Melodrama OTT : కొన్ని సినిమాలు చూస్తున్నంత సేపు మరో లోకంలోకి తీసుకెళ్తాయి. ఈ సినిమాలలో కంటెంట్ అంత బలంగా ఉంటుంది మరి. ఇప్పుడు మనం చెప్పుకోబోయే హాలీవుడ్ సినిమా ఆడియన్స్ ను బాగా ఆకట్టుకుంది. అప్పట్లో ఆడవాళ్ళ కోరికల్ని, వాళ్ళ ఇష్టాల్ని ఈ లోకం ఎలా తొక్కేస్తుందో కళ్ళకు కట్టినట్లు చూపిస్తుంది ఈ సినిమా. ఈ సినిమా మొత్తం ఇద్దరు అక్కాచెల్లెళ్ల చుట్టూ తిరుగుతుంది. ఎక్కడా బోరింగ్ అనిపించదు చూస్తుంటే. దీనికి ఐయండిబిలో 7.7 రేటింగ్ కూడా ఉంది.
ఈ బ్రెజిలియన్ డ్రామా పేరు ‘ఇన్విజిబుల్ లైఫ్ ఆఫ్ యురిడిస్ గుస్మావో’ (The Invisible Life of Eurídice Gusmão). మార్తా బాటల్హా రాసిన నవల ఆధారంగా తెరకెక్కిన ఈ చిత్రం 2019లో కాన్స్ ఫిలిం ఫెస్టివల్‌లో ప్రతిష్టాత్మకమైన ‘అన్ సర్టైన్ రిగార్డ్’ అవార్డును గెలుచుకుంది. ఈ సినిమాకు కరీం ఐనూజ్ దర్శకత్వం వహించగా, యురిడిస్, గైడా పాత్రల్లో కరోల్ డ్యుఆర్టే, జూలియా స్టాక్లర్ అద్భుతంగా నటించారు. క్లైమాక్స్‌లో లెజెండరీ నటి ఫెర్నాండా మోంటెనెగ్రో పోషించిన పాత్ర సినిమాకు ప్రాణం పోసింది. ఈ సినిమాను ప్రస్తుతం ప్రైమ్ వీడియో (Prime Video) ప్లాట్‌ ఫామ్‌లో చూడవచ్చు
1950ల కాలంలో రియో అనే ఊళ్ళో ఇద్దరు అక్కాచెల్లెళ్లు ఉండేవారు. ఒక అమ్మాయి పేరు గైడా, ఇంకొక అమ్మాయి పేరు యురిడిస్. వీళ్ళిద్దరికీ బోలెడు ఆశలు ఉండేవి. అక్క గైడా ఏమో ప్రేమించినోడితో చెక్కేయాలని చూస్తే, చెల్లి యురిడిస్ కి పియానో వాయించి పెద్ద మ్యూజిషియన్ అయిపోవాలని ఉండేది. కానీ వాళ్ళ నాన్న మాత్రం పాతకాలం మొండి మనిషి. ఆడపిల్లలు ఇంట్లోనే పడి ఉండాలి, పెళ్లి చేసుకుని పిల్లల్ని కనాలి అనే టైపు. అయితే ఒకరోజు అక్క గైడా ఇంట్లో చెప్పకుండా తన లవర్‌తో కలిసి పారిపోతుంది. కానీ వాడు మోసం చేయడంతో గర్భవతిగా మళ్ళీ ఇంటికి వస్తుంది. అప్పుడు వాళ్ళ నాన్న ఆమెను ఇంట్లోకి రానివ్వకుండా, నీ చెల్లి యూరప్ వెళ్ళిపోయిందని అబద్ధం చెప్పి గెంటేస్తాడు.
అటు చెల్లికి కూడా నీ అక్క చచ్చిపోయిందని చెప్పి నమ్మిస్తాడు. పాపం ఒకే ఊళ్ళో ఉన్నా కూడా ఆ నాన్న ఆడిన నాటకం వల్ల ఒకరినొకరు కలుసుకోలేక, వెతుక్కుంటూనే దశాబ్దాలు గడిపేస్తారు. చెల్లి యురిడిస్ ఏమో మొగుడు, పిల్లలు అంటూ ఆ ఇంటి గోడల మధ్యే తన టాలెంట్‌ని చంపేసుకుని బతుకుతుంది. అక్క ఏమో కష్టాలు పడుతూ ఒంటరిగా కొడుకుని సాకుతుంది. ఒకరికి ఒకరు రాసుకున్న ఉత్తరాలు కూడా ఆ నాన్న దాచేస్తాడు. చివరికి ఈ అక్కాచెల్లెళ్లు కలుసుకుంటారా ? ఈ క్లైమాక్స్ ఏమిటి ? అనే విషయాలను ఈ సినిమాను చూసి తెలుసుకోండి.
Read Also : చదువు ఉన్నా విధిని జయించలేక… పల్లెటూరి ఆచారాల మధ్య చిక్కుకున్న ఒక డాక్టర్ కథ
Share
చిన్నపిల్లల చేతిలో గన్నులు.. దేవుడు కూడా చూడలేని దారుణాలు... ఐయండిబిలో 8.6 రేటింగ్
Nindu Noorella Saavasam Serial Today Episode April 11th ‘నిండు నూరేళ్ల సావాసం’ సీరియల్‌: హాస్పిటల్ లో మిస్సమ్మ, అమర్ ను చూసి షాకైన మనోహరి
