OTT Movie : పిల్లల కళ్ళను తీసుకుని ఆయుష్షు పెంచుకునే దిక్కుమాలినోళ్లు… ఒళ్ళు ఝల్లుమనిపించే హర్రర్ థ్రిల్లర్

OTT Movie : ఓటీటీ ప్లాట్ ఫామ్ లలో ఇప్పుడు థ్రిల్లర్ సినిమాలదే హవా. ఆడియన్స్ ను ఎంగేజ్ చేస్తున్న ఈ జానార్ లో కొత్త సినిమాలు, సరికొత్త స్టోరీలతో ప్రేక్షకులను భయపెడుతున్నాయి. వీటిని భాషతో సంబంధం లేకుండా ప్రపంచవ్యాప్తంగా అదరిస్తున్నారు. యాక్షన్, క్రైమ్, సస్పెన్స్, యాక్షన్, రొమాంటిక్ ల కంటే థ్రిల్లర్ స్టోరీలనే ఎక్కువగా ఫాలో అవుతున్నారు. రీసెంట్ గా ఓటీటీలోకి వచ్చిన ఒక సైకలాజికల్ థ్రిల్లర్ మూవీ బాగా ట్రెండ్ అవుతోంది. ఒక యువకుడు అనాధ శరణాలయంలో కి వెళ్ళాక ఈ కథ తిరుగుతుంది. ఒక్కసారి చూస్తే మరచిపోవడం కష్టమే. ఈ సినిమా పేరు ఏమిటి ? ఏ ఓటీటీలో ఉంది దీని కథ ఏమిటి ? అనే వివరాలను తెలుసుకుందాం పదండి.

ఏ ఓటీటీలో అంటే

‘ది హోమ్’ (The home) 2025 లో విడుదలైన ఒక సైకలాజికల్ హారర్ థ్రిల్లర్. దీనికి జేమ్స్ డిమొనాకో డైరెక్టర్ గా వ్యవహరించారు. ఇందులో పీట్ డేవిడ్సన్, జాన్ గ్లోవర్, బ్రూస్ లీడ్ రోల్స్ లో నటించారు. ఇది 2025, జులై 25న థియేటర్లలో రిలీజైంది. ఈ సినిమా ప్రస్తుతం జియో హాట్‌స్టార్‌లో స్ట్రీమింగ్ అవుతోంది.

స్టోరీ ఏమిటంటే

మ్యాక్స్ అనే గ్రాఫిటీ ఆర్టిస్ట్, గతంలో చేసిన తప్పులకు శిక్షగా, ఒక ప్రశాంతంగా కనిపించే అనాధ శరణాలయంలో సామాజిక సేవ చేయవలసి వస్తుంది. ఆఅక్కడికి వెళ్ళాక నాలుగో అంతస్తులోకి వెళ్లకూడదని, అక్కడ ఉన్న హెడ్ హెచ్చరిస్తాడు. అందులో ఉన్న వ్యక్తులు ప్రత్యేక సంరక్షణ లో ఉన్నారని చెబుతాడు. మ్యాక్స్‌కు అక్కడ పనిచేస్తున్నప్పుడు, వింతైన సంఘటనలు ఎదురవుతాయి. భయంకరమైన పీడకలలు వస్తాయి. అతనికి ఇక్కడ ఏదో చెడు జరుగుతోందని అనిపిస్తుంది.

అక్కడ ఏం జరుగుతుందనే విషయాన్ని తెలుసుకోవాలనుకుంటాడు మ్యాక్స్. ఈ ప్రయత్నంలో అతను భయంకరమైన ఒక రహస్యాన్ని తెలుసుకుని షాక్ అవుతాడు. అక్కడ పిల్లల కళ్ళను తీసి ఏవో ప్రయోగాలు చేస్తుంటారు. ఇది తెలుసుకున్న అతనికి కూడా ప్రమాదం వెంటాడుతుంది. ఈ చిత్రం ఊహించని మలుపులు, క్రూరమైన క్లైమాక్స్‌తో ముగుస్తుంది. చివరికి మ్యాక్స్ తెలుసుకున్న నిజాలు ఏమిటి ? నాలుగో అంతస్తులో అసలు ఏం జరుగుతుంటుంది ? దీని వెనుక ఉన్నది ఎవరు? అనే విషయలను, ఈ సైకలాజికల్ హారర్ థ్రిల్లర్ సినిమాని చూసి తెలుసుకోండి.