OTT Movie : హిస్టారికల్ సినిమాలు గురించి ప్రత్యేకంగా చెప్పక్కర్లేదు. ఈ సినిమాలలో స్టోరీ ఎక్కువగా రాజ కుటుంబం నుంచి తిరుగుతూ ఉంటుంది. ఈ సినిమాలు ప్రేక్షకులందరినీ బాగా ఎంటర్టైన్ చేస్తాయి. అయితే ఇప్పుడు మనం చెప్పుకోబోయే కొరియన్ మూవీలో కుట్ర, కుతంత్రం, శృంగారం అన్ని కలిపి ఉంటాయి. ఈ కొరియన్ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే…
రెండు ఓటీటీ లలో
ఈ చారిత్రక శృంగార థ్రిల్లర్ మూవీ పేరు ‘ది కన్‌క్యూబిన్’ (The Concubine). 2012 లో వచ్చిన ఈ మూవీకి కిమ్ డే-సెయుంగ్ దర్శకత్వం వహించారు. జోసెయోన్ రాజవంశం నేపథ్యంలో ఈ స్టోరీ హ్వా-యియోన్ చుట్టూ తిరుగుతుంది. ఈ మూవీ అమెజాన్ ప్రైమ్ వీడియో (Amazon prime video), ఆపిల్ టివి (Apple TV) లో స్ట్రీమింగ్ అవుతోంది. ఈ మూవీ తెలుగులో విడుదల కాలేదు. కానీ ఇది కొరియన్ భాషలో, ఇంగ్లీష్ సబ్‌టైటిల్స్‌తో అందుబాటులో ఉంది.
స్టోరీలోకి వెళితే
హ్వా-యియోన్ ఒక ఉన్నత కుటుంబానికి చెందిన అమ్మాయి . క్వాన్-యూ అనే ఒక పెదవాడి ప్రేమలో ఉంటుంది. అయితే రాజు ఆమె అందాన్ని చూసి తన ఉంపుడుగత్తెగా చేసుకోవాలని కోరుకుంటాడు. హ్వా-యియోన్ తన ప్రేమికుడు క్వాన్-యూని రక్షించడానికి, రాజ ఆస్థానంలోకి వెళ్లడానికి అంగీకరిస్తుంది. అయినాకూడా ఆమె ప్రేమికుడి మగతనాన్ని కోసేస్తారు సైనికులు. ఇదంతా హ్వా-యియోన్ తండ్రి కనుసన్నల్లో జరుగుతుంది. ఆ తరువాత హ్వా-యియోన్ రాజుకు ఉంపుడుగత్తె గా ఉండి, ఒక కుమారుడిని కని రాణిగా మారుతుంది. అక్కడ ఉంపుడుగత్తెలకు మగసంతానం కలిగితే రాణి హోదా వస్తుంది. కొన్ని సంవత్సరాల తర్వాత, రాజు ఒక వింత వ్యాధితో మరణిస్తాడు. రాజు సవతి తల్లి (పార్క్ జి-యంగ్) తన కుమారుడు సంగ్-వాన్‌ను రాజుగా చేస్తుంది. రాజును తన ఆధీనంలో పెట్టుకుని, తల్లిగా అధికారాన్ని చేపడుతుంది. సంగ్-వాన్ కూడా హ్వా-యియోన్‌పై మోహంతో ఉంటాడు. కానీ ఆమె అతని ప్రేమను తిరస్కరిస్తుంది.
ఈ సమయంలో, హ్వా-యియోన్ తన మాజీ ప్రేమికుడు క్వాన్-యూని రాజభవనంలో నపుంసకుడిగా చూస్తుంది. క్వాన్-యూ గతంలో హ్వా-యియోన్ తండ్రి వల్ల మగతనం కోల్పోయాక ఆమెపై కోపంతో ఉంటాడు. రాజ ఆస్థానంలో రాజకీయ కుట్రలు, అధికార పోరాటాలు, వ్యక్తిగత ప్రతీకారాలు తీవ్రమవుతాయి. హ్వా-యియోన్ తన కుమారుడిని, తన స్థానాన్ని రక్షించుకోవడానికి క్రమంగా కఠినమైన నిర్ణయాలు తీసుకుంటుంది. సంగ్-వాన్ తన తల్లి ఆధిపత్యం మధ్య చిక్కుకుంటాడు. హ్వా-యియోన్ తన శత్రువులను అంతం చేసి, తన కుమారుడిని రాజుగా చేయడానికి తీవ్రమైన చర్యలు తీసుకుంటుంది. చివరికి హ్వా-యియోన్ తన కొడుకుని రాజును చేస్తుందా ? ఆ పద్మ వ్యూహంలో చిక్కు కుంటుందా ? నపుంసకుడిగా మారిన ప్రియుడు ఏం చేస్తాడు ? ఈ విషయాలను తెలుసుకోవాలి అనుకుంటే, ఈ కొరియన్ సినిమాను మిస్ కాకుండా చూడండి.
Share
UPI payments: యూపీఐ పేమెంట్స్‌పై 18 శాతం జీఎస్టీ.. ఎంత వరకు నిజం..? ఇదిగో కేంద్ర క్లారిటీ..
RCB VS PBKS: 14 ఓవర్లకు కుదించిన పంజాబ్‌-బెంగళూరు మ్యాచ్‌... బ్యాటింగ్ ఎవరిదంటే ?
