OTT Movie : యేసు క్రీస్తు జీవితాన్ని చాలా కాంట్రవర్షియల్గా చూపించిన సినిమా ఒకటి ఉంది. అయితే వివాదాలతో ఈ సినిమా థియేటర్లలోకి వచ్చింది. సెన్సిటివ్ అంశంతో చాలా చోట్ల ఈ సినిమాని నిలిపివేశారు. ఈ సినిమాలో యేసుని ఒక మామూలు మనిషిలా చూపించడంతో చాలా మంది క్రైస్టియన్స్ దీనిని పాజిటివ్ గా తీసుకోలేకపోయారు. అయితే థియేటర్లలో ఈ సినిమా మంచి కలెక్షన్స్ రాబట్టింది. ఈ సినిమా పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే…
మార్టిన్ స్కార్సెసే దర్శకత్వంలో వచ్చిన ఈ ఎపిక్ రెలిజియస్ మూవీ పేరు ‘ది లాస్ట్ టెంప్టేషన్ ఆఫ్ క్రైస్ట్’.ఇందులో విల్లెమ్ డాఫో యేసు పాత్రలో, హార్వే కీటెల్ జుడాస్గా, బార్బరా హెర్షే మేరీ మాగ్డలీన్గా నటించారు. 1988 ఆగస్టు 12న USలో రిలీజ్ అయిన ఈ సినిమా ప్రపంచవ్యాప్తంగా బాయ్కాట్స్ కి గురైంది. 2 గంటల 44 నిడివి ఉన్న ఈ సినిమా ప్రస్తుతం Amazon Prime Video, Apple TV అందుబాటులో ఉంది. ఈ సినిమా 1989 ఆస్కార్ బెస్ట్ డైరెక్టర్ (స్కార్సెసే) నామినేషన్, గోల్డెన్ గ్లోబ్ లో బెస్ట్ డైరెక్టర్ నామినేషన్ కూడా దక్కించుకుంది.
ఒక ఆలివ్ తోటలో యేసు మొకాళ్ల మీద కూర్చుని బాధపడుతుంటాడు. ఆ సమయంలో అతనికి రెండు మాటలు వినబడతాయి. ఒక గొంతు నువ్వు దేవుని కొడుకువి అంటే, మరొకటి నువ్వు సైతాన్ అని అంటుంది. దీంతో తలనొప్పి వచ్చి, యేసు గట్టిగా అరుస్తాడు. యేసు కర్పెంటర్ గా పని చేస్తుంటాడు. యూదుల్ని రోమన్లు ఉరి వేసి వేలాడదీయడానికి కావాల్సిన సామాగ్రిని తయారు చేస్తుంటాడు. ఆ పని చేస్తుంటే తనకే గిల్టీ ఫీలింగ్ వస్తుంటుంది. ఆ గ్రామంలో మేరీ అనే అమ్మాయిని చూస్తాడు. బాల్యంలోనే ఆమెను యేసు ఇష్టపడే వాడు. కానీ ఇప్పుడు ఆమె ఒక వేశ్య. ఒక రోజు గ్రామస్తులు ఆమెను రాళ్లతో కొట్టబోతుంటే యేసు వచ్చి, పాపం చేయని వాడే ముందు రాయి విసరాలని అనడంతో అందరూ షాక్ అవుతారు. యేసుని చూసి మేరీ ఏడుస్తుంది. నన్ను ఎందుకు వదిలేసావని బాధపడుతుంది.
ఇతని బెస్ట్ ఫ్రెండ్ జుడాస్ ఒక తిరుగుబాటు వ్యక్తి. రోమన్లను కత్తులతో తరిమికొట్టాలనుకుంటాడు. యేసుని నీదగ్గర మహిమలు ఉంటే చూపించాలని ఎగతాళి చేస్తాడు. యేసు ఎడారిలో 40 రోజులు ఫాస్టింగ్ చేస్తాడు. అక్కడ సాతాను మూడు రూపాల్లో వచ్చి యేసుని టెంప్ట్ చేస్తాడు. కానీ యేసు సాతాను మాటలు లెక్కచేయడు. అక్కడి నుంచి తిరిగి వచ్చి బాప్టిజం తీసుకుంటాడు. అప్పటి నుంచి ప్రవచనాలు స్టార్ట్ చేస్తాడు. అయితే ఒక చిన్న అమ్మాయి సాతాను రూపం వచ్చి నువ్వు సాధారణ మనిషిగా బతుకు అని చెబుతుంది. యేసు ఆ టెంప్టేషన్కు లొంగిపోతాడు. మేరీ మాగ్డలీన్తో మ్యారేజ్ చేసుకుంటాడు. పిల్లలు కూడా పుడతారు. అయితే క్లైమాక్స్ ఊహించని విధంగా ఉంటుంది. ఈ ముగింపుని తెలుసుకోవాలనుకుంటే, ఈ సినిమాని మిస్ కాకుండా చుడండి.
Share
Mowgli : రోషన్ కనకల నటించిన మౌగ్లీ సినిమా స్ట్రీమింగ్ అక్కడే, మరి అంత ఫాస్ట్ గా ఓటీటీలో?
TG Sarpanch Elections: సర్పంచ్ ఎన్నికలు.. ఆడపిల్ల పుడితే అకౌంట్లో రూ.5,116
