OTT Movie : స్టూడెంట్‌తో ప్రొఫెసర్ పాడు పని… 6 భాషల్లో ఓటీటీలోకి వచ్చిన సైకలాజికల్ క్రైమ్ థ్రిల్లర్‌

OTT Movie : సైకలాజికల్ క్రైమ్ థ్రిల్లర్ జానర్ లో ఒక హాలీవుడ్ మూవీ ఓటీటీలోకి వచ్చింది. యేల్ యూనివర్సిటీ నేపథ్యంలో జరిగే ఈ థ్రిల్లర్, గత నెల థియేటర్స్‌లో విడుదలై మంచి రెస్పాన్స్ తెచ్చుకుంది. ప్రొఫెసర్, స్టూడెంట్ మధ్య ఏర్పడే టెన్షన్ సెక్షువల్ అబ్యూజ్ తో ఈ కథ ఒక కొత్త కోణంలో చూపిస్తుంది. చూస్తున్నంత సేపు గుండెల్లో గుబులు రేపుతుంటుంది ఈ స్టోరీ. థియేట్రికల్ రన్ తరావుత, నెల రోజుల్లోనే ఒకేసారి ఆరు భాషల్లో (ఇంగ్లీష్, హిందీ, తెలుగు, తమిళం, మలయాళం, కన్నడ) డిజిటల్ స్ట్రీమింగ్ కి వచ్చింది. థ్రిల్లర్ ఫ్యాన్స్ మిస్ కాకుండా చూడాల్సిన సినిమా ఇది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..

ఏ ఓటీటీలో అంటే

ఈ సైకలాజికల్ క్రైమ్ థ్రిల్లర్ మూవీ పేరు ‘ఆఫ్టర్ ది హంట్’. లూకా గ్వాడనినో దర్శకత్వంలో ఇది తెరకెక్కింది. ఇందులో జూలియా రాబర్ట్స్, ఆయో ఎడెబిరి, ఆండ్రూ గార్ఫీల్డ్‌ ప్రధాన పాత్రల్లో నటించారు. 6 భాషల్లో వచ్చిన ఈ షాకింగ్ స్టోరీ 2025 అక్టోబర్ 10న థియేటర్స్‌లో విడుదలై, ఇప్పుడు అమెజాన్ ప్రైమ్ వీడియోలో 6 భాషల్లోఅందుబాటులో ఉంది. ఐయండిబిలో ఈ మూవీ 6.3 రేటింగ్ ని పొందింది.

స్టోరీ ఏమిటంటే

ఒక ప్రతిష్టాత్మకమైన యేల్ యూనివర్సిటీలో అల్మా అనే ఫిలాసఫీ ప్రొఫెసర్ అందరి చేత గౌరవించబడుతుంటుంది. అదే సమయంలో ఆమెకు పీహెచ్‌డీ విద్యార్థినిగా ఉన్నమాగీ అనే యువతి ఆమెను దేవతలా ఆరాధిస్తుంది. కానీ ఒక రోజు ఆమె అల్మా కొలీగ్ అయినటువంటి ప్రొఫెసర్ హ్యాంక్ మీద సెక్సువల్ అసాల్ట్ కేసు పెడుతుంది. అతను అదే సమయంలో ఆల్మాతో పాటు చీఫ్ ప్రొఫెసర్ పదవికి పోటీ పడుతుంటాడు. ఇప్పుడు ఈ కేసు అల్మా జీవితాన్ని తలకిందులు చేస్తుంది.

ఈ సంఘటన వల్ల క్యాంపస్‌లో ఉద్రిక్తతలు పెరుగుతాయి. ఆల్మా తన స్నేహితుడి వాదనకు, విద్యార్థిని ఆరోపణల మధ్య నలిగిపోతుంది. పరిస్థితిని అర్థం చేసుకోవడానికి ప్రయత్నిస్తున్న క్రమంలో, ఆల్మా గతం నుండి ఒక సీక్రెట్ బయటపడుతుంది. ఇది ఆమె కెరీర్‌కు, ప్రతిష్టకు ప్రమాదం కలిగిస్తుంది. దీంతో స్టోరీ ఊహించని మలుపులు తిరుగుతుంది. ఆల్మా సీక్రెట్ ఏమిటి ? గతాన్ని, ప్రస్తుత సమస్యలను ఆమె ఎలా పరిష్కరించుకుంటుంది ? మాగీ చేసిన ఆరోపణలు నిజమా ? అనే ప్రశ్నలకు సమాధానాలను తెలుసుకోవాలనుకుంటే, ఈ సినిమాను మిస్ కాకుండా చూడండి.