స్ వరకు సినిమా కుర్చీలో కట్టిపడేస్తుంది.
ఈ నియో నోయిర్ క్రైమ్ థ్రిల్లర్ సినిమా పేరు ‘టాక్సిక్ ఇంపల్సెస్’ (Toxic Impulses). ఈ చిత్రానికి కైల్ షాడ్ట్ దర్శకత్వం వహించారు. ఇందులో సెబాస్టియన్, ఒలివియా బకిల్, హెలెన్ ఉడీ ప్రధాన పాత్రలు పోషించారు. 2022 డిసెంబర్ 20న విడుదలైన ఈ సినిమాకు IMDb లో 7.6/10 రేటింగ్ కూడా ఉంది. ఈ సినిమా ప్రస్తుతం Amazon Prime Video, Apple TV ప్లాట్ ఫామ్ లలో అందుబాటులో ఉంది.
పీటర్ మోస్లీ అనే ఒక రిటైర్డ్ పోలీస్ డిటెక్టివ్ ప్రశాంతమైన జీవితాన్ని గడుపుతుంటాడు. ఒకరోజు జెమిరా అనే ఒక అందమైన మహిళ అతన్ని కలిసి, తనను ఎవరో బ్లాక్మెయిల్ చేస్తున్నారని, తన ప్రాణాలకు ముప్పు ఉందని చెప్పి సహాయం కోరుతుంది. మొదట పీటర్ దీనికి ఒప్పుకోకపోయినా, ఆమె పరిస్థితి చూసి జాలిపడి కేసును దర్యాప్తు చేయడం ప్రారంభిస్తాడు. అయితే ఈ ఇన్వెస్టిగేషన్ ముందుకు వెళ్లేకొద్దీ, అతను ఒక ప్రమాదకరమైన నేర ప్రపంచంలోకి అడుగుపెడుతున్నాడని అర్థమవుతుంది.
నిజానికి జెమిరా ఒక బ్యాంక్ దోపిడీదారుల ముఠాలో సభ్యురాలు. ఆమెను ఒక సైకోలాంటి వ్యక్తి తన కంట్రోల్లో ఉంచుకుని ఆడించుకుంటూ ఉంటాడు. జెమిరా చెప్పిన మాటలు నమ్మి రంగంలోకి దిగిన పీటర్, తెలియకుండానే ఒక పెద్ద బ్యాంక్ రాబరీ ప్లాన్లో భాగమైపోతాడు. చివరికి అబద్ధాలు, వెన్నుపోట్లు మధ్య పీటర్ ఆ మహిళను రక్షించాడా ? ఆ కుట్ర నుంచి తను ఎలా బయటపడ్డాడు ? అనే విషయాలను ఈ సినిమాను తెలుసుకోవాల్సిందే.
Read Also : విదేశీ మహిళ కోసం పడరాని పాట్లు… మెంటలెక్కించే ట్విస్టులున్న డిటెక్టివ్ థ్రిల్లర్
Share
BIG TV Malayalam: కేరళ మీడియా రంగంలో సరికొత్త విప్లవం.. గ్రాండ్గా ఎంట్రీ ఇచ్చిన BIG TV
US-Israel Attacks Iran: యుద్ధంలో చిక్కుకున్న టాలీవుడ్ హీరోయిన్.. కాపాడమని మోదీకి రిక్వెస్ట్..
