The Boy: హారర్ థ్రిల్లర్ సినిమాలను ఇష్టపడే వారికి, ముఖ్యంగా ‘ట్విస్ట్’లతో కూడిన చిత్రాలను వెతికే వారికి ‘ది బాయ్’ (The Boy) ఒక మంచి ఛాయిస్. రొట్టెన్ టొమాటోస్ వంటి ప్లాట్ఫామ్స్లో ఈ సినిమా గురించి మిశ్రమ స్పందన ఉన్నప్పటికీ, ఓటీటీలో స్ట్రీమ్ చేసుకునే ప్రేక్షకులకు ఇది ఒక విభిన్నమైన అనుభూతిని ఇస్తుంది.
Read also-గ్లోబల్ ‘సేవ్ సాయిల్’ ఉద్యమం పుస్తకం ఆవిష్కరణ.. ఎక్కడంటే?
ఈ సినిమా గ్రేటా అనే ఒక అమెరికన్ యువతి చుట్టూ తిరుగుతుంది. తన గతాన్ని మర్చిపోయి కొత్త జీవితాన్ని ప్రారంభించడానికి ఆమె ఇంగ్లాండ్లోని ఒక మారుమూల గ్రామానికి వెళ్తుంది. అక్కడ ఒక వృద్ధ దంపతుల ఇంట్లో వారి ఎనిమిదేళ్ల కొడుకు ‘బ్రామ్స్’ను చూసుకోవడానికి నానీగా చేరుతుంది. అయితే, ఇక్కడే అసలు ట్విస్ట్ ఉంది. ఆ దంపతులు తమ కొడుకుగా చూపిస్తున్నది నిజమైన మనిషిని కాదు, ఒక మట్టి బొమ్మను తమ నిజమైన కొడుకు 20 ఏళ్ల క్రితం చనిపోయాడని, ఆ బొమ్మలోనే తమ బిడ్డ ఉన్నాడని వారు నమ్ముతారు. ఆ బొమ్మను చూసుకోవడానికి వారు గ్రేటాకు కొన్ని కఠినమైన నియమాలను విధిస్తారు. మొదట్లో గ్రేటా దీన్ని హాస్యాస్పదంగా భావించినా, ఆ తర్వాత ఇంట్లో జరిగే వింత పరిణామాలు ఆమెను భయాందోళనకు గురిచేస్తాయి.
ఇది కేవలం దెయ్యం సినిమా మాత్రమే కాదు. ఇది ప్రేక్షకుడి మెదడుతో ఆడుకునే సైకలాజికల్ థ్రిల్లర్. ఆ బొమ్మ నిజంగా కదులుతుందా? లేక గ్రేటా భ్రమ పడుతుందా? అనే ఉత్కంఠ చివరి వరకు కొనసాగుతుంది. ఆ పాత కాలపు విక్టోరియన్ ఇల్లు, అక్కడి నిశ్శబ్దం, వర్షం.. ఇవన్నీ ఒక రకమైన భయంకరమైన వాతావరణాన్ని సృష్టిస్తాయి. సినిమాటోగ్రఫీ సినిమాకు పెద్ద ప్లస్ పాయింట్. ఈ సినిమా ముగింపు చాలా మందికి ఊహించని విధంగా ఉంటుంది. సాధారణ హారర్ సినిమాల్లో ఉండే ‘సూపర్ నేచురల్’ ఎలిమెంట్స్ కంటే భిన్నమైన ముగింపు ఇందులో కనిపిస్తుంది. విమర్శకులు దీనికి యావరేజ్ మార్కులు వేశారు. దానికి కారణం కథలో అక్కడక్కడా సాగతీత ఉండటం. అయితే, ఓటీటీలో వీకెండ్ పూట ఒక థ్రిల్లింగ్ మూవీ చూడాలనుకునే వారికి ఇది ఏమాత్రం బోర్ కొట్టదు. గ్రేటా పాత్రలో లారెన్ కోహన్ అద్భుతంగా నటించింది.
Share
ఉస్మాన్ తారిక్ లాగానే బౌలింగ్ చేస్తున్నాడు..కృనాల్ పాండ్యాపై 3 నెలల బ్యాన్ !
హోర్మూజ్ జలసంధి టెన్షన్.. ఆరు షిప్లు వెనక్కి వెళ్లాయన్న అమెరికా, 20 షిప్లు దాటాయన్న ఇరాన్
