The Kerala Story 2 OTT: బాలీవుడ్ సినీ ఇండస్ట్రీలో ఇటీవల సంచలనంగా మారిన సినిమాలలో ది కేరళ స్టోరీ 2(The Kerala Story 2) ఒకటి. గతంలో ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకున్న ది కేరళ స్టోరీ సినిమాకు సీక్వెల్ చిత్రంగా ఈ సినిమా ప్రేక్షకుల ముందుకు వచ్చింది. డైరెక్టర్ కామాఖ్య నారాయణ సింగ్ ది కేరళ స్టోరీ 2 సినిమాని సరికొత్త కోణంలో తెరకెక్కించి ప్రేక్షకుల ముందుకు తీసుకువచ్చారు. ది కేరళ స్టోరీ బాక్సాఫీస్ వద్ద అద్భుతమైన కలెక్షన్లను రాబట్టడంతో ఈ సినిమాపై కూడా మంచి అంచనాలే ఏర్పడ్డాయి కానీ ఈ సినిమా అనుకున్న స్థాయిలో సక్సెస్ మాత్రం అందుకోలేకపోయింది.
ఇలా థియేటర్లలో విడుదలై మిక్స్డ్ టాక్ సొంతం చేసుకున్న ఈ సినిమా ప్రస్తుతం ఓటీటీలోకి రావడానికి సిద్ధమవుతోంది. ఈ సినిమా డిజిటల్ హక్కులను ప్రముఖ ఓటీటీ సంస్థ జీ 5(Zee 5) కైవసం చేసుకున్నారు. ఇటీవల ఈ సినిమా ఓటీటీ విడుదలకు సంబంధించి జీ 5 అధికారక ప్రకటన వెల్లడించిన సంగతి తెలిసిందే. మే 8వ తేదీ నుంచి ఈ సినిమా ఓటీటీలో ప్రసారం కానుందని తెలియజేశారు అయితే తాజాగా ఈ సినిమా ఓటీటీ విడుదల విషయంలో మార్పులు చేశారని తెలుస్తోంది. అనుకున్న తేదీ కంటే ఈ సినిమాని ముందుగానే డిజిటల్ స్ట్రీమింగ్ కు అందుబాటులోకి తీసుకురాబోతున్నారు.
తాజాగా జీ 5 ఈ సినిమా కొత్త ఓటీటీ విడుదల తేదీని ప్రకటించారు ఈ సినిమా మే 8వ తేదీ కాకుండా మే ఒకటవ తేదీ నుంచి ప్రేక్షకులకు అందుబాటులోకి రాబోతున్నట్లు తెలియజేశారు. ఇలా థియేటర్లలో ఈ సినిమాని చూడటం మిస్ అయినవారు మే ఒకటవ తేదీ నుంచి జీ 5 లో చూసి ఎంజాయ్ చేయవచ్చు. ఇక ఈ సినిమాలో అదితి భార్య, ఉల్కా గుప్తా, ఐశ్వర్య ఓజా ప్రధాన పాత్రలలో నటించారు. సన్ షైన్ పిక్చర్స్ బ్యానర్ పై విపుల్ షా ఈ సినిమాను నిర్మించారు. 2026 ఫిబ్రవరి27 వ తేదీ ఈ సినిమా థియేటర్లలో విడుదల అయింది.
మత మార్పిడిల నేపథ్యంలో..
ఇలా ఎన్నో అంచనాల నడుమ థియేటర్లలో విడుదలైన ఈ సినిమా అనుకున్న స్థాయిలో సక్సెస్ అందుకోలేకపోయింది మరి ఓటీటీలో అయినా ఈ సినిమా ఎలాంటి సక్సెస్ అందుకుంటుంది అనేది తెలియాల్సి ఉంది. ఇక ఈ సినిమాలో గ్లామర్ కంటే కూడా నటీనటుల పాత్రలు ఎంతో భావోద్వేగంగా కొనసాగుతాయని చెప్పాలి. ఈ సినిమా మొదటి భాగం మతమార్పిడుల చుట్టూ తిరిగితే సీక్వెల్ సినిమాలో మాత్రం కేరళతో పాటు రాజస్థాన్ మధ్యప్రదేశ్ రాష్ట్రాలలో జరిగిన బలవంతపు మతమార్పిడిలా గురించి ఈ సినిమాలో చూపించారు. ముగ్గురు హిందు అమ్మాయిలు కుటుంబ సభ్యులను ఎదిరించి ముస్లిం అబ్బాయిలను పెళ్లి చేసుకోవడం ఆ తర్వాత వారు ఎదుర్కొన్న పరిస్థితుల నేపథ్యంలో ఈ సినిమా ప్రేక్షకుల ముందుకు వచ్చింది.
Also Read: జీవితంలో అలాంటి రోజు రాకూడదు.. బిగ్గెస్ట్ రీగ్రేట్ అర్జున్ కళ్యాణ్ ఎమోషనల్!
Share
భారత్‌లోకి నిస్సాన్ ప్యాట్రోల్ ఎంట్రీ, ల్యాండ్ క్రూయిజర్‌కు షాక్ తప్పదా?
గుండ్లపోచంపల్లిలో విష విలయం.. వేల సంఖ్యలో చేపలు మృతి.. పట్టించుకోని అధికారులు
