OTT Movie : ఓటీటీలోకి ప్రతి వారం సినిమాలు వస్తూనే ఉన్నాయి. వీటిని ఆడియన్స్ చూస్తూనే ఉన్నారు. అయితే కొన్ని స్టోరీలు థియేటర్లలో కంటే ఓటీటీలో ట్రెండ్ అవుతుంటాయి. ఆకట్టుకునే కంటెంట్ ఉన్నా కూడా, వీటిని డిజిటల్ స్ట్రీమింగ్ లో చూడటానికే ఇష్టపడుతుంటారు. ఈ నేపథ్యంలో రీసెంట్ గా ‘ది గ్రేట్ ప్రీ-వెడ్డింగ్ షో’ అనే తెలుగు మూవీ థియేటర్లలో రిలీజ్ అయింది. అయితే ఆడియన్స్ నుంచి దీనికి అంతగా రెస్పాన్స్ రాలేదు. ఫ్యామిలీ కంటెట్ తో వచ్చిన ఈ లో బడ్జెట్ మూవీ త్వరలో ఓటీటీలోకి రాబోతోంది. దీని స్ట్రీమింగ్ హక్కులను ఒక ప్రముఖ ఓటీటీ సంస్థ దక్కించుకుంది. అయితే డిజిటల్ స్ట్రీమింగ్ లో ఈ సినిమా దూసుకెళ్ళే ఛాన్స్ ఉంది. ఇది ఏ ఓటీటీలో స్ట్రీమ్ అవుతుంది ? దీని కథ ఏమిటి ? అనే వివరాల్లోకి వెళ్తే ..
రాహుల్ శ్రీనివాస్ దర్శకత్వం వహించిన ‘ది గ్రేట్ ప్రీ-వెడ్డింగ్ షో’ సినిమా 2025 నవంబర్ 7న థియేటర్లలో రిలీజ్ అయింది. బాక్సాఫీస్ వద్ద అంతగా ఆడని ఈ సినిమాలో ‘ సిన్ ‘ ఫేమ్ తిరువీర్ ప్రధాన పాత్రలో నటించాడు. ఈ సినిమా జీ5, ఓటీటీప్లేలో 2025 డిసెంబర్ 5 నుంచి స్ట్రీమింగ్ కాబోతోంది. సందీప్ అగరం, అశ్మితా రెడ్డి బసాని నిర్మించిన ఈ సినిమా, ఐయండిబిలో 8.4/10 రేటింగ్ పొందింది.
Read Also : రచయిత భార్య మిస్సింగ్… వింత శక్తితో పూనకాలు… ‘కాంతారా’ లాంటి సినిమా
శ్రీకాకుళం జిల్లాలో ఒక చిన్న ఊర్లో రాజు (థిరువీర్) అనే ఫోటోగ్రాఫర్ ఉంటాడు. ఎప్పటినుంచో తన స్టూడియోలో ప్రీ-వెడ్డింగ్ షూట్స్ చేయాలని కలలు కంటూ ఉంటాడు. అతని ఫ్యామిలీ సపోర్ట్ తో జీవితం గడిచిపోతుంటుంది. చిన్న చిన్న ఫోటోలు తీస్తూ బండి లాగుతుంటాడు. అయితే ఒక రోజు ఆ ఊరిలో ఆనంద్ అనే వ్యక్తి తన పెళ్లికి ప్రీ-వెడ్డింగ్ వీడియో షూట్ చేయమని రాజు స్టూడియోకి వస్తాడు. దీంతో రాజు ఆనందానికి అవధులు లేకుండా పోతాయి. ఆనంద్ పెళ్లి సౌందర్యతో జరగబోతుంటుంది. వెడ్డింగ్ షూట్ కూడా సక్సెస్ఫుల్గా పూర్తవుతుంది. అయితే ఇక్కడే స్టోరీ మలుపు తిరుగుతుంది. అన్ని ఫుటేజ్ ఉన్న మెమరీ కార్డ్ మిస్ అవుతుంది. ఇక అక్కడి నుంచి గందరగోళం మొదలవుతుంది. రాజు, ఆనంద్ ఫ్యామిలీ, స్థానికులు కలిసి కార్డ్ వెతకడంలో ఫుల్ బిజీ అవుతారు. ఇంతలో ఈ పెళ్లికి కూడా కష్టాలు మొదలవుతాయి. ఇక్కడ కామెడీతో పాటు, ఎమోషనల్ సీన్స్ కూడా వస్తాయి. క్లైమాక్స్ షాకింగ్ ట్విస్ట్ వస్తుంది. ఇది స్టోరీకి హైప్ తెస్తుంది. చివరికి ఆ మెమరీ కార్డ్ దొరుకుతుందా ? ఎవరైనా దానిని దాచారా ? అసలు ఈ పెళ్లి జరుగుతుందా ? అనే ప్రశ్నలకు సమాధానాలు తెలుసుకోవాలనుకుంటే, ఈ సినిమాని మిస్ కాకుండా చూడండి.
Share
Harshali Malhotra : 'అఖండ 2' స్టోరీ లీక్ చేసిన హీరోయిన్.. థియేటర్లు దద్దరిల్లాల్సిందే..
Nindu Nurella Savasam Aru : 'నిండు నూరేళ్ల సావాసం' అరు లవ్ స్టోరీలో ట్విస్టులు.. చివరికి విడాకులు..
