OTT Movie : గత కొంత కాలంగా ప్రేక్షకులు ఆసక్తిగా ఎదురుచూస్తున్న మూవీ ‘తేరే ఇష్క్ మే’. ధనుష్, కృతి సనన్ జంటగా నటించిన ఈ రొమాంటిక్ మూవీ థియేటర్లలో నవంబర్ 28న విడుదలై, ఆడియన్స్ నుంచి మంచి రెస్పాన్స్ తెచ్చుకుంటోంది. ఇక ఈ సినిమా డిజిటల్ హక్కులను కూడా ఓ ప్రముఖ ఓటీటీ సొంతం చేసుకున్నట్లు తెలుస్తోంది. బిగ్ స్క్రీన్ రన్ తరువాత ఓటీటీ సమయం, కనీసం ఎనిమిది వారాలు ఉండటంతో మరికొంత సమయం వేచి ఉండక తప్పదు. అయితే ఒక్కో సారి సినిమా ప్రదర్శనను బట్టి సమయం మారే అవకాశం ఉంటుంది. దీంతో డిసెంబర్ చివరి వారంలోనే ఓటీటీ ఆడియన్స్ ఈ సినిమాను చూసే అవకాశం ఉంది. ఈ సినిమా ఏ ఓటీటీలోకి రాబోతోంది ? దీని కథ ఏమిటి ? అనే వివరాల్లోకి వెళ్తే ..
ఆనంద్ ఎల్. రాయ్ దర్శకత్వంలో ధనుష్, కృతి సనన్ నటించిన ‘తేరే ఇష్క్ మే’ సినిమా, థియేట్రికల్ రన్ తర్వాత నెట్ఫ్లిక్స్లో స్ట్రీమింగ్కు అందుబాటులో ఉంటుంది. ఈ సినిమాలో సుశీల్ దహియా, మాహిర్ మొహియుద్దీన్ సపోర్టింగ్ రోల్స్ లో నటించారు. ఈ సినిమాని భూషణ్ కుమార్, క్రిషన్ కుమార్, హిమాన్షు శర్మ నిర్మించారు. ఎ.ఆర్. రెహమాన్ సంగీతాన్ని సమకూర్చారు.
Read Also : మొదటి రాత్రే ఫుల్ బాటిల్ లేపే భార్య… గుటకలు మింగే భర్త… ఈ పంజాబీ సినిమాతో భలే కిక్కు మావా
శంకర్ (ధనుష్) బెనారస్లో సాధారణ బ్రాహ్మణ కుటుంబం నుంచి వచ్చిన అబ్బాయి. చదువుకుంటూ కూడా చిల్లరగా తిరుగుతుంటాడు. ఒక రోజు ముక్తి (కృతి సనోన్)ని చూస్తాడు. ముక్తి చాలా అందమైన అమ్మాయి, శంకర్ ముక్తి మీద పూర్తిగా ప్రేమలో పడిపోతాడు. మొదట ముక్తి అతన్ని పట్టించుకోదు. కానీ శంకర్ మాత్రం ఏమీ ఆశించకుండా ఆమె కోసం అన్నీ చేస్తాడు. ఆమెకు ఉన్న సమస్యలను తీర్చడానికి ప్రాణం పెట్టి ప్రయత్నిస్తాడు. అలా ముక్తికి కూడా శంకర్ మీద ప్రేమ వస్తుంది. కానీ వాళ్ల ప్రేమకి ఫ్యామిలీ వల్ల చాలా అడ్డంకులు వస్తాయి. మధ్యలో శంకర్ ఇండియన్ ఆర్మీలో జాయిన్ అవుతాడు. ఆ తరువాత స్టోరీ ఊహించని మలుపులు తిరుగుతుంది. అల్లరిగా తిరిగే శంకర్ డిఫెన్స్ లో చేరడానికి కారణం ఏమిటి ? ముక్తితో ప్రేమ బంధం ఏమవుతుంది ? ఈ స్టోరీ ముగింపు ఎలా ఉంటుంది ? అనే విషయాలను, ఈ రొమాంటిక్ సినిమాను చూసి తెలుసుకోవాల్సిందే.
Share
Today Movies in TV : శనివారం సూపర్ హిట్ సినిమాలు..వాటిని మాత్రం మిస్ అవ్వొద్దు..
Bajaj Riki E-Rickshaw: బజాజ్ నుంచి సరికొత్త ఈ-రిక్షాలు,వీటి ప్రత్యేకత ఏంటో తెలుసా
